Dhjetëra persona të njohur në qytetin e Fierit, ndër ta prokurorë, gjyqtarë, avokatë, mjekë dhe biznesmenë janë thirur në seancë rreth skandalit seksual të shfytëzimit të një të miture. 16 vjecarja ka zbuluar emrat e klientëve ndërsa për tutorin e saj ish efektiv policie është marrë masa e arrestit burg pa afat.

Infiltrimi i një agjenti si klient i një prostitute minorene do të zbulonte një skandal seksual ku ishin përfshirë dhjetëra persona Vip në qytetin e Fierit. Gjyqtarë, prokurorë, avokatë , biznesmenë të njohur dhe mjekë me famë kanë dalë para togave të zeza në gjykatën e Fierit për të dëshmuar në lidhje me skandalin seksual në të cilin dyshohet se janë përfshirë. Historia nisi me zbulimin nga policia e Fierit të një baze prostitucioni ku shfrytëzohej e mitura 16 vjecare me inicialet R.L.

Dëshmia e saj në polici ka implikuar dhjetëra persona VIP në këtë qytet si klientë të saj ndërsa ka cuar pas prangave tutorin, 23 vjecar, ish inspektorin e policisë Arben Hoxha. 23 vjecari gjurmonte personat e njohur në Fier duke i siguruar minorenes klientët ,të cilët në këmbim të seksit paguanin nga 200 deri në 500 Euro. Gjyqi ndaj të pandehurit Arben Hoxhaj për të cilin u morr masa e sigurisë burg pa afat për shfrytëzim prostitucioni të të miturave me qëllim përfitimi është zhvilluar me dyer të mbyllura për shkak të privacisë së personave VIP të përfshirë në këtë skandal seksual.

Organi i akuzës përfaqësuar nga prokuroja Elida Hoxhaj ka rreshtuar 40 emra klientësh “VIP-a” të cilëve do t’u duhen të jenë të pranishëm në të gjitha seancat e tjera gjyqësore . Katër ditë më parë zyra e antitrafikut në Drejtorinë e Policisë Fier pasi inflitroi një agjent të saj mundi të zbuloj “bordellon e Vipave” si dhe të arrestojë tutorin e 16 vjecares ish efektivin e policisë ndërsa ka lënë të lirë minorenen e cila në deklaratën e saj pohoi se të gjitha lekët e këtij pazari seksi përfundonin në xhapat e tutorit Arben Hoxhaj.

Është grabitur në kërcënimin e armës filiali i Raiffessen Bank në qendër të qytetit të Fierit. Ngjarja ka ndodhur rreth orës 11:00 kur një person i maskuar ka hyrë në ambientet e bankës dhe i është drejtuar arkës.

Ai ka gjuajtur momentin kur nuk kishte asnjë klient në bankë. I ka kërkuar paratë, punonjëset së bankës, por ajo fillimisht ka refuzuar. Grabitësi ka kërcënuar duke qëlluar me pistoletë në ajër.

Në këto kushte punonjësja e arkës ka mbushur një qese me para dhe ia ka dhënë grabitësit i cili është larguar me shpejtësi. Dëshmitarët thonë se ai ka ikur qetësisht rrugës së tregut industrial.

Forca të shumta policie kanë mbërritur në vendngjarje dhe po mbledhin provat. Ndërkohë ka shkuar edhe drejtori i policisë së qarkut i lajmëruar për grabitjen në mes të ditës në mes të qytetit.

Ende nuk ka asnjë të dhënë mbi personin që kreu krimin, ndërsa mësohet se patrulla policie janë vënë në çdo kryqëzim. Personat që e kanë parë, thanë se ishte një djalë i ri rreth të 20-ta me maskë ngjyrë ushtarake në fytyrë dhe me veshje normale.

FIER- Një 30 vjecar nga qyteti i Fierit ka gjetur vdekjen pas mbytjes në lumin Seman. Ngjarje që mendohet se ka ndodhur aksidentalisht pasditen e djeshme. Ndërkohë trupi i tij ende nuk është gjetur. 30 vjecari Erjon Kamberi ka qenë bashkë me të atin për gjah pranë lumit Seman, ndërsa ka rreshqitur pas goditjes me cifte, dhe ka përfunduar në lumë ku ka gjetur vdekjen.

