Mallakastër- Ndalet shpërthimi i epidemisë, vazhdon hetimi epidemik, asnjë e dhënë konkrete për shkakun

Një javë pas “shpërthimit të epidemisë enigmatike në Rrethin e Mallakastrës situata është përmirësuar. Nga disa dhjetëra persona që kërkonin ndihmë mjekësore në fillim të javës, në këtë fundjavë numri i tyre ka rënë ndjeshëm. Zyrtarisht burimet e spitalit civil të Ballshit tregojnë për “Shqip” se gjatë fundjavës numri i personave që kanë kërkuar ndihmë mjekësore ambulante ishte 12 gjatë së premtes dhe rreth 12 të tjerë gjatë së shtunës. “Edhe pacientët e dy ditëve të fundit kanë pasur të njëjtat simptoma me pacientët që u përfshinë në valën e epidemisë e që u trajtuan në spitalin e Ballshit, Fierit, në fillim të javës. Pacientët e shtruar kanë pasur shqetësime pastro-intestinale dhe temperaturë të lartë”, ka sqaruar drejtoresha e spitalit, Luljeta Bregasi.

Sipas saj, shqetësimi aktual i personelit mjekësor në Ballsh lidhet me faktin se pacientët e paraqitur ditët e fundit në spital nuk kanë konsumuar ujë për disa ditë me radhë. I njëjti konstatim është bërë edhe nga specialistët e Drejtorisë Rajonale të Shëndetit Publik. “Të gjithë pacientët e ardhur gjatë së premtes dhe së shtunës janë marrë në pyetje lidhur me ujin që kanë konsumuar. Ata kanë treguar se që nga e marta, kur informacioni për ujin “e helmuar” u përhap, ata nuk kanë konsumuar më ujë. Por çuditërisht, ditë më vonë ata janë prekur nga epidemia. Në këto kushte vendoset në dyshim origjina e epidemisë”, sqaruan mjekët. Edhe pse për një javë pacientët e paraqitur në spital nuk kanë qenë në gjendje kritike për jetën, disa prej tyre kanë qëndruar për ditë me radhë në spital për të marrë shërbim të specializuar, si dhe për të qenë nën vëzhgimin e mjekëve. “Veç mjekimeve disaorëshe, ka pasur edhe nga ata pacientë që kanë qëndruar për më shumë se tri ditë në spital”, sqaroi drejtoresha e spitalit të Ballshit. Nga ana tjetër, ende autoritetet shëndetësore lokale nuk janë njohur me përgjigjen përfundimtare të analizave. Edhe në Drejtorinë Rajonale të Shëndetit Publik në Fier nuk ka mbërritur një përgjigje zyrtare e analizave lidhur me mostrat e ujit, marrë për ditë me radhë në qytetin e Ballshit. Ndërkohë që nuk ka ende një përgjigje zyrtare se çfarë rrezikoi dhe rrezikon akoma komunitetin e Mallakastrës. Drejtoria e Ujësjellës-Kanalizimeve ka sqaruar se ka marrë masa duke rritur sasinë e klorit në ujë. Drejtori Shyqo Metaj ka sqaruar se “nuk e kemi ndërprerë ujin për asnjë ditë, por kemi dyfishuar rritjen e sasisë së klorit”. Nga drejtori i ujësjellësit mësohet se akoma nuk është lejuar konsumimi i ujit nga qytetarët. Ai nuk këshillohet të pihet deri në një njoftim tjetër zyrtar.

Derisa autoritetet përgjegjëse të deklarojnë shkakun e epidemisë, si dhe të konfirmojnë se uji nuk paraqet rrezik, banorët e Mallakastrës do të jetë nën alarm. Një javë më parë, brenda një ditë-nate, më shumë se 500 qytetarë u përfshinë në një valë epidemie, kryesisht me shqetësime pastro-intestinale.

