Fieri Online Website » Lajme

Biznesmeni gjendet i varur mes pishave

admin — Tue, 30 Dec 2008 14:37:19 +0000

Mister mbi vdekjen e tmerrshme të Et‘hem Aliajt. Policia heton në dy pista. Një 58-vjeçar, biznesmen i njohur, i martuar dhe me fëmijë, me profesion inxhinier nafte, është gjetur i varur në masivin me pisha në bregdetin e Semanit, rreth 17 kilometra larg qendrës së Fierit. Et‘hem Aliaj, lindur në Ballsh dhe banues në lagjen “8 Shkurti” të Fierit, ka rezultuar pasditen e së shtunës i humbur. Kanë qenë familjarët e tij, djali dhe bashkëshortja, ata që kanë kërkuar ndihmën e policisë pas konstatimit të vonesës së Aliajt. Familjarët dhe policia kanë nisur kërkimet dhe mësohet se pas lokalizimit të telefonit të tij personal, me anën e përgjimit, policia ka mundur të gjejë vendndodhjen e Et‘hem Aliajt, ku dhe është gjetur i varur në degën e një pishe. Policia, që në momentin e parë të kësaj ngjarjeje, ka hedhur dyshimet e saj në dy pista: njëra vrasje dhe tjetra vetëvrasje. Trupi i biznesmenit nuk është larguar nga vendi i ngjarjes për më shumë se 8 orë. Policia ka kryer të gjitha ekspertizat dhe mendon se bëhet fjalë për një vetëvrasje me motiv krizën financiare, që po kalonte biznesi i drejtuar nga Aliaj.

Ngjarja

Familjarët kanë qenë të parët që e kanë parandier kobin që u kishte ndodhur. Duke telefonuar në mënyrë të vazhdueshme në telefonin e Et‘hem Aliajt, bashkëshortja dhe djali kanë vërejtur se ai nuk u përgjigjej. Pas shqetësimit që vinte duke u rritur, familjarët kanë shkuar pranë Komisariatit të Policisë Fier dhe kanë denoncuar humbjen e tij. Uniforma të shumta policore, si dhe të afërt të shumtë të 58-vjeçarit, janë mobilizuar për të kërkuar vendndodhjen e tij. Rreth orës 02.00 pas mesnatës së të shtunës, duke aguar e diela, me anën e përgjimit të telefonit personal të Et‘hem Aliajt, policia ka mundur të lokalizojë vendndodhjen e tij, e cila rezultoi se ishte në masivin me pisha të Semanit. Drejt vendit të lokalizuar të telefonit janë nisur uniforma të shumta policore dhe pas mbërritjes në pyll, kanë parë si fillim automjetin e tipit “Mercedez Benz” me targa FR 9696 C, që ishte i parkuar me drejtim nga pylli dhe pak metra larg makinës, policia ka vërejtur trupin e varur të 58-vjeçarit. Policia menjëherë i është afruar viktimës dhe ka parë që ai ndodhej i varur në degën e një pishe në lartësinë mbi 1 metër nga toka. Pas gjetjes së trupit të Et‘hem Aliajt, ekspertë të krimit të organizuar, krimeve të hapura, uniforma të policisë së rendit e asaj kriminale, si dhe drejtori i qarkut, e drejtues të tjerë të policisë lokale kanë shkuar në vendin e ngjarjes. Po ashtu janë lajmëruar edhe familjarët e 58-vjeçarit.

