Kryebashkiaku Baftjar Zeqo e quajti vendim politik mosmiratimin e buxhetit, si dhe vendimin për mospagimin e punonjësve të institucionit që ai drejton nga thesari me pretendimin e mosmiratimit të buxhetit 2010

FIER – Mosmarrja e pagës së muajit dhjetor të vitit 2010 ka bërë që administrata e Bashkisë së Fierit si dhe disa ndërmarrje në varësi të saj, të deklarojnë se do të hidhen në një protestë paqësore.

Sipas kryebashkiakut Baftjar Zeqo, qindra punonjës të këtij institucioni janë të dënuar për shkak të një politike të mbrapshtë të drejtuesit të këshillit bashkiak, si dhe të atyre që qëndrojnë mbas tij. “E riktheksoj, – u shpreh kreu i bashkisë, – se kjo është një papërgjegjshmëri e kryetarit të këshillit bashkiak dhe të sekretarit të saj, i cili edhe pse i zgjedhur me votat e së majtës, është bërë një kundërshtar i fortë i saj.

Sipas ligjit, buxheti i bashkisë, që po zvarritet prej tyre, duhet të ishte miratuar brenda vitit 2010. Ky buxhet, – sipas Zeqos, – është paraqitur në kohën e duhur në sekretarinë e bashkisë, por pa asnjë përgjegjësi është vonuar dhe kanë kaluar 12 ditë nga viti 2011 dhe deri më sot nuk ka asnjë njoftim për mbledhjen e ardhshme të Këshillit Bashkiak, çka do të thotë se qindra familje do të qëndrojnë pa të ardhura”.

Kryebashkiaku fierak i cilësoi shkopinj nën rrota veprimet e këshillit bashkiak, ndërkohë që tha se ligji flet qartë që buxheti duhet të ishte miratuar brenda vitit të shkuar.

“Unë kam deklaruar, – u shpreh Zeqo, – se do të jetë gjykata ajo që do të japë vendimin e duhur kundrejt atyre që nuk e zbatojnë këtë nen kaq shumë të rëndësishëm.

Në kushtet e krijuara, jo vetëm aparati i bashkisë, por edhe punëtorët e ndërmarrjes së gjelbërimit, pastrimit e të tjerë janë aktualisht pa paga. Kjo mund të arrihet vetëm kur të zhvillohet mbledhja e këshillit bashkiak.

Në rast se nuk aprovohet buxheti, padyshim edhe pagat, ne nuk do të heshtim”. Zeqo tha se punonjësit e këtij institucioni do të dalin në një protestë të arsyeshme pasi bëhet fjalë për rrogat për ekonominë e tyre familjare. Për të bërë realitet mosmarrjen e parave të institucionit të bashkisë vjen edhe një shkresë nga thesari që bën me dije se rrogat nuk do të jepen pasi nuk është aprovuar buxheti.

Kryebashkiaku vëren se ky është një skandal i madh. “Ka ardhur një shkresë e tillë, por kjo është në kuadrin e rrumpallës së qeverisjes aktuale ku kjo shkresë është pa një fije logjike ligjore apo pa asnjë lloj interpretimi”,- thotë Zeqo, i cili vijon se ajo shkresë është bërë me urdhër të Ministrisë së Financave apo të qeverisjes qendrore të Partisë Demokratike.

“Pasi është e pakuptimtë që në këtë shkresë lexohej se nuk do të ketë asnjë investim për vitin 2011 pasi ju nuk keni punuar për këtë buxhet. Ne kemi punuar me një të 12-n e buxhetit të vitit 2009 gjatë vitit 2010. Të gjitha këto janë të evidentuara dhe nuk janë shpikje.

Ne, – shprehet Zeqo, edhe për muajin dhjetor kemi punuar me buxhetin e vitit 2009, por nuk na lejohet më tani pasi është urdhri i Komitetit Qendror të Partisë Demokratike dhe nuk do të ketë më bukë për ne. Kjo padyshim ka prapavijë politike dhe është një politikë e qelbur, një politikë e mbrapshtë e cila nuk zbatohet në asnjë cep të globit.