BALLSH-Ballshi ndodhet edhe sot ne gjendje alarmi me rastet e helmimit qe u shfaqen dje ne mbremje tek mbi 100 persona. Paraditen e sotme kane qene rreth 200 nxenes qe i jane drejtuar spitalit rajonal te qytetit me te njejtat simptoma si mbremjen e se henes, por ekziston frika se numri i tyre mund te rritet ne oret ne vazhdim.
Bëhet e ditur se sot paradite spitali i Ballshit ka perjetuar nje dyndje masive dhe nje situate teper te nderlikuar. Rastet ishin pergjithesisht nxenes te shkollave te cilet jane paraqitur me simptomat bark e te vjella. Shume raste jane derguar ne Fier pasi paraqitet e paperballueshme situata ne spitalin rajonal te Ballshit me fluksin e pacienteve qe shfaqen ne dyert e dhomave te spitalit cdo minute. Drejtoresha e spitalit te Ballshti, Luljeta Bregasi konfirmoi se rastet jane aq te shpeshta sa ndodh qe dy nxenes marrin serumin ne te njejtin shtrat.
Vleresohet se nxenesit e mberritur ne spital vijne nga shkollat 9 Vjecare “Odiseja”, “Beselidhja”, “Ismail Klosi”. Nga frika e helmimit, mesimi ne keto shkolla dhe ne te gjitha shkollat e tjera u nderpre deri ne nje urdher te dyte.
Dyshohet helmim nga uji i pijshem
Drejtoresha e spitalit rajonal te Ballshti, Luljta Bregasi beri te ditur se simptomat e helmimit jane ne fazen e pare. “Pacientet nuk jane rende. Aktualisht marrin mjekim per intonsikim. Me pak fjale marrin serumin dhe largohen ne shtepi”. Sipas Bregasit, dyshohet se shkak te jete uji i pijshem, por sic thekson ajo “jane analizat zyrtare ato qe vertetojne kete”.

Mbreme 102 persona iu drejtuan spitalit
Mbrëmjen e së hënës, 102 persona në qytetin e Ballshit u shtruan në spital. Dyshohet që shkak për këtë shtrim masiv, të jetë bërë helmimi nga uji i pijshëm. Shtrimi i tyre në një hark të shkurtër kohor, vetëm 2 ditë alarmoi edhe Ministrinë e Shëndetësisë e Institutin e Shëndetit Publik. Duke qënë se numri i personave që kërkonin hospitalizim ka qënë i lartë, disa prej tyre janë dërguar edhe drejt spitalit të Fierit. ”Kishin diarre, të vjella, temperaturë të ulët e dridhje trupi”, pohojne burime nga reparti i Urgjencës.

Mësohet gjithashtu, se të gjithë personat e shtruar në spital jetojnë në qytetin e Ballshit.
Ministria e Shëndetësisë me të marrë vesh lajmin aspak të zakontë, ka ngritur menjëherë dy grupe hetimore, të cilët u nisën mbrëmjen e së hënës drejt Ballshit, për të vërejtur situatën e krijuar atje nga afër.

Në grupin e ngritur nga MSH, ndodhet edhe Drejtori i Institutit të Shëndetit Publik, Alban Ylli, i cili deklaron se është ende herët të flitet për helmim të këtyre banorëve, ndërkohë që thekson se “MSH ka dhënë urdhër për të ndërprerë furnizimin e qytetit me ujë të pijshëm.

Sipas Ministrit të Shëndetësisë Petrit Vasili, pacientët vijnë në spital, marrin trajtim dhe largohen, ndërsa shton se “është dhënë urdhër për ndërprerjen e ujit të pijshëm në qytetin e Ballshit, deri në zbardhjen e shkaqeve të plota.”

Nderkaq, Drejtoria e Policise se Qarkut, në bashkëpunim me Prokurorinë e Rrethit Gjyqësor Fier, kane ngritur 2 grupe hetimore dhe po hetojnë ngjarjen.

