FIER- Kishte ardhur nga Italia për të pushuar në Shqipëri por humbet pa gjurmë një adoleshente nga Fieri. Sipas familjarëve, Franceska Merkaj është larguar nga shtëpia që ditën e djeshme rreth orës 17:00 dhe nuk është kthyer ende, pas një konflikti me kushërinjtë e saj më të vegjël.
Prindërit kanë kryer denoncimin në komisariat ndërsa efektivët e policisë kanë nisur tashmë kërkimet.

15 vjecarja dhe familja e saj jetojnë në Breshia të Italisë por ishin kthyer në Shqipëri për pushimet verore.
Sipas nënës së vajzës, këto ditë në shtëpi ishte ndezur një konflikt me mes Franceskës dhe 2 kushërinjve të saj 10 dhe 13 vjec të cilët e kanë keqtrajtuar atë.

Prej ditës së djeshme , shtëpia e familjes Merkaj është përfshirë nga paniku, ndërsa po punohet për gjetjen e adoleshentes.

Tri ditë para protestës së 30 prillit, kryetari i partisë më të madhe opozitare, Edi Rama, ka zgjedhur Fierin për të zhvilluar protestën e radhës. Ai e ka përqendruar fjalën e vet te kriza ekonomike dhe që zanafillën e saj e ka te votat e vjedhura të qershorit të kaluar. “Në Elbasan kam takuar një biznesmen, i cili më 28 qershor kishte votuar për PD-në… Konkretisht, ish i djathti më tha: Mirë juve u vodhi votën, por me tokën, të ardhurat, pagën, biznesin, pronën tonë ç’pati Berisha?”, u shpreh Rama para qytetarëve të Fierit. Sipas tij, kjo situatë e krijuar është një arsye pse “shumë të djathtë do të jenë bashkë me ne në protestën maratonë të 30 prillit”. Në vijim të fjalës së tij, Rama është ndalur te faturat e ujit dhe energjisë që i shpërndahen komunitetit, që sipas tij janë të mbifryra me qëllim fshehjen e vjedhjes që bën qeveria dhe segmentet e saj. Ndërkohë kreu i Asamblesë së PS-së, njëkohësisht kryetari i grupit të deputetëve, Gramoz Ruçi, e ka cilësuar Sali Berishën si “burri i Rruzhdies”. “Unë ju them se dhe durimi ynë ka një fund. Të mos luajë asnjë hajdut dhe as zëvendësi i tij më kryehajdut me durimin e qindra-mijëra njerëzve. Berisha tashmë është ‘burri i Ruzhdies’ së famshme, që shfaq fare hapur pushtetin hajdut të tij”, ka thënë Gramoz Ruçi. Gjithashtu, në protestën e Fierit ka folur edhe Spartak Ngjela, i cili ka bërë një perifrazim simbolik të protestës së 30 prillit. “Në 30 prill do përplaset fakti historik me vetë historinë. Dhe kur ndodh kjo, nuk ka asnjë Kryeministër tiran që t’i rezistojë. Sot ne po vuajmë tiraninë e një pushteti që na ka grabitur. Mbi të gjitha kjo tirani ka vjedhur votat dhe i mban ato të fshehura në tunele. Qeverinë e Berishës nuk e pranon Europa dhe Perëndimi”, ka thënë Ngjela. Pjesëmarrës në protestën e së martës në Fier kanë qenë të gjithë deputetët e PS-së në shkallë qarku. Kanë folur duke denoncuar situatën ekonomike dhe sociale në Fier, Lushnjë e Mallakastër deputetët Albert Çaçi, Fatos Tushe, Arben Çuko, Armando Subashi etj. Po dje, letra e kongresmenit amerikan, Delahunt, për Kryeministrin Sali Berisha, është lexuar nga Partia Socialiste nën dritën e një mesazhi kritik për qeverinë aktuale. Sekretarja për Marrëdhëniet Ndërkombëtare në selinë rozë, Arta Dade, deklaroi dje se përmbajtja e letrës dhe adresimi i saj te kreu i qeverisë dëshmon për koherencën e qëndrimeve të opozitës dhe për atë që është faktori kyç i zgjidhjes së krizës së tanishme politike në vend. Si pikë qendrore në interpretimin socialist është marrë theksi i vënë nga kongresmeni amerikan, njëkohësisht kryetar i Nënkomisionit për Europën në Komisionin e Politikës së Jashtme të Dhomës së Përfaqësuesve në Kongresin e Shteteve të Bashkuara të Amerikës, në realizimin e transparencës së zgjedhjeve të 28 qershorit.