Ky është një dëshpërim jo vetëm imi, por edhe i Vlorës, i Tiranës që përpiqen duke punuar të sjellin gjëra të rëndësishme për komunitetin e tyre. Por nga ana tjetër, u mohohet edhe paga”,- përmbylli kryebashkiaku i Fierit. Ngërçi për buxhetin e bashkisë vijon prej një viti në Fier e megjithëse çështja ka vajtur edhe në gjykatë, ende nuk ka një zgjidhje përfundimtare. Problemet në këshillin bashkiak filluan që kur LSI kaloi me të djathtët.(Shekulli)

Katër rajonet e Bashkisë së Fierit e kanë të pamundur mbledhjen e taksave vendore. Drejtues të këtyre katër rajoneve janë shprehur se procesi i mbledhjes së taksave lokale është shumë i vështirë, ndërkohë që ata kanë kërkuar vendosjen e sistemit kompjuterik për mbarëvajtjen e këtij procesi. Niveli i vjeljes së taksave vendore shkon në afro 40%. Këta tregues të ulët lidhen me vështirësinë që ndiejnë punonjësit e rajoneve në vjeljen e taksave. Maksim Zarka është drejtuesi i rajonit nr. 2 në qytetin e Fierit. Ai ka thënë se në rajonin që drejton, mbi 30% e banorëve nuk paguajnë detyrimet vendore. “Është mekanizmi i vjeljes së taksave vendore ai që ka vështirësuar së tepërmi punën e administratës së rajonit që drejtoj. Duhet vendosja sa më shpejt e sistemit elektronik që të shtohet edhe niveli i vjeljes së taksave”, ka thënë Maksim Zarka. Të njëjtin shqetësim ngrenë edhe drejtuesit e tre rajoneve të tjera, të cilët shpjegojnë se kanë bërë kërkesa pranë bashkisë dhe Ministrisë së Brendshme për hedhjen e taksave në sistem elektronik, por deri më sot nuk është realizuar. Kryetari i Bashkisë së Fierit, Baftjar Zeqaj, është shprehur për gazetën se, objektiva kryesore për vitin 2010 do të jetë aplikimi i sistemit elektronik për vjeljen e taksave.

Nga pese zyra, qe ishin ne dispozicion per aplikimin e kartave te identitetit ne qytetin e Fierit, tashme jane kater. Largimi i nje kompjuteri ka sjelle reagime te dyanshme, si nga e bashkise se qytetit ashtu dhe nga institucioni i Prefektit te Qarkut Fier. “Largimi i kompjuterit se bashku me pajisjet e tjera ndihmese, eshte bere ne oret e nates dhe jo diten”, pohuan burime zyrtare nga bashkia e Fierit. Koordinatori i politikave te jashtme prane bashkise Fier, Myzelejen Hoxha, deklaroi se ishin informuar qe nje kompjuter, se bashku me pajisjet e tjera jane larguar nga njera prej pese zyrave te aplikimit per karta te identitetit. Tashme nga pese operatore mbeten kater. Largimi i kompjuterit se bashku me pajisjet e tjera ndihmese, eshte bere gjate oreve te nates. Sipas Hoxhes, mesohet se pas interesimit te tij, punonjes te zyrave te firmes qe kane marre persiper prodhimin e pajisjen e popullates me karta identiteti, kane deklaruar se kompjuteri ka qene me defekt dhe eshte derguar per t’u rregulluar. “Nuk mund te besohet, pasi per t’u rregulluar dergohet vetem madherbordi i kompjuterit dhe jo se bashku me pajisjet e tjera. E dyta perse eshte larguar naten dhe jo diten?”, aludoi koordinatori i politikave te jashtme ne bashkine e Fierit. Sipas Hoxhes, keto jane disa dyshime qe i lene te kuptojne, se dicka po pergatitet per te mos pajisur gjithe qytetaret ne kohe me karta identiteti. “Duke pare qe ne disa komuna ka mungese aparaturash apo dyndje te banoreve per karta identiteti, firma duke biseduar me personat pergjegjes, ka menduar qe te largoje nje operator se bashku me pajisjet per t’u shkuar ne ndihme, pasi ne bashkine Fier ka rene fluksi i qytetareve qe duan te pajisen me karta identiteti”, deklaruan burime zyrtare nga Prefektura e Qarkut Fier.