BALLSH- 102 persona në qytetin e Ballshit janë shtruar në spital, ndërsa dyshohet që shkak për këtë shtrim masiv, të jetë bërë helmimi nga uji i pijshëm. Shtrimi i tyre në një hark të shkurtër kohor, vetëm 2 ditë ka alarmuar edhe Ministrinë e Shëndetësisë e Institutin e Shëndetit Publik. Duke qënë se numri i personave që kërkonin hospitalizim ka qënë i lartë, disa prej tyre janë dërguar edhe drejt spitalit të Fierit

Mësohet gjithashtu, se të gjithë personat e shtruar në spital jetojnë në qytetin e Ballshit, por deri tani nuk konfirmohet ende shkaku i këtij shtrimi masiv në spital.
Ministria e Shëndetësisë me të marrë vesh lajmin aspak të zakontë, ka ngritur menjëherë dy grupe hetimore, të cilët janë nisur mbrëmjen e sotme drejt Ballshit, për të vërejtur situatën e krijuar atje nga afër.

Në grupin e ngritur nga MSH, ndodhet edhe Drejtori i Institutit të Shëndetit Publik, Alban Ylli, i cili deklaron se është ende herët të flitet për helmim të këtyre banorëve, ndërkohë që thekson se “MSH ka dhënë urdhër për të ndërprerë furnizimin e qytetit me ujë të pijshëm.

Në lidhje me këtë ngjarje ka ardhur edhe reagimi i Ministrit të Shëndetësisë, Petrit Vasili, i cili deklaron se 102 persona kanë marrë trajtim në spitalin e Ballshit, por sipas tij “aktualisht nuk janë të shtruar 102 persona në këtë spital, por vetëm 30. Ndërsa 10 të tjerë janë të shtruar në Fier”, – thekson Vasili.

Sipas ministrit, pacientët vijnë në spital, marrin trajtim dhe largohen, ndërsa shton se “është dhënë urdhër për ndërprerjen e ujit të pijshëm në qytetin e Ballshit, deri në zbardhjen e shkaqeve të plota.”

Ministri Vasili është nisur sot në mbrëmje drejt Ballshit, për të qënë sa më afër situatës dhe për të parë nga afër gjëndjen e pacientëve, ndërsa ka deklaruar se në këtë spital “Nuk ka më pacientë që paraqesin simptomat e helmimit dhe asnjëri prej tyre nuk ka qënë në rrezik për jetën.

Tjetër varr masiv që i përket periudhës komuniste. Viktimat mendohet se janë ish-të burgosur të burgut të këtij qyteti

Një tjetër varr masiv është gjetur këtë herë në Mallakastër, ku janë gjetur 80 eshtra viktimash, të cilët mendohet se u përkasin personave të ekzekutuar me ose pa gjyq, por edhe ish-të burgosur në burgun e Ballshit, që mund të kenë vdekur gjatë torturave atje. Ka qenë një iniciativë e deputetit të PD-së Enkelejd Alibeaj, asokohe ministër i Drejtësisë, i cili ka qenë në kërkim të eshtrave të gjyshit të tij, Bektash Alibeaj. Data e gjetjes së eshtrave e ka zanafillën në fillim të marsit, por u bë publike vetëm ditën e djeshme, nga kryetari i Institutit të ish- të Përndjekurve Politikë, Simon Miraka. Janë plot 80 viktima në kufirin që ndan fshatrat Usonjë dhe Kalenjë, të cilët prej më shumë se një muaji i janë nënshtruar ekspertizës, për të gjetur identitetin e tyre dhe kohën kur janë ekzekutuar. Kryetari i Institutit për të Përndjekurit Politikë, shprehet se përbri kufomave janë gjetur dhe shishe me copa letrash, që mbanin shkruar emrin e gjithsecilit prej tyre. Lajmi për gjetjen e tyre konfirmohet dhe nga burime të Ministrisë së Brendshme, të cilët nuk japin më shumë detaje, për shkak të verifikimit që po i bëhet kufomave dhe për të mos pasur më pas keqkuptime me familjarët. Gjithsesi, të njëjtat burime shprehen se nuk përjashtohet mundësia që në këtë zonë të ketë dhe të tjera kufoma, të ekzekutuara apo të vdekura në burgun e Ballshit, i cili njihej për torturat çnjerëzore përgjatë periudhës së diktaturës.