FIER- Vazhdon mungesa e ujit të pijshëm në qytetin e Fierit. Kanë kaluar më tepër se 24 orë dhe në qytet s’ka nisur furnizimi me ujë të pijshëm. Kjo pasi ende nuk kanë përfunduar punimet për riparimin e defektit në sistemin e furnizimit, punime që kanë vijuar edhe gjatë natës.

Ndërprerja e ujit nisi mbrëmjen e së mërkurës, si pasojë e carjes së tubit kryesor të furnizimit të qytetit.

Punimet nga bordi kullues dëmtuan jastëkët mbrojtjës, duke shkaktuar kështu dhe carjen e tubit.

Për pasojë qyteti mbeti pa ujë, ndërkohë që është regjistruar një humbje prej 6 mijë metër kub uji i pijshëm nga presioni i rrjedhjes. Pavarësisht punimeve intensive nuk është dhënë asnjë afat për riparimin e defektit.

Rradhë të gjata emigrantësh për tu pajisur me letërnjoftime elektronike në qytetet e Fierit dhe të Elbasanit. Emigrantë e cilësojne absurde dhe shprehen se po rrezikojnë kthimin në kohë pranë vendeve të punës. Version multimedial i ketij lajmi

FIER- ELBASAN- Rradhë të gjata emigrantësh për tu pajisur me letërnjoftime elektronike në qytetet e Fierit dhe të Elbasanit. Qindra qytetarë, shumica prej të cileve emigrantë, kanë krijuar rradhë te gjata para postes shqiptare ku blihen kuponat për t’ju drejtuar më pas qendrave të aplikimit për kartën e identitetit. E njëjta situatë paraqitet edhe në qendrat e aplikimit.

Situata kaotike në Fier është shkaktuar, pasi prej disa ditësh kuponat munguan në filialin e postës cka solli pezullimin e gjithë procesit; po kështu në qendrat e aplimit numri i punonjësve pranë sporteve është i pakët për shkak të pushimeve verore.

Qytetarët akuzojnë se pezullimi i kuponave bëhet për qëllim shitjen e tyre në tregun e zi. Në Fier është vetëm një pikë aplikimi dhe dy punonjëse të cilat nuk mund të përballojnë fluksin e aplikuesve.

Në qarkun e Elbasanit gjatë ditëve të fundit mbizotëron kaosi dhe problemet. Rradhët e aplikuesve janë shtuar, ndërkohë që ecuria e procesit është mjaft e ngadaltë. Në qendrat e aplikimit mungon interneti si deh kapaciteti i punonjëve është i pamjaftueshëm për të përballuar fluksin.

Qytetarët emigrantë e cilësojne absurde një situatë të tillë pasi sic shprehen ato po rrezikojnë kthimin në kohë pranë vendeve të punës në shtetet ku ata jetojnë.

Komisioni Qendror i Zgjedhjeve, ne shqyrtimin e ankimimeve te PD dhe PS per qarkun e Fierit, ka vendosur deri tani rinumerimin e 5 qendrave te votimit.

Fillimisht komisioneret kane miratuar me 6 vota pro dhe 1 kunder rinumerimin fillestar te QV-ve numer 3006, 3017 dhe 3027 te KZAZ-se numer 18.

Ndersa pas nje pushimi, perfaqesuesit e partive votuan unanimisht rinumerimin edhe te qendrave numer 3116 dhe 3122 te KZAZ-se numer 19, po e qytetit te Fierit.

