Për më shumë se një javë, nga data 3-11 shtator, Parku Kombëtar i Apolonisë në Fier do të gjallërohet nga java e artit dhe kulturës, me pjesëmarrjen e artistëve të katër shteteve, Shqipërisë, Italisë, Greqisë dhe Kroacisë.

“Netët Apolloniane” do të realizohen falë projektit “Archeos.s” që është miratuar ditën e djeshme dhe që përmbledh një sërë veprimtarish në fushën e turizmit dhe kulturës. Ideatorët dhe organizatorët e projektit, në konferencën e djeshme për shtyp, clësuan si synimin e tyre krijimin dhe forcimin e aktiviteteve në Apolloni, duke e kthyer gjithnjë e më tepër këtë qendër të madhe arkeologjike antike, në një qendër kulturore e pelegrinazhi turistik.

Programi i “Netëve Apolloniane” do të përmbajë, gjatë nëntë ditëve të tij, shfaqje teatri, mbrëmje baleti, ekspozita pikture, ekspozita fotografike për turizmin, opera, etj. Të gjitha këto aktivitete do të gjallërojnë Apolloninë, në fillim të muajit shtator, për një sezon ndryshe. “Archeos.s” zhvillohet me bashkëpunimin e Ministrisë së Turizmit, Kulturës, Rinisë dhe Sporteve, Ministrisë së Integrimit, me organizimin e Bashkisë Fier dhe institucioneve të këtij rrethi.

Ky projekt, që do të zgjasë dy vjet, realizohet në kuadrin e Programit Europian IPA Adriatic CBC në fushën e turizmit-kulturor, me një bashkëfinancim nga fondet europiane në masën 85 % dhe nga fondet kombëtare për çdo vend pjesmarrës në këtë projekt, në masën 15 %.

Këto shfaqje artistike do t’i japin një tjetër “shije” qytetit të Fierit, ndërkohë që në Apolloni apo Bylis janë realizuar vazhdimisht aktivitete si: mbrëmje poetike, vepra të plota të artit dramatik, festivale filmash, koncerte jazz dhe folk, opera e balete, panaire prodhimesh të ndryshme, etj.

Fier- Qindra të rinj, nga rrethe të ndryshme të vendit, janë mbledhur mbrëmë në Apoloni të Fieri, për të marrë pjesë në konkursin “Shqipëria është kulturë” i organizuar nga Ministria e Kulturës dhe Bashkia e Fierit. Eventi kulturor, do të zgjasë katër ditë e netë dhe në të marrin pjesë rreth 400 të rinj nga Shqipëria, Mali i zi, Italia etj. Gjinitë në të cilat po konkurojnë të rinjtë janë të ndryshme si Aerobi, valle popullore, Aktrim, Këngë, Recitime, Pikturë etj. Në mbremjen e parë në skenën e improvizuar janë ngjitur grupet e para kryesisht në aerobi dhe recitime. Fituesit do të përfitojnë cmime deri në 5 milionë leke të vjetra. Ndërsa fituesit e tre vendeve tw para për cdo gjini do të udhëtojnë në kryeqytetet e Europës. Fituesit do të quhen dhe ambasadorët e kulturës shqiptare.

Fierakët, për fat të keq, të katër ndeshjet e fundit i kanë me rivalët për të shpëtuar. Apolonia ka marrë një pikë të vlefshme në Korçë, duke realizuar objektivin e vet në lidhje me këtë takim. Ka qenë një ndeshje e vështirë për skuadrën fierake, por e përmbyllur jo keq, duke llogaritur faktin e një ndeshjeje transferte. Fierakët kanë mundur të marrin një pikë, por në tabelën e renditjes ata janë kthyer në vendin e parafundit, ashtu si dhe pas javës XXVII.

Kjo gjë është e lidhur ngushtësisht edhe me rezultatet që kanë marrë në këtë javë skuadrat e fundit të tabelës. Kështu, korçarët i kanë parakaluar bardhejeshilët në renditje për shkak të “dhuratës” shkodrane që bëri të mundur shndërrimin e humbjes në fitore për Skënderbeun, ndërsa Kastrioti ka mundur t’i shkëpusë tri pikë të arta Vllaznisë në ndeshjen që kanë luajtur midis tyre. Në ndeshjen që është zhvilluar në Korçë, Lika ka menduar fort për mbrojtjen dhe kjo është dukur dhe në formacionin që ka hedhur në fushë.