Burgu i Ballshit

Burimet shprehen se prej kohësh dyshohej për një varr masiv në këtë zonë, por nuk kishte të dhëna të sakta për vendndodhjen e tyre. Fakti që në afërsi të zonës ku u gjetën trupat ka ekzistuar dhe burgu famëkeq i Ballshit (për torturat në këtë burg ka dhe dorëshkrime të shumta nga ata që kanë vuajtur në të, mjafton të përmendet ditari i at Zef Pllumit apo shkrimet e ish-deputetit të PD-së, Pjetër Arbnori), si dhe dëshmitë e banorëve të zonës, kanë çuar në zbulimin e tij. Kufomat mendohet se u përkasin viteve të para të çlirimit, por nuk përjashtohet mundësia që në këtë vend të jenë kryer pushkatime deri në një periudhë të mëvonshme. Gjithsesi, fjala e fundit do t’u mbetet specialistëve, të cilët do të përcaktojnë kohën dhe mënyrën e ekzekutimit të tyre.

Rasti i dytë

Ky është rasti i dytë brenda pak muajsh që gjenden varre masive që i përkasin kohës së diktaturës. Rasti i parë ishte ai i muajit shkurt, ku u gjetën eshtrat e 13 viktimave në periferi të Tiranës, të ekzekutuar gjatë periudhës komuniste. Nisur nga kjo, Qeveria ngriti një task forcë për kërkimin e personave të pushkatuar gjatë asaj periudhe. Mendohet se numri i të pushkatuarve gjatë periudhës komuniste i kalon shifrat e 6 mijë personave, ndërkohë që shumë pak prej tyre kanë arritur të gjenden. Kjo për faktin se ishte në politikën e diktaturës që të mos linte harta të vendndodhjes se ku ishin varrosur viktimat.

Shefi i komisariatit

Punëtorët e uzinës na lajmëruan për varrin
Pas varrit masiv pranë repartit ushtarak të Dajtit, ku u gjetën eshtra dhe kufomave që u përkasin të dënuarve politikë, një tjetër varr masiv është në prag të zbulimit të tij për të nxjerrë në pah mizoritë e diktaturës. Bëhet fjalë për një varr masiv të të dënuarve politikë të burgut të Ballshit, të cilët, sipas dëshmitarëve pleq të asaj kohe, pasi vdisnin dhe nuk u kishte mbaruar afati i burgimit, trupat e tyre nuk u ktheheshin familjarëve, por varroseshin ose thjesht hidheshin në një gropë masive, ku pas disa ditësh ose muajsh hidhej një tjetër trup i pajetë. Ky varr masiv është duke u zbuluar në afërsi të Ballshit, pranë fshatit Metoh, 500 m larg varrezave publike të fshatit Metoh, pranë të cilit kalon edhe një përrua. Lajmi bëhet zyrtar nga shefi i komisariatit të policisë Mallakastër, Hasan Hasanaj, i cili natyrisht nuk mund të flasë ende me gjuhën e specialistit për të përcaktuar saktë numrin e personave apo më saktë skeleteve, por është në dijeni të këtij varri. Në një intervistë telefonike, shefi i komisariatit të Mallakastrës, i cili ka qenë në vendngjarje së bashku me ekspertë të Ministrisë së Brendshme, pohon se pas disa ditësh ndoshta do të japë një intervistë më zyrtare dhe një lajm më të detajuar rreth kësaj ngjarjeje të pazakontë.