Diskutimet mbi kete ceshtje kane vijuar me tej dhe perfaqesuesit e PS kane denoncuar kercenimet qe sipas tyre u jane bere komisionereve socialiste ne qendrat e votimit nga njerez te armatosur te Partise Demokratike.

TIRANË- Komisioni Qendror i Zgjedhjeve ka vendosur sot të mos lexojë votat e KZAZ nr.20 të qarkut të Fierit, të shmëdebatuarat kuti ku PS pretendon mandatin e 9 të deputetit. Kryetari Ristani ka dekalruar se situata po tensionohet për të bërë pis zgjedhjet, pasi me ligj këto kuti nuk mund të hapen në këtë moment. Por vendimi i KQZ-se dhe tabelat që ka sjellë KZAZ mund të ankimohen më vonë.

Nënkryetarja Subashi që ka mbrojtur gjithnjë tezën e hapjes së 9 kutive, ka deklaruar se “kutitë duhet të hapen pasi ato ishin të rregullta në momentin që janë marrë në dorëzim dhe anëtarët e KZAZ nr.20 në mënyrë abuzive nuk kanë shënuar rezultatin në tabelat përmbledhëse të rezultateve. Ajo shkon më tej duke akuzuar Ristanin se ka qenë ai që ka udhëzuar komisionerët që të mbyllin sa më shpejt këtë çështje dhe të plotësojnë tabelat, ndërsa situata në Fier po tensionohej (nata e 1 korrikut). Në përfundim të mbledhjes, KQZ me 4 vota pro dhe 3 kunder miratoi tabelat e rezultateve të 7 KZAZ-ve të Fierit, duke mbyllur procesin në këtë qark.

Gjatë debateve në mbledhje, nënkryetarja Subashi argumentoi se: “Në qarkun e Fierit ka tre kategori çështjesh: Tre qendra votimi ku nuk është votuar fare por nuk e diskutojmë sot. Kategoria e mospërfshirjes në rezultat të qendrave të votimit të cilat kanë një rezultat. Janë marrë në dorëzim kutitë e rregullta dhe KZAZ në mënyrë abuzive s’ka nxjerrë rezultatet. Dhe kemi dy qendra votimi të KZAZ nr. 20 që i janë numëruar votat është hartuar dhe akti përkatës dhe përsëri nuk është përfshirë në tabelat e rezultateve. Në bazë të ligjit KZAZ-ja nuk fut në rezultat vetëm kutitë e parregulllta dhe jo kutitë që vetë kjo KZAZ i merr në dorëzim si të rregullta. Në bazë të ligjit subjektet zgjedhore kanë paraqitur ankesa sepse në Fier KZAZ-të dhe grupet e numërimit në kundërshtim me ligjin nuk i kanë përfshirë 2 qendrat e votimit në tabelat e rezulateve përmbledhëse dhe për këtë keni përgjegjësi edhe ju z.kryetar pasi ju keni thënë komisionerëve mbylleni këtë çështje sa më shpejt sepse nëse ka pakënaqësi e zgjidhim ne në KQZ”.

Të tej ajo vijon se “problematika e Fushë-Kuqes është e njëjtë me rastin e Fierit. KZAZ nuk ka patur procesverbal në këto kushte e kemi miratuar këtu numërimin e 6 kutive”.

Këtë diskutim e vijon kryetari i KQZ-së, Arben Ristani: “Në rastin e Lezhës KZAZ s’kishte bërë tabelë përmbledhesë s’kishte miratuar 6 kuti, sepse njerëz të pautorizuar krijonin tension në qendrën e numërimit, ne ndërhynë duke i marrë këtu kutitë dhe kemi vendosur bashkarisht për hapjen e tyre. Fieri nuk është i njëjtë, komisioni zonal atje ka marrë një vendim, atë për mospërfshirjen e këtyre kutive në tabelat përmbledhëse të rezultateve. Ne iu kemi thënë plotësoni tabelën përmbledhëse dukeqenëse ka një vendimmarrje atje. Ndaj këtyre tabelave mund të ankimohet si edhe për vendimet tona. Kështu thotë ligji, ata që kanë ankesë ta paraqesin atë, sepse aktualisht ka një rezultat nga KZAZ-ja. Tani nuk jemi në momentin e hapjes së kutive sepse nuk na e lejon ligji. Mbyllet çështja për KZAZ-në nr 20 të Fierit”.