Spaho, Çarls Ofoyen, Shoshi, Mudresa dhe Çela janë pesë futbollistë me tipare të mirëfillta mbrojtëse, madje edhe në ndërrimet e kryera, janë hedhur në fushë Koreshi dhe Elmazi, dy futbollistë të tjerë mbrojtës. Kujdesi i skuadrës fierake për të mos shkuar drejt humbjes ka qenë maksimal dhe taktika e Likës ka rezultuar e suksesshme. Ndonëse janë ndodhur në disavantazh pas golit të shënuar nga Klodian Asllani, fierakët nuk janë treguar ekip apatik në fushë, por kanë reaguar, duke synuar drejt golit balancues. Dhe ia kanë arritur.

“Kemi luajtur një ndeshje kundër një skuadre që është kundërshtare e drejtpërdrejtë me ne, në një ndeshje që nuk e kemi pasur të lehtë. Skuadra ka qenë e motivuar dhe është përpjekur për të luajtur me kujdes dhe mendoj se ia ka dalë. Barazimi është një rezultat jo i keq, madje i merituar për ne, pasi skuadra e ka justifikuar me atë që bëri në fushën e lojës. Eshtë një pikë që ka vlerë vetëm për këtë takim, pasi ne vazhdojmë të jemi në pozitë të vështirë.

Për të dalë prej këtej, na duhet që të luajmë të karikuar në çdo takim dhe të kërkojmë të marrim pikët që na duhen për të qëndruar në superligë. Janë vetëm katër javë dhe nuk ke mundësi të zgjedhësh, por rëndësi më të madhe kanë sidomos ndeshjet direkte me skuadrat që kanë të njëjtat objektiva. Në këto takime duhet luajtur me maksimumin e përqendrimit, për të mos bërë hapa të gabuara, pasi përfitimi është i drejtpërdrejtë i kundërshtarit,” ka deklaruar kryepankina e Apolonisë, Hasan Lika.

Barazimi është një pikë që i vlen Apolonisë, por skuadra duhet të kthejë kursin në mënyrë të menjëhershme nga Kastrioti, një kundërshtar që i ka shkaktuar Apolonisë humbjen e parë në Fier gjatë këtij sezoni dhe ka sjellë pastaj dhe dorëheqjen e trajnerit Esad Karishik. Pasi kanë fituar me shkodranët, skuadra krutane do të provojë për të pasur një herë të dytë në Fier, pse jo për të guxuar drejt një fitoreje tjetër. Atëherë nuk do shumë mend që Apolonia as që shkon ndër mend tjetër rezultat, por llogarit vetëm fitoren.

Qirjako: Gramozi e vërtetoi ndershmërinë

Sekretari i klubit kolonjar Ilir Qirjako, i cili ka ndjekur me mjaft interes dy takimet e fundit që Gramozi luajti në Laç dhe këtë javë në Ersekë ndaj Flamurtarit, shprehet: “Gramozi në Laç dhe ndaj Flamurtarit në Ersekë bëri një paraqitje dinjitoze, ku të gjithë futbollistët kanë dhënë më të mirën në fushën e lojës, edhe pse në ato takime Gramozi vinte me plot mungesa, por lojtarët e aktivizuar e kanë kryer detyrën e dhënë nga trajneri Agim Canaj. Gramozi nuk e meriton këtë vend që ka në klasifikim.