Lajmi i hidhur për 30 vjecarin gjahtar është bërë i ditur për policinë nga babai i tij i cili gjendej bashkë me të birin për gjah shpendësh në lumin Seman. Sipas policisë dyshimet paraprake flasin për një mbytje aksidentale.

Rreth 100 nxenes te tre klasave te shtata ne shkollen 9-vjecare “Andon Xoxa” ne qytetin e Fierit protestuan mengjesin e se henes perpara Drejtorise Arsimore per largimin nga kjo shkolle te mesueses se lendes se fizikes.

Nxenesit kane bojkotuar mesimin dhe tregojne arsyet e kesaj kerkese dhe thone se ajo ushtron dhune ndaj tyre.

Problemi eshte pranuar edhe nga drejtoria arsimore. Drejtori Tahir Kastrati pranon se kjo mesuese eshte e prekur nga semundja dhe vazhdon futet ne mesim edhe pse i eshte kerkuar qe te marre raport prej nje viti.

Ai shton se eshte kerkuar edhe ndihma e drejtorise se policise per kete rast ndersa shton se ka edhe raste te tjera me te lehta kur mesuesit shfaqin probleme te ngjashme.

FIER- Policia identifikon dhe arreston njërin prej të dyshuarve si autorë të ekzekutimit të 32 vjecarit, trupi i të cilit u gjet të shtunën paradite nga kalimtarë të rastit, në një tunel të ish-repartit të tankeve në fshatin Levan të Fierit.

GSH shkruan sot se në orët e vona të natës së të shtunës është arrestuar 18-vjeçari Miço Osmani, ndërsa janë shpallur në kërkim dy bashkëpunëtorët e tij.Tre të rinjtë akuzohen për “vrasje me dashje të kryer në bashkëpunim”, “grabitje” dhe “armëmbajtje pa leje”.

Viktima Leonard Hazizaj kishte 6 muaj që ishte kthyer nga Greqia, ku kishte jetuar si emigrant.

Të premten, 32 vjecari kishte dalë nga banesa e tij për të shkuar tek e fejuara në fshatin Frakull të Fierit. I riu ishte nisur për ti uruar festën e Krishtlindjeve të fejuarës së tij. Familjarët nuk janë shqetësuar për vonesën e Hazizajt, pasi kanë menduar se ai ishte tek banesa e të fejuarës.

Të shtunën paradite ai është gjetur I ekzekutuar nga pesë plumba në kokë. Burime zyrtare nga Drejtoria e Policisë së Qarkut të Fierit, bëjnë me dije se viktima nuk ishte person i skeduar më parë dhe dyshohet se është ekzekutuar për grabitje.Pas hetimeve paraprake, dyshohet që Hazizaj të jetë marrë peng nga ekzekutorët, të cilët më pas e kanë dërguar me makinë deri tek tuneli në Levan

FIER- Policia e rrethit të Fierit bëri të ditur sot se ka gjetur një person të vrarë në Levan të Fierit. Të njëjtat burime bëjnë të ditur se kufoma i përket një 32 vjecari që pasi është rrëmbyer më pas është vrarë.
Efektivët e policisë së Fierit janë sinjalizuar sot rreth orës 10:00 nga banorë të Levanit për gjetjen e një trupi të pajetë në një tunel të ish-repartit të tankeve në Levan të Fierit. Nga kqyrja që iu bë trupit të pajetë mësohet se kufoma e seksit mashkull, 32 vjec është shtetasi Leonard Hazizaj, banor i qytetit të Fierit. Në trupin e 32 vjecarit janë gjetur disa shenja plumbi, gjë që ka vërtetuar se vdekja ka ardhur nga plagët e shkaktuara nga një armë zjarri e tipit automatik.
Policia bën të ditur se shtetasi fillimsht është rrëmbyer, mbajtur peng në ambientet e ish-repartit të tankeve ku dhe më pas është ekzekutuar për vdekje me armë të tipit automatik. Ekzekutimi sipas policisë mund të ketë ndodhur 2 net më parë. Në cilësi të provave materiale janë marrë gëzhojat e plumbave që janë shkrehur nga arma me të cilën është kryer vrasja.

