Ngjarja ndodhi në kthesën e Libofshës kur benzi me targa TR 6893N u përplas me një kamion me targa FR98 61 A. Policia në vendngjarje konstatoi se shkak për aksidentin ka qënë skopimi i gomës së benzit

TIRANE-Një aksident i rëndë ndodhi në mbrëmjen e djeshme rreth orës 20:00 teksa një benz është përplasur me një kamion në rrugën Fier-Lushnjë. Si pasojë ka humbur jetën shtetasi Bujar Rizvani 44 vjec. Ngjarja ndodhi në kthesën e Libofshës kur benzi me targa TR 6893N u përplas me një kamion me targa FR98 61 A. Përplasja ka rezultuar fatale për 44 vjecarin Rizvani që drejtonte benzin. Policia në vendngjarje konstatoi se shkak për aksidentin ka qënë skopimi i gomës së benzit.

Viktimat, një burrë, e katër gra po ktheheshin nga një dasmë, kur automjeti i tyre është përplasur me një makinë tjetër sapo kanë dalë nga Maminasi. Policia bën të mundur identifikimin e viktimave dhe akuzon njërin nga 3 të plagosurit si përgjegjës të aksidentit. 4 nga 5 viktimat, nënë e bijë dhe një cift bashkëshortësh. ,

DURRES- Në autostradën Tiranë- Durrës, afër Maminasit, aty ku gjetën vdekjen 5 persona dukej si një kasaphanë.
Vetëm pjesa ballore e makinës e përfshirë në aksidentin tragjik qëndronte mbi dy rrotat e para, ndërsa pjesa tjetër ishte shkatërruar plotësisht. Forca e përplasjes kishte shpërndarë kudo përreth pjesët e makinës. Pak metra më tutje pjesë sandalesh dhe diku këpucë. Pas trafikndarëses, gjendeshin dy canta. Syri të zinte në tokë një palë syze të kuqe dhe një manikyr.

Kjo është ajo cfarë kishte ngelur sot në mëngjes nga aksidenti tragjik i ndodhur rreth orës 03:00 në autostradën Tiranë- Durrës. Ndërsa ajo cfarë policët kishin parë sapo kishin mbërritur në vendngjarje ishte dhe më shokuese.

Viktimat ishin gjymtuar dhe policët ishin detyruar të mblidhnin pjesët e mbetura të organeve të cilat ishin shpërndarë përreth makinës.
Aksidenti
Policia dyshon se 5 personat që udhëtonin në automjetin tip Volcvagen me targa Tirane,ktheheshin nga një dasmë. Në fillim policia dyshoi se automjeti mund të ishte përplasur me një trafik ndarëse. Por pas disa orëve hetim në vendngjarje dhe marrjes në pyetje të të plagosurve ka ngritur një version tjetër të ngjarjes.

Policia e Durrësit e ka të vështirë të ndërtojë skenën e aksidentit. Aksidenti i rëndë është rrjedhojë e përplasjes së automjetit, ku udhëtonin viktimat, që dilte nga qyteza e Maminasit në superstradë me dy autovetura të tjera, të cilat po i drejtoheshin Durrësit.
Dyshimet janë se 27 vjecarja mund të ketë hyrë gabimisht në korsinë e kundërt dhe në momentin kur ka tentuar të kthehej është përplasur nga një makinë TR 5184 L, që po udhëtonte në drejtim të Dyrrësit. Ndërkohë policia ka prerë fletë arrestinin për drejtuesin e makinës tjetër që u përfshi në aksident, duke e akuzuar si përgjegjës për tragjedinë. Ilir Bardhi, 18 vjec ndodhet në spitalin ushtarak së bashku me 2 të rinj të tjerë në gjëndje të rëndë për jetën. Në aksident është përfshirë dhe një makinë e tretë me targa TR 0988.

Përplasja ka qenë aq e fuqishme sa 5 personat që udhëtonin në mjet kanë vdekur në vend. Në makinën tjetër kanë mbetur të plagosur 3 persona Ilir Bardhi, 18 vjec, Nuel Papuli 19 vjec dhe Elda Mallkutaj 17 vjec, të gjithë nga Tirana. Të plagosurit sapo kanë marrë ndihmën e parë në spitalin e Durrësit janë larguar në drejtim të Spitalit Ushtarak për një mjekim më të specializuar dhe bëhet e ditur se janë në gjendje të rëndë shëndetësore.
Identifikimi
Rreth orës 07.00 policia tha se kishte bërë të mundur identifikimin e njërës prej viktimave Dolores Skënderaj, 27 vjece, e cila dyshohet se mund të ketë qenë dhe drejtuesja e automjetit. Disa orë më vonë u bë i mundur dhe idenfitikimi i viktimave të tjera Ato janë dhe Haxhire Skënderaj, 60 vjece, mamaja e Dolorezit. Eduard Lekdusha 57 vjec dhe bashkëshortja Lumturi Lekdusha 50 vjec si dhe Lindita Limani
Flete arresti
Policia e Durrësit ka prerë fletë arrestin për 18 vjecarin Ilir Bardhi i cili drejtonte automjetin që u godit i pari me autoveturën, ku mbetën të vdekur 5 viktimat. Sipas polcisë së Durrësit aksidenti i rëndë është rrjedhojë e përplasjes së automjetit, ku udhëtonin viktimat, që dilte nga qyteza e Maminasit në superstradë me dy autovetura të tjera, të cilat po i drejtoheshin Durrësit.

Policia e Fierit ka vënë nën pranga një drejtues mjeti, i cili gjatë udhëtimit ka aksidentuar rëndë dy fëmijë. Aksidenti ka ndodhur dy ditë më parë. Burimet zyrtare të Drejtorisë së Policisë së Qarkut Fier pohuan për “Shqip” se kanë vënë në pranga shtetasin Arben Sherifi, 32 vjeç, banor i fshatit Radostinë të Komunës Ndërmënas. Arsyeja e ndalimit të këtij shtetasi ka qenë se një ditë më parë, duke udhëtuar me automjetin e tij tip “Mercedez Benz” me targa N86SDW, në aksin rrugor Fier-Seman, në afërsi të Fermës Çlirim, ka aksidentuar rëndë dy fëmijë 12 dhe 13 vjeç, të cilët tentuan që të kalonin nga një anë e rrugës në tjetrën. Po sipas burimeve zyrtare policore mësohet se fëmijët, me iniciale A.G. dhe E.S. u dërguan në spitalin rajonal të Fierit, ku u është dhënë ndihma e parë mjekësore. Njëri prej tyre, 13-vjeçari me iniciale E.S. është dërguar në Tiranë, pasi gjendja e tij shëndetësore ka qenë e rëndë. 32-vjeçari Sherifi është ndaluar nën akuzën e shkeljes së rregullave të qarkullimit rrugor