Me tej ai shton “dhe me këto veprime tentohet për të goditur KQZ-në. Janë të padrejta, janë deklarata për të bërë pis KQZ-në, për të treguar se Shqipëria nuk është e mundur të bëjë zgjedhje të ndershme”.

Ristani vazhdon mbledhjen duke iu drejtuar administratës se “sa nga KZAZ-të e Fierit kanë sjellë rezultatet”. Sipas juristes, 6 nga 7 KZAZ-te e Fierit i kanë sjellë rezultatet dhe vetëm ajo me nr 23 kishte një ankesë nga kryetari i kësaj KZAZ-je. KQZ hodhi në votim marrjen e vendimit për KZAZ nr. 23 dhe me shumicë votash ajo kaloi. Natyrisht vetëm me votat e 4 anëtarëve të djathtë në këtë komsion. Vendimi kishte të bënte me korrigjimin e tabelave të kësaj KZAZ-je.

*******

Miratohen tabelat përfundimtare të të gjitha KZAZ-ve të Shkodrës

ora 13:00

Pak minuta me parë u miratua pa votat e përfaqësuesve socialist në KQZ, tabela përfundimtare e rezultateve të Qarkut Shkodër. Sipas relacionit shoqërues të vendimit, tabelat përfundimtare mbështeten në tabelat përmbledhëse të rezultateve të sjella nga çdo KZAZ. Pas disa saktësimeve nga administrata e KQZ-së për dy KZAZ të këtij Qarku, përfaqësuesit e opozitës në Komision votuan kundër vendimit. Sipas tyre, rezultatet e dy qendrave të votimit, nuk ishin përfshirë në tabelat përmbledhëse të miratuara nga komisionerët e KZAZ-së përkatëse. “Të gjitha QV-të që janë marrë në dorëzim si të rregullta duhet të ishin të përfshira në rezultat. Përderisa kjo nuk është përmbushur nga KZAZ duhet ta bëjë KQZ-ja, pasi kjo përbën një problem thelbësor për rezultatin zgjedhor. Mungesa e dy QV-ve të marra në dorëzim dhe të mospërfshira në tabelë më duket e pavend”, u shpreh nënkryetarja Subashi, përfaqësuese e PS-së në komision. Kjo u hodh në votim dhe u rrëzua, sepse 4 anëtarë të KQZ votuan për miratimin e rezultateve të Shkodrës dhe 3 për mosmiratimin e tyre.

KQZ rrëzon kërkesën e LZHK-se

sot, ora: 12:00

Komisioni Qendror i Zgjedhjeve rrëzoi mesditën e sotme kërkesat e Lëvizjes për Zhvillim Kombëtar për rinumërim dhe rivlerësim të votave në disa KZAZ të Qarkut të Tiranës. LZHK, e cila në votimet e 28 qershorit kryesonte koalicionin e djathtë “Poli i Lirisë”, përmes ankesës së saj pranë komisionit zgjedhor kontestoi tabelën përmbledhëse të rezultateve në KZAZ-të nr. 45, 47, 49 dhe nr. 51 të Qarkut Tiranë, duke kërkuar rinumërim dhe rivlerësim të votave.

Anëtarët e KQZ-së refuzuan t’i pranojnë këto ankimime të paraqitura nga LZHK, pasi, sipas tyre, ato nuk respektojnë kriteret e përcaktuara në nenet 124, 126 dhe 130 të Kodit Zgjedhor.