Identifikimi u bë pas punës intensive disa orëveshe të policisë. Hazizaj disa vite më parë ka jetuar në një qytet të Greqisë, por kohët e fundit ka jetuar në atdhe.
Hetimet
Policia nuk ka dijeni ende për motivet e ngjarjes së rëndë në Levan të Fierit. Pas gjetjes së trupit, puna e policisë u përqëndrua në dy drejtime. Grupi i pare punoi për gjetjen e personave të deklaruar të humbur ditët e fundit me qëllim identifikimin e viktimës. Dhe vetëm disa orë pas gjetjes së trupit, policia mundi të identifikojë viktimën. Ai ishte Leonard Hazizaj nga qyteti i Fierit. Policia tani po punon për aktivitetet që ushtronte Leonardi për të gjetur një motiv të kësaj ngjarje. Grupi tjetër i punës po heton për personat e mundshëm që mund të kenë kryer vrasjen. Policia ka marrë në pyetje banorë të zonës për të mësuar më shumë rreth persona të dyshimtë që kanë shkelur Levanin kohët e fundit. Mësohet se disa persona janë shoqëruar pë tu marrë në pyetje pasi policia dyshon se kanë dijeni për ngjajen.

Me rastin e festave te fundvitit stafi i FieriOnline.Com uron te gjithe anetaret e saj dhe shqiptaret kudo qe ndodhen Gezuar Krishtlindjet dhe qofte Viti 2010 nje vit plot Gezim,Lumturi e Shendet per te gjithe.

TIRANË- Kryeministri Sali Berisha dhe zonja e tij Liri Berisha u pritën sot rreth orës 11:00 në një audiencë të posaçme në Vatikan nga Shënjtëria e tij, Papa Benedikti i 16- të, me të cilin pati një takim shumë të ngrohtë dhe të përzemërt, njoftoi faqja zyrtare për shtyp e Kryeministrit.
Pas takimit me Papa Benedikti i 16-të, Kryeministri Berisha e cilësoi këtë “një ditë të paharruar pasi kjo ditë koinçidon me 12 dhjetorin e vitit 1466, vit kur Papa Pali i Dytë priti në audiencë Gjergj Kastriot Skëndërbeun.

“Sot e 543 vjet më parë, më 12 dhjetor, prijësi i përjetshëm i kombit shqiptar, Skënderbeu u prit në Vatikan, nga Papa Pali II. Ai erdhi këtu për të kërkuar dhe gjeti mbështetje në përpjekjet e tij legjendare, për të mbrojtur vokacionin perëndimor të kombit shqiptar, vlerat e mëdha të perëndimit në rajon kundër invadorëve. Nuk besoj se do të mund të ishte gjetur gjë e më e bukur, gjë më domethënëse në jetën time, për mua dhe shqiptarët, se sa kjo audiencë, kjo pritje që më akordohet më 12 dhjetor, në këtë përvjetor të madh të marrëdhënieve të Shqipërisë me Selinë e Shenjtë. Edhe një herë, një mirënjohje shumë të thellë Atit të Shenjtë për audiencën që më akordoi”.

Nga të njëjtat burime mësohet se Kryeministri i shprehu Papa Benediktit të 16-të, mirënjohjen e thellë të tij, qeverisë shqiptare dhe mbarë kombit shqiptar për mbështetjen e madhe që Selia e Shenjtë i ka dhënë konsolidimit të demokracisë në Shqipëri, zhvillimit ekonomik dhe kulturor të saj, që nga fillimet e demokracisë dhe deri më sot.

Kryeministri Berisha i dorëzoi Papa Benediktit të 16 ftesën për një vizitë në Shqipëri, vitin e ardhshëm, në 100 vjetorin e lindjes së shqiptares së madhe Nënë Tereza.
“Papa Benedikti i 16-të u shpreh se, Selia e Shenjtë do të mbështesë plotësisht integrimin e Shqipërisë në Bashkimin Evropian dhe zhvillimin e Shqipërisë në të gjitha fushat” bën të ditur njoftimi në faqen e kryeministrisë.
Në kuadër të vizitës zyrtare në Vatikan, Kryeministri Berisha zhvilloi edhe një takim me Sekretarin e Shtetit të Vatikanit, Kardinalin Tarcisio Bertone.