Duke luajtur një futboll të ndershëm, lojtarët treguan edhe njëherë se Gramozi do të luajë ndershëm deri në fund të sezonit, duke mos bërë kompromis me asnjë ekip. Faktorët e jashtëm e detyruan Gramozin të jetë në këtë pozitë. Por më mirë një fund me nder, sesa të hysh në historinë e futbollit shqiptar si ekip i trukimeve dhe skandaleve, sepse kjo njollë e turpshme, është shumë e rëndë dhe ka një peshë shumë të madhe për një ekip që e ka karakterizuar gjithmonë ndershmëria dhe drejtësia, pasi të tillë janë edhe njerëzit që janë në këtë klub, duke filluar që nga presidenti Mustafa Taçi, dhe vijuar te të tjerët. Për sa u takon takimeve të mbetura, duke filluar që nga kjo javë me Tiranën dhe në vazhdim, ekipi do të vijojë të luajë më të njëjtin mobilizim, për t’i dhënë ngjyra sa më

Renditja pas javës së 30-të

1.DINAMO 58 pike
2.BESA 49 pike
3.TIRANA 47 pike
4.LACI 45 pike
5.SHKUMBINI 42 pike
6.FLAMURTARI 41 pike
7.VLLAZNIA 40 pike
8.TEUTA 39 pike
9.SKENDERBEU 38 pike
10.APOLONIA 38 pike
11.KASTRIOTI 36 pike
12.GRAMOZI 23 pike

Apolonia është mundur 3-2 në Fier nga Kastrioti, duke u barazuar me pikë me Tiranën, nga 17 secila. Skuadra fierake kaloi dy herë në avantazh, por në të dy rastet krutanët barazuan, derisa në fund Grizha shënoi golin e fitores. Ndërkohë, në Ersekë, Gramozi mundi 2-0 Teutën duke dalë nga zona e ftohtë. Superliga do të vijojë të dielën me ndeshjet Flamurtari-Laçi dhe Skënderbeu-Vllaznia, ndërsa të hënën luhet supersfida Besa-Dinamo.Nderkohe ne takimet e tjera Tirana ka mundur 2-0 Shkumbinin, duke u rikthyer në zonat e larta të renditjes. Bardheblutë arrijnë kështu fitoren e tretë radhazi dhe tashmë e shohin veten në vend të tretë me 17 pikë, pas Dinamos dhe Besës. Në pritje të përballjes direkte mes këtyre dyjave, kampionët në fuqi mund të konsiderohen tashmë një nga skuadrat rivale për titull. Përballë Shkumbinit ka qenë një dominim i skuadrës së Alban Tafajt, por pavarësisht sulmeve të shumta, në pjesën e parë goli nuk ka ardhur. Në fund të saj arbitri Çekaj nxorri me karton të kuq Ilir Çaushajn, duke i lënë peqinasit me 10 vetë, gjë që ndikoi jo pak në moralin e tyre. Vetëm 7 minuta nga nisja e fraksionit të dytë Jetmir Sefa kalon bardheblutë në avantazh, duke kthyer qetësinë në skuadër. Shkumbini rrezikoi pak çaste më vonë me anë të Mustafajt, ndërsa në minutën e 57-të Sefa shënon edhe golin e dytë, duke vulosur praktikisht fitoren.
Ndërkohë, në takimet e tjera

Në tri javët e para fierakët kanë pësuar vetëm një gol, edhe atë në sekondat e fundit në Shkodër. Apolonia ka pse të krenohet dhe të ndihet një nga skuadrat e javës së tretë, pasi bardhejeshilët kanë triumfuar mbi një kundërshtar të vështirë, edhe pse kanë luajtur në Fier. Për skuadrën e trajnerit Karishik duket se është prishur “syri i keq” dhe ekipi ka mundur që të përvijohet si një skuadër që me të vërtetë duhet vlerësuar për pretendimet që ka dhe për lojën që po zhvillon. E ndodhur në kuotën e 6 pikëve, Apolonia kryeson “karvanin” e skuadrave ndjekëse të kryesuesve, Dinamo e Besa, në një grup ku bëjnë pjesë edhe Skënderbeu i Korçës dhe Tirana kampione, duke plotësuar trion e skuadrave që kanë 6 pikë, 3 më pak se dueti kryesues.