Sipas rezultateve paraprake të publikuara nga KQZ mbrëmjen e 3 korrikut, koalicioni “Poli i lirisë”, grupim i gjashtë partive, mori në zgjedhjet e 28 qershorit 27.493 vota ose 1.82%.

****

KQZ shtyn sërish Fierin, debate mes Ristanit dhe Subashit

data 6 korrik

Komisioni Qendror i Zgjedhjeve ka shtyrë sërish numërimin e 9 kutive të Qarkut të Fierit me pretendimin se partitë nuk kanë bërë kërkesë për hapjen e tyre. Zv.kryetarja, Dëshira Subashi, kërkoi që në fillim të mbledhjes që të procedohet si me Fushë-Kuqen, pra të hapen kutitë. Ndërsa kryetari i KQZ, Arben Ristani tha se nuk ka një kërkesë nga subjektet partiake ndaj duhet të vijohet me analizimin e tabelave pasi KZAZ i ka plotësuar ato.

Më pas KQZ vijoi mbledhjen me miratimin e tabelës përmbledhëse të Qarkut Durrës dhe më tej kërkoi shqyrtimin e Beratit. Për këtë të fundit administrata nuk e kishte gati dosjen. Në vijim të mbledhjes së KQZ-së, Ristani tha se “meqëse këta e kanë kaq problem Fierin dhe të shqyrtojmë materialet që kanë ardhur nga ky qark”. Por as për këtë, administrata nuk ishte gati. Subashi replikoi duke thënë se “në bazë të ligjit kur kutitë e një KZAZ-je vijnë këtu me vendim KQZ duhet të merren në shqyrtim brenda 48 orëve dhe në fakt 48 orë kanë kaluar për kutitë e Fierit”.

Në këto kushte KQZ vendosi që të mbidhet nesër në mëngjes sërish për kutitë e shumëdebatuara të Fierit.

*****

KQZ vendos të hënën për 9 kutitë e Fierit. Reagon PS-ja

Data 5 korrik

TIRANË- Komisioni Qendror i Zgjedhjeve ka shtyrë për nesër vendimin për fatin e 9 kutive të qarkut të Fierit. Kuti, në të cilat Partia Socialiste pret të marrë mandatin e nëntë. Sipas nënkryetares së këtij Komisioni, Deshira Subashi, dita e nesërme korrespondon me afatin për marrjen në shqyrtim të kutive nga institucioni qendror zgjedhor. Kutitë që ende nuk janë numëruar i përkasin KZAZ nr. 18, 19,20, 22, për të cilat Subashi deklaron se ka shkelje. Sipas saj, në shumë kuti të katër KZAZ-ve komisionerët nuk kanë kryer fare procesin e numërimit, megjithëse këto kuti kanë dokumentacionin (tabelat) që janë numëruar. Në këto kushte subjekti politik i interesuar duhet të ankimojë pranë KQZ vendimin e kundraligjshëm të KZAZ. Më pas KQZ voton për të pranuar ose jo ankimimin dhe vetëm në rastin e një miratimi të ankimit , KQZ ka të drejtën ligjore të numërojë kutitë përkatëse.
Pas kësaj, ka reaguar menjëherë kandidatja e PS-së, Ermelinda Meksi, e cila ka kërkuar nga Sali Berisha të ndalojë tentativat për t’i marrë PS-së mandatin e nëntë në këtë qark. Gjatë një reagimi nga selia e PS-së ajo u shpreh se ka vënë në dijeni faktorin ndërkombëtar për të monitoruar procesin.
“I kërkojmë Sali Berishës të ndalë çdo tentativë të dështuar për rrëmbimin e mandatit të nëntë të PS-së në qarkun e Fierit. I kërkojmë KQZ-së që në respekt të ligjit të mos zvarrisë numërimin e kutive të panumëruara të Fierit, që ndodhen prej ditësh në sallën e mbledhjeve të KQZ-së”- tha ajo.
Sipas Meksit, KQZ-ja duhet të vlerësojë urgjentisht ankimin e forcave politike, për manipulim dhe shkelje të Kodit Zgjedhor, në Tirane, Berat etj.