Z. Hasanaj, mund të na thoni, ju lutem, çfarë dini ju për zbulimin e këtij varri masiv?
Nuk mund të thuhet ende një varr masiv, pasi thjesht asgjë nuk është zbuluar ende dhe asnjë skelet nuk është parë ose nxjerrë nga nëntoka. E vërteta është se para 3 javësh, një ekip nga Ministria e Brendshme, me skica të vendndodhjes dhe me harta toponimike në duar, kanë ardhur në komisariatin e policisë së Ballshit dhe me ndihmën tonë kemi shkuar drejt vendndodhjes së menduar. Në fakt, qysh me ndërtimin e uzinës së përpunimit të thellë të naftës në Ballsh, rrethi viteve 1970-1975, përflitej se të dënuarit politikë që vdisnin në qeli nuk u jepeshin familjarëve pa kryer tërësisht dënimin, por vetëm sa lajmëroheshin për vdekjen e tyre. Ata varroseshin në afërsi të fshatit Metoh, mbi uzinën, rreth 500 m larg varreve publike të këtij fshati, buzë një përroi. Ne shkuam në vendngjarje, sipas edhe dëshmive të 2-3 ish-punëtorëve të uzinës nga ky fshat, tashmë pleq, të cilët ishin në dijeni për ngjarjen e trishtë.

Po tani çdo të bëhet për përcaktimin e këtij varri masiv?

Tani pritet ekipi i punëtorëve varrmihës, të cilët do të bëjnë të mundur hapjen e këtyre varreve dhe nxjerrjen e eshtrave, për të përcaktuar mirë dhe ndoshta edhe të identifikojnë të dënuarit politikë. Megjithëse do të jetë e vështirë, pasi sipas dëshmive të dëshmitarëve të ngjarjes, ky varr masiv mund të ketë brenda dhjetëra skelete të të burgosurve politikë që vdisnin në intervale të ndryshme kohe brenda në qeli. Varri mbahej gati i hapur në ato vite ‘70-’80, me qëllim që të mos “lodheshin” për të hapur varr të ri pas çdo vdekjeje tek të burgosurit. Në këtë mënyrë ata i hidhnin sipër njëri-tjetrit. Kjo ishte e tmerrshme…
Domethënë deri tani nuk kemi të zbuluar asnjë skelet?
Jo, sepse varri ende nuk është hapur. Priten punëtorët nga Tirana, është përcaktuar vetëm vendndodhja e varrit masiv.

Nëndrejtori: Faji i ARMO-s që nuk shlyen detyrimet. Kompania e shtetërore e nxjerrjes së naftës, “Albpetrol” sh.a është duke përjetuar një krizë të vërtetë financiare. Prej afro dy muajsh nuk është paguar asnjë nga 3200 punonjësit që figurojnë në borderotë e kësaj kompanie. Ky fakt është pohuar edhe nga nëndrejtori i kompanisë, Vasillaq Ngresi. I kontaktuar nga “Shqip” ai është shprehur se: “Mungesa e fondeve për likuidimin e pagave ka bërë që të kemi pasur një ndryshim në rendin e pagesave të punonjësve. Ndërkohë, po përpiqemi që brenda një periudhe shumë të shkurtër kohe, maksimumi dy ose tri ditë, të bëjmë shlyerjen për pagesat e pesëmbëdhjetëditëshit të dytë të muajit shkurt për të gjithë punonjësit. Pas shlyerjes së pagesave për muajin shkurt, do të nisim të likuidojmë edhe muajin mars e në vijim”.

Overdraft-i

Më tej nëndrejtori Ngresi ka shtuar se për të dalë nga kjo krizë financiare ku është futur kompania “Albpetrol” sh.a, do të përdoret “overdraft”-i, si dhe do të aplikohet për marrje kredie në qeveri. “Jemi në procedurat e marrjes së “overdraft”-it nga banka nëpërmjet së cilës paguajmë punonjësit. Shuma e kësaj “kredie” është 150 milionë lekë të reja, të cilat sapo të merren, pas dy ditësh do të jenë në shërbim të fondit të pagave për punonjësit.

Kredia

Ndërkohë, këshilli mbikëqyrës, si dhe drejtuesit e “Albpetrol”.sh.a janë duke ndjekur të gjitha procedurat për të aplikuar për marrjen e një kredie nga shteti. Për këtë i jemi drejtuar qeverisë shqiptare për një kredi të madhe, me shumën e 500 milionë eurove”, tregon nëndrejtori Ngresi. Sipas tij, Ministria e Ekonomisë, Tregtisë dhe Energjetikës është sinjalizuar për krizën që po kalon kompania dhe vetë ministri Genci Ruli është duke negociuar dhe do paraqesë për miratim në qeveri kërkesën për kredi.