Hetimet

Ekspertët e Policisë së Fierit kanë ngritur si fillim rrethin e vogël të hetimit, ndërkohë që ekspertizat e tjera i kanë lënë për paraditen e së dielës, për faktin e vetëm të errësirës së natës. Ndërkohë që paraditen e djeshme, pothuajse e gjithë Policia e Fierit ka rrethuar në një rreze më shumë se 300 metra vendin e ngjarjes për të gjetur brenda saj të gjitha gjurmët e mundshme. Këqyrja e kufomës ka treguar se Et‘hem Aliaj ka gjetur vdekjen nga mbytja me anën e një litari, i cili i kishte penguar frymëmarrjen në fyt. Sipas policisë, litari ishte i trashë dhe me material të fortë najloni. Litari ishte i ri dhe në pjesën e sipërme të tij kishte një çengel, me anën e të cilit ishte lidhur fort pas degës së pemës. Por nga rrethi i madh i hetimeve, policia ka mundur të dallojë gjurmët e tjera të skenës së ngjarjes. Mësohet prej grupit të hetimit, se automjeti i Aliajt është gjetur i hapur. Brenda tij nuk është gjetur asnjë dorëshkrim, ndërsa janë marrë të gjitha gjurmët e lëna nga personat që mund të kenë hipur në të. Policia në rrethin e madh të hetimit ka kërkuar edhe gjurmë të tjera, si të rrotave të automjetit, apo gjurmë njeriu. Ende nuk ka një version zyrtar nëse janë gjetur gjurmë të huaja, por ajo që deklarojnë zyrtarisht drejtuesit e Policisë së Fierit ka të bëjë me faktin se provat e gjetura në vendin e ngjarjes, si dhe rrethanat e ndodhjes së ngjarjes të shpien drejt një vetëvarjeje.

Policia menjëherë i është afruar viktimës dhe ka parë që ai ndodhej i varur në degën e një pishe, në lartësinë mbi 1 metër nga toka

Viktima

Inxhinieri i naftës u kërcënua në vitin 1997

I diplomuar para vitit 1990, në degën e Inxhinierisë së Naftës, Et‘hem Aliaj njihet në Qarkun e Fierit dhe më gjerë si një intelektual i formuar. Ai ka qenë në mjaft role drejtuese gjatë karrierës së tij, që nga kryeinxhinier dhe inxhinier, deri dhe drejtori i Ndërmarrjes së Prodhimit të Naftës Patos. Pas ‘90-ës ka vijuar profesionin e tij për një periudhë të shkurtër, pasi ka qenë ndër të parët biznesmenë të qytetit. Gjatë vitit 1997 Aliaj ka kaluar një krizë të ngjashme me këtë aktualen, ndërkohë që dhe është kërcënuar me pengmarrje. Biznesi i tij në Fier është përqendruar në disa fusha, por më i suksesshëm ka qenë ai i veglave elektrike, të cilat i siguronte nga Kina. Janë mjaft biznese, si prodhimi i felizolit, mjeteve të tonazhit të rëndë për ndërtim, deri dhe materiale të thjeshta elektrike, ku është përqendruar në vitet e gjata të aktivitetit të tij privat Et‘hem Aliaj. Babai i dy djemve, Et‘hem Aliaj, është përcjellë për në banesën e fundit pasditen e djeshme, duke marrë me vete misterin e fundit tragjik të tij, por duke mos inauguruar dot iniciativën më të fundit, atë të përfundimit të HEC-it në Librazhd.

Vetëvaret biznesmeni nga Fieri, Et’hem Aliaj

Gazetari — Sun, 28 Dec 2008 17:21:02 +0000

Është gjendur i vetëvarur në një pishë, biznesmeni nga Fieri, Et’hem Aliaj. Policia bëri të ditur se “sot është gjendur i varur në pyllin e Semanit, 55-vjeçari nga qyteti i Fierit”. Sipas të dhënave të para bëhet fjalë për vetëvrasje.

Aliaj ishte pronar i një firme ndërtimi. I vëllai që bëri njoftimin në polici për zhdukjen, iu tha oficerëve se ditët e fundit, ai kishte qenë shumë i mërzitur.

Pas denoncimit që bënë familjarët, policia nisi kontrollet dhe sot në mengjes gjeti trupin e pajetë të biznesmenit 55 vjeçar të varur në një. Pranë gjendej edhe makina e tij tip fuoristradë me targa FR 9686 C.

