Ngjarjet rrugore, gjatë orëve të para të ditës së djeshme në Fier dhe Peqin

E diel e përgjakur në akset nacionale të vendit. 11 të plagosur ka qenë bilanci i 2 aksidenteve të ndodhura dje, gjatë orëve të parë të ditës, në autostradën Fier-Vlorë dhe Elbasan-Peqin. Ngjarja e parë rrugore ka ndodhur rreth orës 05:00 të së dielës, kur në aksin rrugor Fier–Vlorë, në vendin e quajtur Ferras, dy automjete janë përplasur me pasojë plagosjen e gjashtë personave. Burime nga vendi i ngjarjes bëjnë të ditur se automjeti tip “Benz” me targa FR 50-51B, që drejtohej nga 51-vjeçari Ilir.M., është përplasur me një automjet tjetër po tip “Benz” me targa VL 23-92 A, që po lëvizte në drejtim të Vlorës. Në automjetin me targa të Fierit ndodheshin vetëm drejtuesi me bashkëshorten, L.M., 45 vjeçe, ndërsa në mjetin e Vlorës ndodheshin katër persona, mes tyre një çift të moshuarish. Mjetet janë përplasur duke shkaktuar plagosjen rëndë të të dyja çifteve të bashkëshortëve nga Fieri dhe Vlora. Për pasojë fierakët L.M, 45 vjeçe, dhe Ilir. M, 51 vjeç, si dhe çifti i të moshuarve nga Vlora me inicialet M.N dhe T.N, përkatësisht 65 dhe 70 vjeç, janë çuar me urgjencë në spitalin e Fierit, ku i janë nënshtruar ndërhyrjes mjekësore. Gjendja e tyre shëndetësore vazhdon të jetë e rëndë, si pasojë e plagëve të shumta, që kanë marrë në momentin e përplasjes, ndërkohë që dy personat e tjerë pasagjerë në mjetin me targa të Vlorës, fatmirësisht kanë marrë vetëm disa plagë të lehta. Sipas policisë rrugore, aksidenti është shkaktuar si rezultat i shkeljes së rregullave të qarkullimit rrugor, duke tejkaluar shpejtësinë e lejuar, por ende nuk ka një konstatim zyrtar për përcaktimin e shkakut të aksidentit. Ekspertët e policisë rrugore po punojnë për dokumentin e plotë të ngjarjes dhe vënien përpara përgjegjësisë të shkaktarit. Ndërkohë një tjetër aksident i rëndë me pasojë plagosjen e pesë personave, ka ndodhur dje në mesditë në aksin rrugor Elbasan–Peqin, në vendin e quajtur “Unaza e Peqinit”. Burime të Komisariatit të Policisë Peqin bëjnë të ditur se një automjet tip “Skoda” me targa të huaja BA 404 TA, është përplasur me një mjet tip “Benz” me targë CD 289RB. Si pasojë e aksidentit janë dëmtuar: Erlin Xhafa, 16 vjeç, Hekuran Shkëmbi, 32 vjeç, Redion Xhafa, 14 vjeç, Eva Xhafa, 18 vjeç dhe Andi Xhafa, 22 vjeç. Menjëherë pas përplasjes, të dëmtuarit janë dërguar me urgjencë për në spitalin kirurgjikal të Elbasanit, ku ndodhen nën kujdesin e mjekëve. Sipas policisë lokale mësohet se shkak i aksidentit është bërë lëvizja e gabuar e drejtuesit të mjetit tip “Benz”, i cili ka lëvizur në kah të kundërt të rrugës. Ndërsa policia vazhdon hetimet për dokumentin e plotë të ngjarjes rrugore, burimet spitalore konfirmojnë se të plagosurit janë jashtë rrezikut për jetën.

Fier- Një 48-vjeçar nga fshati Petovë i Fierit është aksidentuar rëndë kur udhëtonte me një motoçikletë “Yamaha”. Ai i ka prerë rrugën një veture të tipit “Mercedez Benz” në lagjen “Sheq i Madh” të Fierit dhe nga përplasja është plagosur rëndë. Ngjarja ka ndodhur në orën 10:00 kur 48-vjeçari Ferhat Makaj udhëtonte në kahun e kundërt të rrugës së ndarë në dy korsi. Sipas burimeve nga vendi i ngjarjes, Makaj me motoçikletën e tij ka tentuar të kalojë nga një korsi e rrugës në tjetrën dhe nuk e ka vënë re veturën e drejtuar nga një 19-vjeçar, i cili nuk ka mundur të manovrojë në kohë për të shmangur përplasjen. Motoçikleta ka përfunduar disa metra larg dhe për pasojë 48-vjeçari Makaj ka marrë plagë të rënda.