Fierakët duken racionalë, pse jo të shfaqur paksa pragmatistë në ndeshjen kundër Shkumbinit, ku kanë marrë vërtet një rezultat të vështirë, por që kanë ditur ta menaxhojnë. Pas fitores, trajneri Karishik është shprehur se nuk ka qenë udhëzimi i tij loja mbrojtëse, por gjithsesi skuadra është detyruar nga rrethanat që ka aplikuar një lojë të tillë. Të gjitha rrethanat e ndeshjes të çojnë drejt një përfundimi final dhe të padiskutueshëm: Apolonia e ka merituar këtë fitore dhe ka bërë edhe një herë tjetër që të shtohen vlerësimet për të, si një skuadër ndaj së cilës nuk mund të bësh dot llogari të lehta.

Ka një skuadër që po profilizon një lojë të veçantë dhe, siç është vënë re në tri ndeshjet e para, është mjaft e vështirë që t’i shënosh gol. Kujtoni të vetmin pësim, që porta fierake e ka në Shkodër, atëherë kur kontrolloheshin sekondat e fundit të ndeshjes. Ky fakt ka një emër dhe një meritë të padiskutueshme. Pa dyshim është radhitja e mirë që skuadra bën në fushë, por edhe klasi që kanë treguar në këto javë futbollistët që përbëjnë boshtin e repartit mbrojtës, së bashku me portierin që po rritet nga ndeshja në ndeshje, Egland Haxho.

Natyrisht, nuk ka se si të mos veçohet mes emrave të tjerë cilësorë të mbrojtjes, ai i qendërmbrojtësit Mariglen Shoshi, që vazhdon të bindë në fushë dhe të përforcojë vlerësimin se mbetet një nga më të mirët e rolit të tij në futbollin shqiptar, duke shtuar ndjeshëm dhe “presionin” ndaj trajnerit Kuzhe me paraqitjet e tij. Mbrojtësi i fierakëve ka një portret të qëndrueshëm në çdo ndeshje, por ai spikat në veçanti në takimet e vështira.

Dhe nga Shoshi nuk pritet asnjëherë një ndeshje mesatare apo e dobët. Eshtë një normë me të cilën janë mësuar sportdashësit fierakë, por edhe një lajtmotiv i vetë futbollistit. Një konstatim i thjeshtë vihet re edhe në statistikat e para të këtij kampionati. Në tri javë, Shoshi, i cili ka qenë lojtari më i ndëshkuar sezonin e kaluar për Apoloninë, nuk është ndëshkuar asnjëherë. Kjo tregon për një pjekuri të mëtejshme të këtij futbollisti dhe për një punë serioze të tij.(Shekulli)

Një ndeshje ku Apolonia do të tregojë edhe një herë mundësitë e saj reale do të jetë edhe ajo ndaj Dinamos. Kundër bluve, të cilët kërkojnë me insistim fitoren e munguar prej disa javësh, fierakët do të përpiqen ta largojnë sa më shumë të jetë e mundur humbjen, duke kaluar në rekorde të reja pikësh për këtë sezon superlige. Eshtë kapiteni i fierakëve, Klodian Asllani, ai që bën një “rezyme” të përgjithshme të gjendjes së skuadrës së tij dhe bën parashikimin e radhës për ndeshjen kundër një prej ish-skuadrave të tij. “Kemi arritur që me përpjekje maksimale të ngjitemi në tabelë, pasi kemi bërë më të mirën e mundshme në disa ndeshje radhazi. Pikët e plota në katër ndeshjet e fundit janë një tregues i qartë i rritjes së skuadrës në të gjitha aspektet. Të gjitha këto kanë rrjedhur, së pari, nga vlerësimi me seriozitet i kundërshtarit dhe puna rigoroze që kemi bërë. Apolonia e sheh si të huaj egon apo përfshirjen nga euforia, që do të ishte shfaqja më e dëmshme për ne në këto momente. Janë të gjitha ç’thashë më lart disa nga faktorët bazë të sukseseve tona, për të cilat ne do të përpiqemi të mos i lëmë në këto stade, por t’i vijojmë më tutje,” – shprehet Asllani. Së fundi, kapiteni i fierakëve ndalet konkretisht edhe në ndeshjen kundër dinamovitëve, në të cilën Apolonia është e destinuar të mos humbasë. “Nuk ka sens që të ndalemi tani në këtë moment. Ne duhet të shohim vetëm përpara, pavarësisht se cili është kundërshatri ynë dhe ku luhjet ndeshja. Askush nuk mund ta quante të lehtë ndeshjen me Dinamon, sidomos kur ajo luhet në Tiranë, por duhet ta luash me sukses “pjesën” tënde. Ky është kusht i këtij sporti dhe nuk i shmangesh dot, kurrsesi. Në këtë vështirësi të re që do të kemi përpara, ne jemi përgatitur që të bëjmë tonë. Do të tregojmë kujdes të veçantë që të mos krijojmë hapësira për sulmuesit e rrezikshëm dinamovitë dhe e gjitha loja jonë do të synojë që të mos dalim së paku pa një pikë nga kjo fushë,” shprehet në deklarimin e tij kapiteni i Apolonisë, Klodian Asllani.