Sipas njerëzve që njohin, Aliaj ishte ndërtues dhe ndër të tjera kishte marrë me koncension edhe hidrocentralin e Përrenjasit. Policia po punon për të gjetur shkaqet që e çuan atë drejt vdekjes. Por referuar të dhënave të para të të afërmve, mësohet se ishte shumë i stresuar për shkak të punës.

Gazeta Shekulli

Aksidentoi dy fëmijë, kapet shoferi

admin — Thu, 25 Dec 2008 23:52:09 +0000

Policia e Fierit ka vënë nën pranga një drejtues mjeti, i cili gjatë udhëtimit ka aksidentuar rëndë dy fëmijë. Aksidenti ka ndodhur dy ditë më parë. Burimet zyrtare të Drejtorisë së Policisë së Qarkut Fier pohuan për “Shqip” se kanë vënë në pranga shtetasin Arben Sherifi, 32 vjeç, banor i fshatit Radostinë të Komunës Ndërmënas. Arsyeja e ndalimit të këtij shtetasi ka qenë se një ditë më parë, duke udhëtuar me automjetin e tij tip “Mercedez Benz” me targa N86SDW, në aksin rrugor Fier-Seman, në afërsi të Fermës Çlirim, ka aksidentuar rëndë dy fëmijë 12 dhe 13 vjeç, të cilët tentuan që të kalonin nga një anë e rrugës në tjetrën. Po sipas burimeve zyrtare policore mësohet se fëmijët, me iniciale A.G. dhe E.S. u dërguan në spitalin rajonal të Fierit, ku u është dhënë ndihma e parë mjekësore. Njëri prej tyre, 13-vjeçari me iniciale E.S. është dërguar në Tiranë, pasi gjendja e tij shëndetësore ka qenë e rëndë. 32-vjeçari Sherifi është ndaluar nën akuzën e shkeljes së rregullave të qarkullimit rrugor

Dy thika në këmbë i rrezikojnë jetën adoleshentit

admin — Thu, 25 Dec 2008 23:47:01 +0000

Sherr gjatë festës së organizuar për Krishtlindjet dhe Vitin e Ri. Një 16-vjeçar është plagosur me thikë në nga një bashkëmoshatar i tij, ndërsa ishte në një festë me shokët e klasës. Shkak mësohet të jetë bërë një sherr mes të rinjve. Ndërsa i plagosuri ndodhet në spitalin e Fierit nën kujdesin e mjekëve, policia ka ndaluar autorin e plagosjes, i cili është gjithashtu i mitur. Burimet zyrtare të spitalit dhe të Komisariatit të Policisë Fier bëjnë të ditur për gazetën se ngjarja ka ndodhur pasditen e së martës në fshatin Marinëz të Komunës Kuman në rrethin e Fierit. Klodian R., 16 vjeç ka debatuar me një bashkëmoshatar, i cili quhet Arben N. Debati i nisur në festën që zhvillohej në një lokal të fshatit Marinëz ka vijuar edhe në mbrëmje, kur dy të rinjtë ishin duke pirë kafe me shokët e përbashkët. Sipas burimeve policore, 16-vjeçari Klodian R. ka dashur të sqarohet për zënkën e paradites, por sherri është ndezur përsëri dhe kësaj radhe janë përdorur edhe armët e ftohta. Klodiani ka marrë dy plagë thike në këmbë nga kundërshtari, i cili është larguar me vrap nga vendi i ngjarjes. Mjekët e spitalit të Fierit, të cilët i dhanë ndihmën e parë të plagosurit, thanë se plagët në këmbë i rrezikojnë jetën adoleshentit. Ndërkohë, policia ka ndaluar autorin Arben N. dhe po heton për të gjetur edhe motivin e ngjarjes