Viktimat nje burre e kater gra po ktheheshin na nje dasme, kur automjeti i tyre eshte perplasur me trafikndaresen e autostrades Tirane-Durres

Me pas makina u plas dhe me dy makina te tjera duke shkaktuardhe tre te plagosur.Policia ka rrethuar vendin e ngjarjes e po punon per te zbardhur shkaqet e ktij aksidenti tragjik si dhe identifikimin e viktimave.

Durres- Aksidenti tragjik ne aoutostraden Tirane-Durres. Ne oret e para te mengjesit nje automjet i tipit Volksvagen nga Tirana eshte perplasur me trafikndaresen dhe si pasoje kan gjetur vdekjen 5 persona qe udhetonin me ate makine. Automjeti me targa Tr 0458 S pasi eshte perplasur me trafikndaresen prane Maminasit, eshte perpalsur dhe me dy makina te tjera.

Sipas te dhenave te para te policise personat qe udhetonin me makine, 4 gra dhe nje burre mendohet se ishin duke u kthyer na nje dasem. Policia ka arriut te identifikoj vetem njeren nga viktimat. Ajo eshte Dolores Skenderi , ndersa po punon per identifikimin e viktimave te tjera.
Nga perfshirja e dy makinave te tjera ne aksident kane mbetur te plagosur dhe tre persona. Makinat e aksidentuara kane targat e Tiranes Tr 5988 G dhe Tr 5184 L, te cilat jane perplasur me makinen ku ndodheshin viktimat.
Policia ka bere te mundur identifikimin e te plagosureve te cilet jane , Ilir Bardhi 18 vjec, Nuel Papuli 19 vjec dhe Elda Mallkutaj 17 vjec, te gjithe banues ne Tirane. Te plagosurit jane derguar menjehere ne Spitalin Ushtarak per nje mjekim te specializuar, ndersa policia ka rrethuar vendin e ngjarjes e po punon per te zbardhur shkaqet e ketij aksidenti tragjik si dhe identifikim e viktimave te tjera.

Katër të rinj nga fshati Petovë i rrethit të Fierit janë aksidentuar rëndë në orët e para të mëngjesit të djeshëm, ndërsa kanë qenë duke udhëtuar në autostradën Lushnjë-Fier. Shkak mësohet të jetë bërë shpejtësia me të cilën udhëtonin të rinjtë. Sipas burimeve zyrtare të Policisë së Fierit, rreth orës 00.20 pas mesit të natës është sinjalizuar nga drejtues të rastësishëm mjetesh se në autostradën Lushnjë-Fier, pranë fshatit Vajkan, një automjet është përmbysur në një kanal anës rrugës. Menjëherë uniformat blu të Komisariatit të Fierit dhe të Lushnjës kanë shkuar në vendin e ngjarjes dhe kanë identifikuar mjetin e tipit “Volkswagen” me targa italiane, të përmbysur në një kanal, ku asnjë person nuk kishte ndërhyrë për t‘u dhënë ndihmë personave që ndodheshin brenda. Policia tha se në makinë ishin katër shtetas, Erion Buzi, 25 vjeç, Elton Lamaj, 23 vjeç, Romeo Rakipi, 22 vjeç, dhe Marjus Grëmi, 24 vjeç. Ata janë transportuar me makinën e policisë drejt urgjencës së spitalit rajonal të Fierit. Mjekët e këtij spitali thanë se të katër të plagosurit kishin marrë plagë të rënda dhe se njëri prej tyre, Erion Buzi, është dërguar në Spitalin Ushtarak të Tiranës.

Një i ri ka mbetur i plagosur rëndë, kur një makinë e ka marrë përpara dhe e ka hedhur në një kanal. Ngjarja ndodhi mëngjesin e sotëm, në rrugën Fier-Patos, kur i riu ishte duke udhëtuar me biçikletë. Sipas burimeve të policisë, i dëmtuari quhet Fatjon Mustafaj dhe është 20-vjeç. “ Ai ka qenë duke ecur me biçikletë kur, një automjet me targa të huaja që drejtohej nga shtetasi Ardian Lulaj e ka marrë përpara”- thanë burimet e policisë, që shkuan menjëherë në vendin e ngjarjes, pasi u njoftuan për aksidentin.

20 vjecari është transportuar me urgjencë në spital, por sipas mjekëve gjendja e tij është kritike për shkak të dëmtimeve të shumta që ka marrë.

Policia bën me dije se i riu u gjet në një kanal buzë rrugës, ndërkohë që edhe makina që e aksidentoi kishjte devijuar dhe kishte përfunduar gjithashtu në kanal.

Të dhënat e para, pas ekspertizës tregojnë se shkak për aksidentin ka qenë shpejtësia e automjetit, megjithëse për këtë pritet përfundimi i hetimeve.

Drejtuesi i mjetit është shoqëruar në komisariat, në pritje të masës së sigurisë që do të vendoset për të.