Mbetet i bllokuar procesi i numerimit per qarkun e Fierit, kur kane mbetur edhe 7 kuti per te cilat ende nuk eshte marre ndonje vendim, nese do te sillen ne Tirane apo te numerohen ne KZAZ-te perkatese.

Mesohet se jane dy kuti ne Patos, kater ne Fier dhe nje ne Krutje te Lushnjes, te cilat po mbajne peng procesin maratone te numerimit qe tashme ka hyre ne diten e katert.

Nderkohe nga ana e KQZ-se nuk ka asnje regim rreth kesaj ceshtjeje.

Një ndeshje ku Apolonia do të tregojë edhe një herë mundësitë e saj reale do të jetë edhe ajo ndaj Dinamos. Kundër bluve, të cilët kërkojnë me insistim fitoren e munguar prej disa javësh, fierakët do të përpiqen ta largojnë sa më shumë të jetë e mundur humbjen, duke kaluar në rekorde të reja pikësh për këtë sezon superlige. Eshtë kapiteni i fierakëve, Klodian Asllani, ai që bën një “rezyme” të përgjithshme të gjendjes së skuadrës së tij dhe bën parashikimin e radhës për ndeshjen kundër një prej ish-skuadrave të tij. “Kemi arritur që me përpjekje maksimale të ngjitemi në tabelë, pasi kemi bërë më të mirën e mundshme në disa ndeshje radhazi. Pikët e plota në katër ndeshjet e fundit janë një tregues i qartë i rritjes së skuadrës në të gjitha aspektet. Të gjitha këto kanë rrjedhur, së pari, nga vlerësimi me seriozitet i kundërshtarit dhe puna rigoroze që kemi bërë. Apolonia e sheh si të huaj egon apo përfshirjen nga euforia, që do të ishte shfaqja më e dëmshme për ne në këto momente. Janë të gjitha ç’thashë më lart disa nga faktorët bazë të sukseseve tona, për të cilat ne do të përpiqemi të mos i lëmë në këto stade, por t’i vijojmë më tutje,” – shprehet Asllani. Së fundi, kapiteni i fierakëve ndalet konkretisht edhe në ndeshjen kundër dinamovitëve, në të cilën Apolonia është e destinuar të mos humbasë. “Nuk ka sens që të ndalemi tani në këtë moment. Ne duhet të shohim vetëm përpara, pavarësisht se cili është kundërshatri ynë dhe ku luhjet ndeshja. Askush nuk mund ta quante të lehtë ndeshjen me Dinamon, sidomos kur ajo luhet në Tiranë, por duhet ta luash me sukses “pjesën” tënde. Ky është kusht i këtij sporti dhe nuk i shmangesh dot, kurrsesi. Në këtë vështirësi të re që do të kemi përpara, ne jemi përgatitur që të bëjmë tonë. Do të tregojmë kujdes të veçantë që të mos krijojmë hapësira për sulmuesit e rrezikshëm dinamovitë dhe e gjitha loja jonë do të synojë që të mos dalim së paku pa një pikë nga kjo fushë,” shprehet në deklarimin e tij kapiteni i Apolonisë, Klodian Asllani.