Dy të vdekur dhe tre të plagosur në dy aksidente

admin — Tue, 23 Dec 2008 17:24:45 +0000

Kthimi i emigrantëve për festat e fundvitit ka shënuar problemet e para në rrugë. Një aksident me pasojë vdekjen e një shtetasi ka
ndodhur mbrëmjen e së dielës në segmentin rrugor Fier-Lushnjë, në aksin e ritë autostradës. Sipas burimeve policore, rreth orës 21:00 të së dielës, në aksin rrugor Fier-Lushnjë, një automjet me targa greke që udhëtonte drejt Tiranës ka përplasur shtetasin Vasil Liko, 55 vjeç, banor i fshatit Lumth të Komunës Gorre në Rrethin e Lushnjës. Drejtuesi i mjetit me targa greke, Arben Krajla, ka ndaluar pak çaste për të parë se çfarë kishte ndodhur e më pas është larguar nga vendi i ngjarjes, duke e lënë trupin e 55-vjeçarit në mes të rrugës. Emigranti që udhëtonte me automjet me targa greke ka pasur në automjetin e tij edhe vajzën 3-vjeçare. Burimet zyrtare të Policisë së Lushnjës pohuan për gazetën se 55-vjeçari Vasil Liko ka qenë i plagosur shumë rëndë dhe ndërroi jetë në Spitalin Ushtarak në Tiranë. Policia është vënë në kërkim të drejtuesit të mjetit që shkaktoi aksidentin dhe bëri të mundur ndalimin e tij në Tiranë, në hyrje të qytetit. Një aksident tjetër i rëndë ka ndodhur dje rreth orës 19:45 në rrugën Fier-Berat. Policia njoftoi se Altin Kalivaçi, 37 vjeç ka gjetur vdekjen, kur makina e tij ka dalë nga rruga pasi njëra nga rrotat ka dalë nga vendi. Në
aksident janë plagosur rëndë edhe tre persona të tjerë, të cilët ndodheshin në makinë me 37- vjeçarin.

Rrugorët bëhen gati për “rrëmujën” e festave

admin — Fri, 19 Dec 2008 22:22:27 +0000

Afrimi i festave të fundvitit ka vënë në lëvizje Drejtorinë e Policisë së Qarkut Fier. Pesha kryesore e sigurimit të festimeve të qeta dhe të sigurta i ka rënë sektorit të policisë rrugore. Pikërisht kjo polici ka hartuar një plan masash kryesisht për disiplinimin e trafikut në qytet, por dhe në rrugët nacionale. Me rastin e festave, eksperienca ka treguar se ardhja e emigrantëve pranë familjeve ka sjellë dhe pasoja të rënda për trafikun në Fier. Nisur nga kjo, policia rrugore e Fierit ka hartuar një plan masash. Sipas kreut të rrugorëve të Fierit, Pëllumb Këçuku, kjo polici do të jetë në gatishmëri të plotë 24 orë, por edhe do të shtojë numrin e punonjësve në postblloqe dhe shërbime ditore. Këçuku thotë se “masat konsistojnë në patrullimin 24 orë të të gjitha akseve kryesore rrugore, me oficerë, patrulla të përgjithshme dhe me mjete policie”.

Bllokohen 3 tonë ushqime të skaduara

admin — Fri, 19 Dec 2008 22:12:29 +0000

Drejtoria e Mbrojtjes së Konsumatorit: Produktet shiten bashkë me mallrat e rregullt. Mallra që i ka kaluar afati i skadencës tregtohen në pikat e shitjes në të gjithë qytetin e Fierit. Lajmin e ka konfirmuar drejtori i Drejtorisë së Bujqësisë, Ushqimit dhe Mbrojtjes së Konsumatorit, i Qarkut të Fierit, Fatos Troka. Nga kontrolli i kryer janë bllokuar 3 tonë ushqime të skaduara. Mallrat e prishura sipas kreut të Mbrojtjes së Konsumatorit janë të pranishme në tregun e konsumit. Sipas tij, bashkë me produktet e rregullta në të njëjtat vitrina tregtohen për festa edhe mallra të skaduara. Inspektorati i Ushqimit në Drejtorinë e Bujqësisë, Ushqimit dhe Mbrojtjen e Konsumatorëve në Fier ka sekuestruar vetëm për ditët e para të dhjetorit, 3 tonë ushqime të skaduara, të cilat do t‘i nënshtrohet ekzekutimit me groposje.

