Rritet numri i bizneseve fierake që deklarojnë falimentin, ndërkohë që biznesmenët e rinj po tregohen tepër “të kujdesshëm”. Haxhi Krasniqi, kreu i QKR-së Fier, është shprehur se kostoja e lartë e jetesës së qytetarëve dhe tregu, kanë qenë ndikuesit kryesorë të natyrës së përzgjedhur nga biznesmenët e rinj. “Qytetarët kanë treguar se po gjejnë rrugë alternative për të siguruar të ardhura dhe punë. Kjo duket te bizneset e çelura gjatë katërmujorit të parë të vitit 2010. Të paktën të dhënat që ka QKR-ja tregojnë se janë çelur më shumë biznese sesa janë mbyllur. Kjo deklaratë mund të bjerë ndesh me shifrat që ka dega rajonale tatimore, si dhe drejtoria e tatimeve në bashki. Por, duke u bazuar tek ata që i janë drejtuar QKR-së, shprehem se kriza ekonomike ka reflektuar më shumë në natyrën e bizneseve të reja”, ka thënë Krasniqi, duke shtuar se bizneset e reja kanë qenë kryesisht pika tregtimi produktesh ushqimore si dhe bar-kafe.

Ndërkohë kalimi i mjaft bizneseve nga të vegjël në të mëdhenj ka bërë që të shtohet së tepërmi numri i atyre subjekteve që deklarojnë falimentin e që kërkojnë mbylljen e aktivitetit.

Këshilli i Qarkut të Fierit organizoi analizën e aktivitetit ekonomik të vitit 2008 dhe miratoi projekt-buxhetin e vitit 2009. Në këtë takim u miratua dhe organika e Këshillit të Qarkut, drejtorive përkatëse dhe paga e punonjësve, si dhe një sërë projekt-vendimesh që lidhen me nxjerrjen e mallrave jashtë inventarit, me tarifat e taksave vendore, si dhe kontributin financiar të bashkive dhe komunave.

Diskutimet më të nxehta të takimit, të zhvilluar në mjediset e bashkisë, u përqendruan në analizën ekonomiko-financiare dhe në miratimin e buxhetit të këtij viti. Kryetarët e komunave kërkuan një shpërndarje sa më të drejtë të projekteve dhe që investimet të jenë në raport të drejtë me numrin e popullsisë, rëndësinë gjeo-strategjike, si dhe shkallën e nevojës që paraqesin komunat. Kreu i Këshillit të Qarkut, Luan Muçaj, u shpreh i kënaqur për shumën e transfertës së pakushtëzuar (grantit), të akorduar nga qeveria. “Për këtë vit, vlera e grantit është 81.2 milionë lekë, ose rreth 2.9 milionë lekë më shumë se vitin e kaluar”, pohoi Muçaj. Ai vlerësoi punën e Drejtorisë së Urbanistikës, e cila ka realizuar rreth 15 projekte për rikonstruksionin e rrugëve dhe disa plan-studime për shtrirjen e rrjetit të biznesit. Muçaj pati kritika për mosrealizimin e të ardhurave vendore gjatë vitit 2008, në masën 77,7 për qind, dhe vërejti se kjo ka sjellë probleme në mungesën e investimeve për mirëmbajtjen e rrugëve rurale. Por këshilltarë të Këshillit të Qarkut thanë se ky institucion ka marrë fondet më të ulëta në vend. Ervin Koçi, njëri prej tyre, tha për “Shqip” se “Këshilli i Qarkut të Fierit gëzon fonde shumë të ulëta, ndërkohë që për pagesat dhe të ardhurat që i siguron qeverisë, është i dyti në vend pas Tiranës. Është qeveria ajo që duhet të shtojë fondet për Këshillin e Qarkut të Fierit”.

Konsulli i ri italian ne Vlore, ka bere dje prezantimin e tij dhe ne qytetin e Fierit. Gjate takimeve te bera ne Fier, ai ka premtuar se do te mundohet qe te krijoje lehtesira per te gjithe bizneset dhe perfaqesuesit e tyre. Sipas Sergio Stazzit, ne kete rreth ka nje numer te madh biznesesh italo-shqiptare dhe ky bashkepunim i mire duhet te vazhdoje dhe me shume, me qellim per t’u bere me te njohura ne te dy vendet, vecanerisht ne Itali.

Lehtesimi

Gjate takimeve te bera me autoritet lokale, konsulli italian ka deklaruar se, eshte duke u punuar per te lehtesuar punen dhe shkurtimin e kohes se pritjes dhe procedurat, kjo dhe ne kuader te marreveshjeve. “Atehere per sa i perket sherbimeve konsullore po punohet per permiresimin e ketyre sherbimeve konsullore, per shkurtimin e kohes se pritjes dhe duke shpresuar per me te miren. Domethene se ne jemi drejt permiresimit dhe kjo eshte pare edhe ne ate cka ka thene edhe ministri Fratini, ne viziten e tij ne liberalizimin e vizave ku do aspirohet . “Atehere falenderoj pikesepari autoritet lokale te Fierit, dhomen e tregtise dhe industrise Fier, komunitetin e Fierit dhe gjithsesi mendoj se kjo do te jete vizita ime e pare dhe ne vazhdim te vizitave te tjera me tej”, ka thene Stazzi. Sipas tij, “per sa i perket sektorit te dyte te rendesishem eshte sektori kulturor per te cilin kam vene re qe dy kulturat, ajo italiane dhe shqiptare jane shume te aferta me njera-tjetren dhe qe duhet vleresuar. Kultura italiane njihet shume ketu dhe mendoj se duhet bere dicka me teper per te pasqyruar kete kulture, aq me shume ne rajonin e jugut te vendit”.

Vizita

“Para se gjithash ju falenderoi per rajonin e Fierit, gjithe autoritetet lokale per kete viziten time. Une jam konsulli i ri i Konsullates Italiane ne Vlore. Kam ardhur para dy muajsh dhe e kisha te domosdoshme viziten time ne Fier, pasi eshte nje qytet i rendesishem per sa i perket marredhenieve dypaleshe Shqiperi-Itali. Me prefektin, kryetarin e qarkut dhe kryetarin e bashkise pas ketij takimi qe patem, menjehere rame dakord dhe gjetem nje bashkepunim te menjehershem per sa i perket zhvillimit te rajonit dhe projekteve te ardhshme. Ne vecanti per sa i perket qytetit te Fierit raportet ekonomike jane edhe prioritet i konsullates se pergjithshme te Italise, qe une drejtoj.