Minifaza përgatitore, gjatë ndërprerjes së kampionatit të Superligës Shqiptare, ka bërë që shumë skuadra të organizojnë grumbullimin e tyre jashtë Shqipërisë. Një prej këtyre ekipeve është edhe Apolonia e Fierit, e cila ka zgjedhur Kemerin e Turqisë, ku është akomoduar qysh prej 12 janarit. Gjithë kjo periudhë ka qenë e tejmbushur me ngarkesa të larta fizike në seancat stërvitore, ku ka rënë ndjeshëm në sy përkushtimi i futbollistëve fierakë, në abatimin e planit stërvitor të aplikuar nga trajneri Karishik. Kryepankina e Apolonisë ka treguar kujdes të veçantë kryesisht në treguesit taktik dhe fizik të skuadrës, pasi ai pretendon një ekip të freskët dhe të aftë për të luajtur me ritëm një 90 – minutësh.

Mundësia më e mirë për stafin drejtues të Apolonisë, kanë qenë pikërisht ndeshjet miqësore që skuadra ka zhvilluar në tokën turke, edhe pse paksa të vonuara. Kështu, Apolonia ka matur forcat me bardheblutë tiranas ditën e martë (20 janar), në një ndeshje ku gjithçka është ndarë në barazim 2 – 2, ndërsa të enjten (22 janar), fierakët janë mundur 2 – 5 nga Gagra, një skuadër e Superligës gjeorgjiane. Përtej shifrave të këtyre takimeve, më e rëndësishmja ka qenë ana e performimit të skuadrës dhe stafi teknik është shprehur relativisht i kënaqur në këtë drejtim, duke vlerësuar përkushtimin total të futbolistëve për të dhënë një Apoloni ndryshe në pjesën e mbetur të kampionatit. Në filozofinë që Karishik ka për lojën, ai kërkon që agresiviteti i skuadrës të jetë në kuota më të larta, pasi kjo do të sillte dhe më shumë produktivitet në vijën e parë, duke pasur dhe shtimin e konkretizimeve në portën kundërshtare. Pretendohet që sulmi të jetë më rezultatitv dhe kjo shpresë vjen dhe nga goditja e bërë në merkaton dimërore, ku fierakët do të kenë në dispozicion të tyre edhe shërbimin e futbollistit serb, Sead Haxhibuliç. Përsa i përket lëvizjeve në organikën e futbollistëve, skuadra ka pësuar disa ndryshime fare të vogla. Kështu, është zgjidhur dhe çështja e një “gardiani” tjetër tek Apolonia, pas largimit të Dines. Ai do të jetë tiranasi Alban Hoxha, ish – portieri i bluve dinamovit.

Ndërkohë, fierakët kanë arritur marëveshje edhe me dy futbollistë të tjerë serbë, qendërmbrojtësin Ferizoviç (i cili ka shënuar dhe golin e parë “shqiptar” në ndeshjen ndaj gjeorgjianëve) dhe sulmuesin Haxhibuliç. Në bazë të deklaratave të bëra nga presidenti Endri Puka, fierakët do të kryejnë dhe lëvizje të tjera në merkato, për të siguruar futbollistët që i nevojiten, duke u shprehur njëherësh se merkato për Apoloninë do të jetë e hapur deri në ditën e fundit. Skuadra, pas ndeshjes me Besën e Kavajës, të shtunën paradite në Kemer të Turqisë, do të vijojë intensivisht përgatitjet në qytetin e vet, të gjitha për të përballuar me sukses ndeshjen e parë pas ristartimit të kampionatit, atë me Flamurtarin e Vlorës.