Shkaku

Sipas nëndrejtorit Ngresi, “ngërçi” i krijuar, nuk është për shkak të rendimentit të kësaj kompanie, por për shkak të vonesave në pagesa nga ana e kompanisë private “ARMO”. “Pronarët e rinj të kësaj kompanie nuk kanë kryer asnjë likuiditet kundrejt ‘Albpetrol‘ sh.a., duke na shkaktuar këtë krizë ku jemi futur. Treguesit financiarë të kompanisë, si për vitin 2008 dhe në vijim janë tepër të lartë dhe kriza ka ardhur vetëm prej mosrespektimit të aktmarrëveshjeve nga ana e pronarëve të ‘ARMO‘-s.”, tha nëndrejtori i “Albpetrol”-it. E ndërsa fondi i pagave të 3200 punonjësve do të realizohet nga “overdraft”-i dhe kredia që mund të merret prej qeverisë, ky fond nuk është i mjaftueshëm edhe për të paguar mbi 1200 punonjësit që janë prekur nga reforma, të cilët trajtohen me asistencë sociale.

Reagimet

Pak ditë më parë, Shoqata e Intelektualëve të Naftës drejtuar nga ish-drejtori i “Albpetrolit” sh.a, Vlashi Nakuçi, i ka paraprirë këtij problemi dhe ka paralajmëruar krizën ekonomike ku është përfshirë kjo kompani që prej disa muajsh. Ndërkohë, selia e Partisë Socialiste, dega Fier, ka dalë dje me një deklaratë në mbështetje të shqetësimit të mijëra naftëtarëve, për mosmarrjen e pagave që prej dy muajve. Kryetari i PS-së së Fierit, Arjon Muçaj, është shprehur se: “Selia e PS-së Fier denoncon vazhdimin e papërgjegjshmërisë së Ministrisë së Ekonomisë përfaqësuar nga ministri Genci Ruli, por edhe drejtuesit aktualë të Partisë Demokratike në ndërmarrjet e naftës, të cilët janë ende të pangopur me vjedhjen që u kanë bërë këtyre ndërmarrjeve”. Sipas Muçajt, PS ka formuar një komision parlamentar, i cili po shqyrton denoncimet për abuzime dhe shkelje financiare që dyshohet se janë kryer në “Albpetrol”, sh.a.

Ish-punonjësit e Kombinatit të Përpunimit i kërkojnë takim prefektit Bejdaj për rrogat e papaguara. Ndërhyn policia ish-punonjësit e Kombinatit të Përpunimit të Thellë të Naftës Ballsh, të dalë në reformë gjatë korrikut të vitit 2008, kanë protestuar dje paradite përballë Prefekturës së Fierit, ndërkohë që kanë hyrë me forcë deri në katin e dytë të saj, me qëllimin e vetëm për t‘u takuar me kreun e prefekturës, Shahin Bejdaj.

“Zaptimin” e prefekturës, grupi i naftëtarëve e ka bërë duke anashkaluar rojën e saj, si dhe duke u ndeshur edhe me administratën e prefektit të Fierit, e cila ishte bërë mburojë që në katin e parë. Pasi kanë hyrë në katin e dytë dhe i janë afruar zyrës së prefektit, grupi i naftëtarëve, ku numëroheshin më shumë se 100 të tillë, është ndeshur me policët e repartit të zjarrfikësve dhe punonjësit e emergjencave civile, të cilët kishin bërë pritë në paradhomën e kreut të prefekturës. Shkak i kësaj indinjate të ish-naftëtarëve mësohet të jetë mosdhënia e pagës mujore për ta që nga muaji nëntor i vitit të kaluar.