Shirat e dy diteve te fundit ne qarkun Fier kane sjell probleme te dukshme. Vetem naten mbremshme ne aksin rrugor Fier-Ballsh ka patur probleme me qarkullimin e automjeteve. Per me shume se tre ore nuk ka patur asnje levizje duke detyruar policine rrugore qe te jap urdher per celjen e rruges se Visokes. “Na kane dhene urdher te kalojme nga pjesa e siperme e rruges, pergjate fshatit Visoke por ajo rruge eshte me keq se kjo. Jemi po aq te rrezikuar pergjate kalimit te atij aksi sa edhe ketu.” Keshtu deklaroi gjate pritjes nje drejtues mjeti. Drejtori i Drejtorise Rajonale te Rrugeve ne Fier tha se pas ketij bllokimi ne aksin Fier-Ballsh dhe pavaresisht nga rreshjet e shiut diten e sotme situata ka qene me e qete duke mos sjell shqetesim ne gjendjen e rrugeve dhe qarkullimin e automjeteve. Duke ju referuar gjendjes se mbremshem situata eshte normale dhe qarkullimi i automjeteve, vazhdon pa shqetesime. Rreshjet e shiut, qe kane perfshire rrethin e Fierit prej fundjaves vazhdojne ende me te njejtin intensitet. Por pavaresisht kesaj ato nuk kane shkaktuar pasoja ne akset rrugore kombetare. Keqesimi i motit eshte shoqeruar edhe me ulje te ndjeshme te temperaturave. Nderkaq deme nga shirat jane shkatuar ne disa zona rurale te qarkut Fier. Keshtu ka patur probleme me qarkullimin ne disa akse rurale, ne banesa dhe ne toka bujqesore. Me teper probleme ka patur ne fshatrat Suk-Strum, qyteti i Rosokvecit, Portez, Seman dhe Topoje. Sipas te dhenave nga drejtuesit e ketyre njesive vendore demet kane qene te konsiderueshme sidomos ne toka bujqesore duke permbytur nje siperfaqe te madhe te mbjelle me kulturen e stines, grurin. “Kemi patur probleme ne toka dhe shpresojme qe kjo situate te mos vazhdoje te mbetet e tille pasi nuk mund te vazhdojme te ngushellojme banoret pa patur ansje mundesi tu vijme ne ndihme. Jane ne te vertete konfliktet qe banoret kane me njeri tjetrin ato qe nuk i kane lejuar te krijojne vija kulluese ne ngastrat e tokave te tyer. Nuk dime cfare masash te marrim, por ne rast se shirat shtojne prurjet. Ne po bashkepunojme me grupin e emergjencave te komunes dhe te prefektures qe te bejme te mundur sistemimin e banoreve. Por deri tani nuk ka patur permbytje aq sa te themi qe gjendja eshte alarmante.” Keshtu kane deklaruar burime brenda komune Topojoe. Nderkaq nga ana e policise rrugore, shtabit te emergjencave, drejtoria e rrugeve dhe nga njesite vendore jane ngritur grupe te posacme per te patur vigjilence te plote nga situata duke kqyrur sidoms akset rrugore. Shirat e dy diteve te fundit kane prekur edhe fshatin Karbunar ne rrethin e Lushnjes. Banoret tregojne se jane ngritur te tmerruar kur kane pare qe uji ka vershuar prane banesave te tyre. Sipas vete banoreve jane kolektoret e bllokuar dhe te pa pastruar prej vitesh ato qe kane ndihmuar ne permbytjen e zones. “Kemi disa kohe qe kemi kerkuar ndihme prane komunes dhe askush nuk e cau koken. Sot gjendemi para nje kaosi te vertete. Na jane prekurt banesat, na jane prishur te mbjellat dhe na jane permbytur serat totalisht. Nuk kemi me se ti cojme keto qe humbasim. Nuk kemi buke te hame jo ta fillojme jeten nga e para. Disa here jemi rrezikuar. Sapo bien pikat e para te shiut ne na ze frika se mos na vije rrekeja e fshatit. Ujrat e zeza jane ne siperfaqe, kolektoret jane te bllokuar tokat nuk kane kanale kulluese, nuk dime se si te regullohemi jemi ne hall te madh.” ka thene Hamiti, nje banor i fshatit Karbunar. Nderkaq banoret e prekur kerkojne nje demshperblim nga pushteti vendor. Jane rreth 50 famijle te prekura dhe mendohet se demi ekonomik i kap 150 milion leke, por gjithsesi ende nuk ka dale versioni zyratr pasi grupet e shtabit te emergjences po bejne ende vleresimin e demit.