I përkasin shekullit V, por deri vonë ishin “të mbyllura”.Dy palë sandale të rralla, të gjetura 55 vjet më parë në Apoloni, vetëm këto ditë i janë nënshtruar restaurimit. Për vite me radhë kanë qëndruar në fondet e muzeut arkeologjik të Apolonisë, derisa u mor përsipër trajtimi i tyre. Aktualisht gjenden në Laboratorin e Arkiometrisë dhe Restaurimit ku do të qëndrojnë deri në përfundim të ndërhyrjes. Frederik Stamati, shefi i këtij laboratori tregon se këto sandale janë zbuluar në vitin 1954. Secila prej tyre është gjetur në një sarkofag(varr që kushtonte dhe nuk mund ta kishin të gjithë), e kjo tregon se ata që janë varrosur në sarkofag kanë qenë njerëz të pasur. Sipas Stamatit, këto lloje të rralla sandalesh mendohet të jenë përdorur për vallëzim. Vetë ndërtimi i shuallit të tyre, me thumba të dalë metalik (gati të krahasueshme me takat e futbollistëve sot) i ka çuar specialistët në këtë përfundim. Këto pjesë të dala metalike besohet se shërbenin për të krijuar tinguj gjatë përplasjes së tyre. “Karakteristikë e këtyre sandaleve është ndërtimi me një skelet metalik prej bronzi, mbi të cilin vendosej një pafte e harkuar po prej bronzi. Një dërrasë vendosej mbi strukturën metalike, e cila gjithashtu mbulohej me një shtresë lëkure. Kemi disa elementë të dukshëm që na kanë lejuar të arrijmë deri në rindërtimin e kësaj strukture. Por ende nuk e dimë se si ishte ndërtuar pjesa e sipërme e tyre, si qëndronte në këmbë”, thekson Stamati. Teksa sqaron më tej, ai shprehet se sandalet përbëheshin nga dy pjesë: pjesa e thembrës dhe e shputës së këmbës. Mes këtyre dy pjesëve ka pasur një lidhje që lejonte përthyerjen e lehtësishme. Ndërsa në pjesën anësore, aty ku druri forcohej me një pjesë bronzi, janë gjetur disa burime tekstili të cilat u përkasin sandaleve, një fijeje apo rrobe me të cilat ka qenë thurur pjesa e sipërme e sandaleve. “Nga përbërjet që kemi gjetur e analizuar, ka rezultuar se është një tekstil i shek 5 para erës së re. Kemi të bëjmë me një endje tipike të kohës, në formë kanistre me vijëzime. Sipas të dhënave duhet të ketë qenë tekstil bimor. Por gjëja më e rëndësishme në këtë tekstil, janë disa elementë që dalluam ditët e fundit e që tregojnë për një tekstil të dekoruar në vegje. Ky është rasti më i vjetër që gjejmë në Shqipëri për një tekstil të dekoruar me vegje. Deri më sot, tekstili më i vjetër i dekoruar në vegje u përkiste gjetjeve në kalanë e Dalmacës të shek VI-VIII”, thekson shefi i Laboratorit të Arkiometrisë dhe Restaurimit, në të cilin po restaurohen këto sandale. Pas zbulimit në vitin 1954, për vite me radhë ato qëndruan në fondet e muzeut arkeologjik në Apoloni. Këto sandale të rralla deri më sot nuk u janë nënshtruar ndërhyrjeve për shkak të vështirësive të mëdha restauruese. “Vetëm para disa viteve ne morëm përsipër të bënim restaurimin. Në laborator nuk kishte mundësi teknike, pajisjet dhe kimikatet e nevojshme”, thekson Stamati. Por edhe pse teknika është përmirësuar krahasimisht me vite më parë, jo vetëm në këtë rast, ka probleme me analiza të përbërjeve të caktuara. Takati tregon se kanë edhe elementë të drurit në përbërje të strukturës së këtyre sandaleve, ku ende nuk është përcaktuar lloji i drurit të përdorur. Sipas tij, në mungesë të një specialisti shqiptar, para disa vitesh ia dhanë material për analiza një specialisteje franceze që merrte pjesë në ekspeditën e Sovianit, por ajo nuk ka kthyer përgjigje. Tani i jemi drejtuar Muzeut të Manzës në Gjermani. Puna restauruese pothuajse është në përfundim. “Gjithë materialin e kemi ndarë në 9 grupe. Ka mbetur vetëm një strukturë pa restauruar. Kur janë sjellë në laborator, sandalet ishin shumë të dëmtuara. Janë bërë trajtime për të përforcuar strukturën metalike tepër të dobësuar dhe besojmë se pas punës që kemi bërë, nuk do të ketë probleme për korrozion të mëtejshëm”, thekson Stamati. Në Shqipëri janë gjetur vetëm 3 palë sandale të plota dhe një fragment nga një palë të tjera. Të gjitha janë zbuluar në Apoloni. Sipas Stamatit, edhe në vende të tjera kemi raste të rralla të këtyre strukturave. Ai tregon se një palë të ngjashme i ka parë edhe në Muzeun Kombëtar të Athinës. Por Stamati thekson se edhe pas analizave dhe vëzhgimit të materialit e ka të pamundur të thotë nëse këto sandale ishin korkyrase, greke apo shqiptare. “Nuk mund të bëjmë një dallim. Vetë gërmimet që ka bërë Lorenc Bejko kanë treguar se Apolonia ka qenë e banuar përpara se të vinin korkyrasit e të formonin koloni. Kishte një substrat ilir dhe pati një bashkëjetesë të popullsisë vendase me atë të ardhur”, thekson Stamati. Pas restaurimit të plotë, dy palët e rralla të sandaleve të zbuluara në vitin 1954, do të kthehen në Apoloni, ku pritet të ekspozohen në muzeun arkeologjik. Ky i fundit, ndonëse prej disa vitesh qëndron i mbyllur, pas një ndërhyrjeje restauruese të kohëve të fundit pritet që këtë vit të hapet. Si pasojë, të gjitha materialet arkeologjike të zbuluara nga ekspeditat e herëpashershme në Apoloni pritet të ekspozohen për turistët që vizitojnë Parkun Arkeologjik.