Synohet të zgjidhet edhe problemi i mungesës së adresave. Ka nisur dje procesi i regjistrimit të popullsisë në çdo banesë fierake. Përmes këtij procesi synohet të zgjidhet problemi i sistemit të adresave, që mbetet shqetësim për qytetin e Fierit. Mësohet se në të gjithë qytetin janë shpërndarë 20 grupe pune, të cilët do të operojnë në terren. Ndarja e tyre është bërë sipas katër rajoneve që regjistron Bashkia e Fierit. Sipas kryebashkiakut, Baftjar Zeqaj, mësohet se krijimi i grupeve të punës është bërë jo vetëm në bazë të ndarjes administrative të qytetit, por edhe për të kryer procesin e regjistrimit, si dhe shpërndarjen e adresave të sakta për çdo qytetar. Në bazë të informacioneve të marra nga kjo bashki, mësohet se çdo grup që ka nisur punën në terren përbëhet nga dy punonjës. Një prej tyre është punonjës i bashkisë, ndërsa tjetri është kontraktuar nga ky institucion vetëm për të ndihmuar në këtë proces dhe është përzgjedhur për të punuar vetëm disa javë, deri në përfundim të procesit. Fillimisht plotësohet një formular që ka si objekt regjistrimin e çdo qytetari dhe vendosjen e adresës së saktë për çdo banesë. Një prej formularëve do t‘i dorëzohet personit të regjistruar, ndërsa një kopje do të qëndrojë në Bashkinë e Fierit me të cilin më pas do të kryhen të gjitha veprimet e regjistrimit në qendër. Një proces i tillë u krye edhe para zgjedhjeve të fundit vendore, nga ku doli se popullsia e qytetit të Fierit kalon të 82 mijë banorët. Por, problem për qytetin e Fierit mbetet mungesa e sistemit të adresave. Shumë rrugë janë ende të paemërtuara, duke u bërë problem për zyrat postare, ndërkohë projektet e mëparshme që kanë synuar vendosjen e sistemit të adresave kanë dështuar për shkak të mungesës së fondeve.

Gjithsej 2500 karta identiteti janë shpërndarë brenda javës në Bashkinë e Fierit. Gjithsesi, kjo shifër është konsideruar e ulët dhe procesi i aplikimit konsiderohet se po ecën me ritme të ngadalta. Janë me dhjetëra qytetarë që kanë aplikuar prej më shumë se një muaji, por nuk janë pajisur ende me letërnjoftimet e reja. Ndërkohë, prefekti i Fierit, Shahin Bejdaj, thotë se i ka bërë një kërkesë Ministrisë së Brendshme, ku i kërkon dërgimin e një sasie tjetër kartash identiteti. “Sasia e parë e kartave të ardhura, është drejt fundit, ndërkohë kemi kërkuar një sasi tjetër, e cila duhet të mbërrijë brenda pak ditësh”, thotë prefekti Bejdaj. Pavarësisht afatit përfundimtar të aplikimeve, për ata shtetas që nuk kanë mjet identifikimi (15 prilli) ka shumë zvarritje. Pas dy ditësh “black-out” për shkak të ndërprerjeve të internetit dhe mungesës së pullave të certifikatave, dita e premte ka sjellë sërish radhë të gjata dhe orare të zgjatura të punonjësve të zyrave të aplikimit

Zyrat e gjendjeve civile ne Fier nuk kane pulla per te leshuar certifikata per banoret. Per rreth dy muaj, ne kater rajonet e bashkise ndihet mungesa e certifikatave per te interesuarit, ndersa ne xhama mund te lexosh qarte fjaline “S’ka pulla!”. Lajmi konfirmohet nga pergjegjesja e Gjendjes Civile, Lumturi Mocka, si dhe nga prefekti Shahin Bejdaj. Pandeli Dule, banor i njeres prej lagjeve te qytetit, pohon  se ka tre dite qe kerkon certifikate per pasaporte, por nuk e merr dot per shkak te mungeses se pullave. Prefekti Bejdaj, sqaroi se Ministria e Brendshme dhe e Financave kane nisur shperndarjen e pullave.

Cfare mendoni a munnd te ecim perpara? Shteti ska as pulla per celtifikata e jo me per te tjera gjera!