Kreu i kësaj Drejtorie, Fatos Troka, deklaroi se ushqimet e bllokuara kishin kaluar afatin e konsumimit të mundshëm. Ushqimet e skaduara, sipas Trokës, kanë qenë kryesisht qumësht, biskota, çokollata, lëngje frutash, kos frutash dhe të tjera si këto.

Të gjitha produktet janë grumbulluar gjatë një kontrolli të ushtruar në 50 njësi tregtimi në Fier. “Kemi bllokuar aktivitetin përkohësisht në 10 njësi tregtimi, ndërsa në 40 të tjera janë vendosur gjoba të ndryshme. Do të vazhdojmë të ushtrojmë kontrolle të imtësishme në të gjitha njësitë tregtare, pasi afrimi i festave të fundvitit sjell dhe abuzim nga ana e tregtarëve”, theksoi Troka. Për sa i përket njësive të bllokuara sipas Mbrojtjes së Konsumatorit, kanë rezultuar të parregullta edhe në raste të tjera në të kaluarën.

Kanosi policin, pranga 34-vjeçarit

admin — Thu, 18 Dec 2008 00:44:46 +0000

Policia e Fierit ka arrestuar në flagrancë një 34-vjeçar për kundërshtim të forcave të rendit. Ka qenë mbrëmja e ditës së hënë kur Altin Haka, 34 vjeç, banor i lagjes “1 Maji”, është përballur me një nga efektivët blu të Komisariatit të Fierit. Efektivi i policisë, me detyrë specialist i parandalimit të krimit dhe policimit në komunitet, ka shkuar me shërbim në lagjen “1 Maji” të qytetit për të ushtruar
një kontroll në terren në lidhje me një detyrë të ngarkuar nga eprorët e tij. Aty ai është përballur me 34-vjeçarin, në afërsi të një lokali. Nuk dihet nëse efektivi i policisë dhe i riu Altin Haka kishin pasur debate edhe më parë, por ajo që është e provuar tashmë është konfrontimi i së hënës, gjatë të cilit punonjësi i policisë është ofenduar dhe kërcënuar. Polici i ka thënë atij se duhej që ta shoqëronte në komisarit për një verifikim, por ky i fundit jo vetëm që e ka kundërshtuar shoqërimin në komisariat, por edhe e ka kanosur atë. Menjëherë kolegët e specialistit të parandalimit të krimit në Drejtorinë e Policisë së Qarkut Fier ka bërë arrestimin në flagrancë të 34-vjeçarit tashmë të akuzuar për dy vepra penale: “kundërshtim të punonjësit të policisë” dhe “kanosje për shkak të detyrës”.

Vdes ne spital i riu, dyshohet overdoza

Gazetari — Tue, 16 Dec 2008 03:59:01 +0000

Nje 27-vjecar nderroi jete mengjesin e djeshem ne spitalin e Fierit, pasi u dergua me urgjence dy here brenda tre diteve te fundit. Shkak i ngjarjes dyshohet se eshte bere overdoza ne kushtet e depresionit dhe papunesise, kurse familjaret akuzuan bluzat e bardha se nuk nderhyne ne kohe per kurimin e te riut, qe ishte derguar edhe disa dite me pare pas simptomave te para te shfaqura. Burime zyrtare te policise thane se moren dje njoftimin per vdekjen e Ermal Shehut, banor i lagjes “29 Nentori” ne Fier dhe u vune ne dijeni me deshmite e familjareve, prinderve dhe tre motrave te viktimes. Nga keqyrja e pare e bere prej eksperteve mjeko-ligjore ne trupin e te riut dhe nga shenjat e shfaqura, mesohet se behet fjale per nje overdoze, pasi 27-vjecari nuk njihej si perdorues i rregullt i drogave, e kjo mund te kete ndikuar ne vdekje.