Besa i rrëmben Teutës derbin dhe vendin e tretë në tabelën e klasifikimit Pritej si një mundësi për të shënuar fitoren e parë në kampionat, nën drejtimin e trajnerit Shpëtim Duro, por ka rezultuar një ndeshje fatale për Partizanin. Bëhet fjalë për humbjen e djeshme 3-1, që të kuqtë kanë pësuar në Fier përballë Apolonisë. Mbrojtësi i ri, Renato Mallota, zhbllokoi avantazhin në favor të të kuqve në minutën e dytë, falë një asisti të Elis Bakajt, duke bërë të heshtë stadiumin “Loni Papuçiu”. Por një gjë e tillë krijoi thjesht një iluzion, që do të shuhej më pas, pasi Apolonia do të barazonte me anë të sulmuesit Mladen Bërkiç në minutën e 20, duke sjellë edhe qetësi në pankinën fierake. Më pas, kapiteni i vendasve, Klodian Asllani, lojtari që i dhuroi Apolonisë edhe fitoren në fazën e parë në kryeqytet, shënoi golin e dytë në minutën e 60-të. Në të 71-ën, Partizani do të mbetej pa portierin Orges Shehi, sepse ky i fundit la fushën e lojës pas një kartoni të kuq, të marrë si lojtar i fundit në një ndërhyrje të ashpër. Trajneri i Partizanit kreu një zëvendësim të detyruar, duke hedhur në fushë portierin zëvendësues, 19-vjeçarin Dashamir Xhika. Apolonia ngulmoi për të shënuar golin e tretë, atë të sigurisë, të cilin e gjeti me anë të Arbër Dhramit në minutën e parë shtesë të pjesës së dytë e që vulosi përfundimisht rezultatin 3-1 dhe humbjen e dytë sezonale të Partizanit ndaj Apolonisë, pas asaj në Tiranë (0-1). Partizani është ende në kërkim të fitores, që i mungon prej 15 javësh, që kur fitoi në Lushnjë me rezultatin e ngushtë 1-0 dhe humbja në Fier me Apoloninë, duket se i dha fund ecurisë shpresëdhënëse të të kuqve. Tashmë në kuotën e 10 pikëve, dy më pak se Lushnja e vendit të 11-të, situata te Partizani nuk është aspak e qetë, kur kanë mbetur edhe 17 javë për t‘u luajtur. E vetmja kënaqësi “estetike” e Partizanit ndaj Apolonisë janë statistikat e përballjeve historike, ku në 58 ndeshje “demat” kanë fituar 37 herë, kundrejt 9 fitoreve të fierakëve (12 barazime). Fitorja e fundit e Partizanit daton më 21 prill 2007. Ndërkohë që një tjetër takim interesant është luajtur dje në stadiumin “Niko Dovana”, ku Teuta ka pritur Besën në një ndeshje derbi. Por fundi ka qenë i hidhur për vendasit, të cilët janë dorëzuar pas golit të vetëm të Halitit. Mes tyre është luajtur një ndeshje me dy tablo, ku në pjesën e parë ishin durrsakët ata që dominonin lojën, duke krijuar shumë raste. Emiliano Vila ishte një rrezik permanent në zonën e portës së kavajasve. Ndërsa në të dytën skuadrat ndërrojnë rolet dhe është Besa ajo që ka iniciativën, krijon më shumë dhe është më e rrezikshme para portës. Aksionet e saj të shumta do të kurorëzoheshin me gol vetëm në minutën e 82, ku Haliti ka ndëshkuar pasigurinë e mbrojtjes së durrsakëve, pas një aksioni të bukur të shokëve të tij të skuadrës. Gjuajtja e tij e ka prekur paksa shtyllën dhe ka përfunduar në rrjetë. Në minutat e fundit durrsakët nuk kanë ç‘të humbasin, hidhen të tërë në sulm, por koha nuk mjafton.