Reagimet

Ndërsa priste për të takuar prefektin, Hava Taullaj, një naftëtare protestuese, tha për gazetën “Shqip” se asnjë nga 606 naftëtarët e dalë në reformë, në qershor dhe korrik të vitit 2008, nuk e ka marrë pagën mujore që nga nëntori i vitit të kaluar. “Kur na nxorën në reformë, në bazë të një vendimi të qeverisë, na thanë që do të trajtoheshim me rrogë bazë dhe pagë për tre vjet. Pagesa jonë zgjati nga korriku deri në tetor dhe që nga muaji nëntor askush nuk na ka paguar”, tha për “Shqip” Fadil Saliaj, një tjetër naftëtar. Ai tregon edhe vendimet e qeverisë për trajtimin e tyre.

Nga naftëtarët protestues mësohet se problemi i pagesës së tyre është kthyer në top, që hidhet sa te qeveria dhe Ministria e Energjetikës e sa te pronarët e rinj të kompanisë. “Kemi marrë takim me përfaqësues të Ministrisë së Energjetikës, me zëvendësministrin e saj, si dhe me drejtues të tjerë, të cilët na vënë në dispozicion pikërisht dy urdhrat e qeverisë së Berishës. Edhe në takimin që patëm me Kryeparlamentaren Jozefina Topalli na është thënë që pronarët e rinj duhet të na paguajnë. Kurse kërkesa e pagesës sonë pranë drejtuesve të ‘ARMO‘-s ka marrë përgjigjen se ne duhet të na paguajë qeveria dhe shteti shqiptar, e jo pronarët e rinj”, ka sqaruar Pajtim Elmazaj, një tjetër naftëtar protestues.

“U takuam me drejtorin e ri të kompanisë, Henri Babe. Ai na tha se, si pronarë të rinj të kompanisë, nuk njohin asnjë të drejtë për të paguar këtë grup naftëtarësh të dalë në reformë. Me drejtorin Babe, i cili na ka takuar personalisht, kemi kontaktuar edhe dy herë të tjera. Na ka dhënë të njëjtën përgjigje. I jemi drejtuar Ministrisë së Energjetikës, ku na është thënë që u takon pronarëve të paguajnë. Ku do të shkojë halli ynë?! Kemi një jetë në naftë dhe sot dalim sikur të mos ishim njerëz. Kam fëmijë dhe më duhet të mbaj familjen”, tha një tjetër ish-naftëtar, Dashnor Hyseni.

Ndërhyrja

Qëndrimi i protestuesve në paradhomën e prefektit të Fierit ka zgjatur vetëm 30 minuta, pasi ka ndërhyrë policia e rendit për të shpërndarë protestuesit dhe për t‘i nxjerrë ata nga institucioni i prefektit. Më shumë se 20 uniforma blu të Komisariatit të Fierit kanë marrë pjesë në largimin me forcë të naftëtarëve nga mjediset e brendshme të prefekturës. I pranishëm ishte edhe drejtori i Policisë së Qarkut, Shemsi Premçi, të cilit mësohet se i ishte kërkuar ndihmë nga prefekti Bejdaj.

Pas nxjerrjes nga prefektura, një përfaqësi e naftëtarëve ka marrë kontakt me kreun e saj. Nën debate të ashpra ka nisur përballja e naftëtarëve me prefektin e Fierit. Madje, naftëtarët i kanë treguar atij edhe periudhën e zgjedhjeve, duke kërcënuar me votë kundër. Nga ana e tij, prefekti Bejdaj ka shprehur angazhimin e tij personal për të zgjidhur këtë problem. Prefekti ka kontaktuar në ato momente, në telefon, me ministrin e Energjetikës, Genc Ruli, ndërkohë që zyrtarisht ka njoftuar edhe Kryeministrin e vendit, Berisha.

Megjithatë, një rezultat që të kënaqte ish-naftëtarët ka munguar edhe pas këtij takimi. Ndaj, ish-punonjësit e Kombinatit të Përpunimit të Thellë të Naftës kanë protestuar në sheshin përpara prefekturës, deri në orët e pasdites. Ata kërcënuan me hyrje në grevë urie dhe bllokim të rrugës kombëtare Ballsh-Tepelenë, nëse nuk u zgjidhet kërkesa për marrjen e pagave të prapambetura.