Familjaret

Ermal Shehu, prej tre djemve dhe tre vajzave te ciftit Hasim dhe Shefike Shehu, ka nderruar jete ne dyert e Spitalit Rajonal Fier, rreth ores 06:30. Familjaret pohuan dje se Ermali, tre dite me pare ka qene me te vjella dhe eshte derguar ne spitalin e Fierit. “Mjeket, pasi e vizituan, nuk e kane mbajtur, por e kane nxjerre pa mjekuar. Na thane qe te kujdeseshim ne shtepi”, thone motrat e te ndjerit.

Diten e djeshme te afermit qendronin para deres se morgut me qellim terheqjen e trupit, per t’i kryer sherbimet e fundit nepermjet ceremonise mortore. Ata thane se gjate koheve te fundit Ermali ka qene i papune dhe i shqetesuar. “E kemi pasur semure. Tre dite me pare ka qene keq nga ana shendetesore, pasi kishte shume te vjella. E derguam ne spital dhe mjeket pasi e kane vizituar nuk e shtruan por na thane qe te kujdeseshim ne familje. Sot ne mengjes u be me keq dhe nderroi jete”, pohon motra e te ndjerit mes loteve.

Hetimi

Ne spital ka shkuar edhe nje grup hetimor qe ka marre ne pyetje mjeket dhe familjaret e viktimes. Burime zyrtare te policise se Fierit thane se Ermali nuk njihej as si shperndares narkotikesh dhe as si perdorues. “Mosnjohja e lendeve narkotike ne perdorimin e tyre mund te kete ndikuar tek overdoza, shkak qe dyshohet per vdekjen e te riut”, tha nje hetues per gazeten “KJ”. Nderkohe qe kampione te trupit te viktimes jane nisur drejt Tiranes per nje ekspertize dhe analiza me te plota ne Mjekesine Ligjore, pas dy javesh pritet dhe pergjigjja shkencore. Nderkohe, qe te interesuar ne spitalin e Fierit mesojme se kurimi ndaj te riut eshte dhene ne kohe, por ai kishte mberritur ne gjendje te rende dhe overdoza ka qene fatale per te. Policia deklaroi se do te verifikonte edhe pretendimet e familjareve per faktin, perse 27-vjecari nuk eshte mbajtur per kurim ne spital tre dite me pare, por eshte derguar per kujdes ne shtepi.

Perdor te mitur hajdute, furnizon dyqanin e tij

Gazetari — Sat, 13 Dec 2008 05:57:37 +0000

Fier- Grupi i te miturve ne kerkim, per bastisjen e 8 kioskave ne qytetin e Fierit. Agjentet fusin ne kurth kapon e ketij rrjeti gjate operacionit te koduar “Kioskat”. Burime zyrtare bene me dije se ndaluan te dyshuarin Grigor Papuciu, i cili shfrytezonte dy 15-vjecare per te kryer vjedhje ne qytet. Pas hetimit te kryer eshte bere zbulimi i tre prej ngjarjeve, ndersa per pese te tjera u deklarua se kishin mbetur ne tentative. Por per te arritur deri tek 44 vjecari, agjentet ndaluan disa dite me pare nje te mitur me inicialet V. A., banues ne Levan, i cili ka rrefyer per funksionimin e rrjetit. Ne grup dyshohet se ben pjese edhe 15 vjecari S. M., i shpallur ne kerkim. Dyshohet se ata kane vjedhur me thyerje kioskat e tre personave, duke marre nje sasi lekesh dhe malli. Mesohet se Papuciu ka nje dyqan ushqimor ne Fier dhe pasi perdorte te miturit, ua merrte mallin dhe e shiste ne dyqanin e tij. Ndaj 44-vjecarit eshte ngritur akuzat e “vjedhjes ne bashkepunim te pasurise se tjetrit” dhe “pervetesimit te mallrave te vjedhura”.