Superiore / Java 16

Dje

Apolonia-Partizani 3-1

Bërkiç 20‘, Asllani 60‘, Dhrami 90‘+1‘/ Malota 2‘

Teuta-Besa 0-1

Haliti 82‘

Sot

Shkumbini-Elbasani E. Peza

Dinamo-Lushnja S. Çekaj

Bylis-Vllaznia E. Hoxha

Flamurtari-Tirana L. Jemini

*Të gjitha ndeshjet do të luhen në orën 13.30

Klasifikimi

Skuadra N Pikë

1. Vllaznia 15 31

2. Tirana 15 27

3. Besa 16 25

4. Dinamo 15 23

5. Teuta 16 24

6. Shkumbini 15 20

7. Elbasani 15 20

8. Flamurtari 15 20

9. Bylis 15 17

10. Apolonia 16 15

11. Lushnja 15 12

12. Partizani 16 10

Incident gjatë ndeshjes mes Apolonisë dhe Lushnjes, vetëm pak minuta më parë. Ka mjaftuar goli i barazimit të skuadrës fierake dhe tifozët lushnjarë janë rebeluar. Por nuk është mbyllur me kaq. Ata kanë nisur të qëllojnë me gurë dhe sende të forta. Një gur ka goditur në sy qendërsulmuesin e Apolonisë, Mariglen Shoshi, duke e lënë të dëmtuar në mes të fushës.

Policia ka ndërhyrë menjëherë për të qetësuar situatën, ndërkohë që

gjyqtari ka ndërprerë lojën për rreth 10 minuta. Ambulanca e njoftuar me urgjencë i ka dhënë ndihmën e parë futbollistit dhe më pas e ka transportuar për në spitalin e qytetit të Lushnjes.

Pas kësaj loja ka vijuar sërish, por situata ka qenë gjithsesi e tensionuar. Policia është duke hetuar për të zbuluar autorin e goditjes, por ende nuk ka të dhënë për këtë.