Janë 606 naftëtarë të kompanisë “ARMO”, të cilët u prekën nga reforma, në verën e vitit 2008. Ata kanë qenë të punësuar në KPTHN-në e Ballshit, UPN-në e Fierit, si dhe në të gjithë sektorët vartës të “ARMO”-s.

Gjykata e Shkalles se Pare te Rrethit Gjyqesor Fier ka denuar me 16 vjet burg te pandehurin Flamur Brakaj me mase arresti ne burg per vepren penale “Vrasje me dashje”. Gjate gjykimit te ceshtjes i pandehuri eshte mbrojtur nga avokati Ylli Asimetaj, ndersa gjyqtar kryesues ka qene gjyqtari Piro Sota. Para fillimit te shqyrtimit gjyqesor i pandehuri ka kerkuar gjykim te shkurtuar, e cila eshte pranuar edhe nga gjykata. Gjate gjykimit gjyqesor ne ngarkim te ketij te pandehuri doli e provuar se ne muajin Janar te viti 2008 rreth ores 10:00 ne Ballsh para dyqanit te tij ka ndaluar nje automjet qe drejtohej nga shetasi D.H. I pandehuri i eshte afruar pronarit te makines duke i thene ta largonte ate nga dyqani pasi i zinte fasaden kryesore. Por drejtuesi i furgonit nuk ka reaguar ndaj ketyre fjaleve.

Megjithate ai e ka larguar makinen dhe pas kesaj kasapi i eshte afruar duke i thene here tjeter mos e parko aty. Midis tyre eshte zhvilluar nje debat, te cilen e ka degjuar edhe shteasi S. Hyskaj i cili eshte afruar dhe i ka thene kasapit qe ky eshte kushuriri im dhe nuk prishte pune qe e parkoje makinen aty. Ketu ka filuar edhe nje sherr midis dy kushurinjeve dhe kasapit i cila ka vazhduar edhe me grushta ne drejtim te pandehurit Flamur Brakaj. I pandehuri pasi eshte liruar per nje moment nga kushurinjte ne kushtet e nje tronditje psiqike ka mare nga tavolina e punes nje thike dhe me te ka qelluar njehere ne pjesen e barkur shetasin S.Hyskaj i cili ka gjetur vdekjen gjate rruges per ne spital. Ne perfundim te gjykimit prokurori Genci Mane kerkoi 20 vjet burgim, ndersa mbrojtesi Asimetaj nje denim me te bute pasi ai ka treguar pendim per kryerjen e kesaj vepre duke e kryer ne trondtitje te thelle psiqike. Ndersa i pandehuri kerkoi meshire nga gjykata, kjo te kete parasysh se une kam qene ne vendin e punes dhe me kane ofenduar nga nderi i familjes dhe jam 53 vjec. Gjykata pasi shqyrtoi te gjitha provat dhe aktet dhe degjoi palet vendosi qe i pandehuri Flamur Brakaj te deklarohet fajtor duke e denuar me 16 vjet burgim me gjykim te shkurtuar.

Kompania “Albpetrol” investon ne Qendren e Prodhimit te Naftes ne Ballsh per te shmangur ndotjen e lumit Gjanica nga mbetjet e hidrokarbureve. Lajmi konfirmohet nga drejtori i njesise, Zylfto Mehmeti, i cili deklaron per gazeten se “nuk do te kete me ndotje te Gjanices dhe Fierit nga industria e naftes”. Projekti i mbrojtjes se mjedisit, si dhe i ngritjes se nje impianti per perpunimin e ujerave te puseve te naftes, ka nisur dy vjet me pare dhe eshte drejt perfundimit. “Jemi ne vazhdim te perfundimit te impiantit te rehabilitimit te mjedisit dhe menaxhimit te ujit qe del nga puset, si dhe nga perpunimi i naftes”, shpjegoi Mehmeti per kete proces. Nje grup specialistesh po monitoron efektet qe jep investimi i kryer ne kete rajon. Kryeinxhinieri i kompanise, Vullnet Sulaj, tha se investimet e “Albpetrol” kane prekur qendren e prodhimit ne Usoje dhe ne Kash.