TIRANE-Inspektoriati iInspektoriati i Shëndetti Publik konfirmoi sot dy raste të reja të vdekjes në vendin tonë nga gripi i derrit i njohur shkencërisht si virusi A/H1N1. Të dyja rastet vdekjes të shënuara ishin nga Shkodra duke cuar ne tre numrin e te vdekurve nga ky virus ne vend

Rreth mesditës u mësua se viktima e pare per diten e sotme me A/H1N1, një 47 vjecare nga Shkodra i cili vuante nga patologji të tjera.
Prej 5 ditësh 47 vjecarja, emri i të cilës nuk bëhet ende i ditur ishte shtruar në sanatoriumin e Tiranës pasi gjendja e saj ishte rënduar së tepërmi. 47 vjecarja që vuante prek kohësh nga hipertensioni në mushkri dhe hiperobeziteti ishte prekur dhe nga virusi i rrezikshëm i gripit. Gruaja me sëmundje kronike tek mushkrit nuk mundi ti bënte ballë virusit të A/H1N1 dhe humbi jetën sot në ambientet e sanatoriumit.

Pak pas pasdites ISHP konfirmoi viktimën e tretë në vend, sërisht nga Shkodra. Bëhej fjalë për një 53 vjecar me iniciale R.SH që ndodhej prej datës 6 Dhjetor në spitalin e Shkodrës dhe po kurohej nga gripi i tmerrshëm pasi u konfirmua nga analizat se ishte prekur nga ky virus. 53 vjecari humbi jetën sot dhe mjekët dyshojnë se vdekja është shkaktuar nga virusi A/H1N1. Mësohet se pacienti vuante nga pneumonia masive bilaterale, ndërsa është trajtuar prej 5 ditesh me tamiflu.

Viktimat e shënuara sot në Shqipëri vijnë pas rastit me 3 Dhjetor me vdekje të një 57 vjecari nga Sukthi i Durrësit. Edhe kjo viktimë, e para në vend vuante prej shumë kohësh nga tumori beninj i prostates si dhe kishte kaluar edhe Infarkt Miokardi të një forme të agravuar, megjithatë shkaku i vdekjes së tij ka qenë infeksioni me virusin A H1N1.
Gripi i derrit tashmë është evident në vednitn tonë. Deri më sot numërohen 310 persona të prekur nga virusi A/H1N1
Kujdesi
Duke sjellë në vëmendjen se rrezikshmëria e infeksionit nga virusi i ri pandemik A H1N1 është vecanërisht e lartë në pacientet me sëmundje kronike të zemrës, të mushkërive apo dhe me tumore Ministria e Shendetesise këshillon “të gjithe grupet e popullatës të konsideruara si grupe risku nga OBSH,dhe vecanërisht të sëmuret kronikë të tregojne kujdes maksimal duke u konsultuar e kërkuar ndihmën mjekesore në familje nga mjeku i familjes apo specialist në cdo rast që kanë shenjat klinike qofte edhe të një gripi të zakonshëm, pasi sic jeni ne dijeni rastet e infektuara me influence stinore apo me gripin e zakonshëm po shtohen me ritme te shpejta cdo ditë. Ministria këshillon gjithashtu evitimin në maksimum të mjediseve të mbi frekuentuara.”

Muaji nëntor dhe dhjetor kanë qenë dhe muaj ku është shënuar numri i rasteve më të shumta me gripin e derrit. Mosha mesatare e rasteve të prekura në total është 21 vjeç ndërsa e rasteve të ditëve të fundit është 17.5 vjeç. Shumica dërrmuese e rasteve janë konfirmuar në kryeqytet.

Fier – Ministria e Transporteve ka bërë të ditur se është rikthyer uji në qytetin e Fierit, pas dy ditësh ndërprerjeje për shkak të një defekti të rëndë në sistemin e tubacioneve.
“Më datë 10.12.2009, rreth orës 09:00, ka ndodhur një difekt i rëndë në tubacionin kryesor që furnizon me ujë qytetin e Fierit nga pus shpimet Kafaraj, si pasojë e të cilit nuk është bërë i mundur furnizimi me ujë i banorëve të qytetit të Fierit”, bëri të ditur ministria.

Autoritetet përkatëse kanë ndërhyrë duke riparuar defektin e krijuar, ndërkohë që stacioni i pompimt ka filluar nga puna. Në njoftimin e mbrëmshëm, Ministria e Punëve Publike, Transportit dhe Telekomunikacionit, bëri me dije se furnizimi me ujë i banorëve të Fierit dhe zonës përreth, do të bëhet i mundur të shtunën në mengjes, si pasojë e kohës së domosdoshme për testimin dhe presimin e rrjetit nga linja kryesore, depo dhe rrjetit shpërndarës.