Fier- Një tjetër grabitje argjendarie është shënuar ne qytetin e Fierit. Kjo grabitje vjen vetëm pak orë pas grabitjes spektakolare që ndodhi në qendër të qytetit të Fierit. Dëmi i shkaktuar në grabitjen e radhës ka qenë rreth 2 milionë lekë. Duket se vazhda e grabitjeve ka nisur nga lagjja “Apolonia” dhe ka përfunduar në lagjen “Konferenca e Pezës”, lagje këto qendrore të qytetit të Fierit. Dy argjendaritë e grabitura ndodhen përgjatë bulevardit kryesor të qytetit. Pre e grabitjes së të enjtes është bërë argjendaria, pronë e shtetasit Ilia Koçi. Sipas burimeve zyrtare policore mësohet se në kohën kur ka ndodhur ngjarja, në dyqan ka qenë shitësi dhe pronari i argjendarisë. Sipas dëshmisë së tyre dhënë grupit hetimor, mësohet se në dyqan ka hyrë një shtetas, i cili është ende i paidentifikuar nga uniformat blu. Ai ka kërkuar të blejë një varëse floriri. Në momentin që shitësi dhe pronari i këtij dyqani kanë nisur të preokupohen për të zgjedhur varësen e duhur mes një grupi të madh varësesh, klienti misterioz ua ka zhvatur ato nga duart dhe është larguar me vrap mes pallateve. Në vijim të veprimeve hetimore dhe nga deklarimi i të dëmtuarit rezulton se dëmi llogaritet të jetë rreth 2 milionë lekë. Edhe për këtë grabitje policia lokale nuk ka autor.

FIER-Një lokal lojrash fati është grabitur nga persona të maskuar dhe me armë në orët e para të mëngjesit në qytetin e Fierit. Ngjarja ka ndodhur në orën 04:00 të paradites së sotme në lagjen “29 Nëntori” në Fier ku dy persona me maska në fytyrë dhe me armë në duar kanë hyrë me forcë në lokalin e lojrave të fatit dhe kanë kërcënuar punonjësin e lokalit tu japë paratë. Mësohet madje se maskat kanë goditur me grushta punonjësin dhe e kanë detytuar tu japë paratë që ndodheshin në kazino. Pas grabitjes, dy personat e maskuar duke përfituar dhe nga errësira janë larguar me shpejtësi nga vendi i ngjarjes. Policia e cila dnodhet neë vendgjarje po heton dhe po merr në pyetje punonjësin për ngjarjen e ndodhur. Nuk dihet ende sasia e parave të grabitura.

Grabitja e lokaleve të lojrave të fatit, njohur ndryshe e emrin kazino, është kthyer kohët e fundit në një fenomen të rëndomtë. Para pak ditësh një e tillë u grabit në Tiranë, pranë rrugës “Myslim Shyri” dhe një në Korcë. Grabitjet kanë ndodhur në orët e para të mëngjesit.

Është grabitur në kërcënimin e armës filiali i Raiffessen Bank në qendër të qytetit të Fierit. Ngjarja ka ndodhur rreth orës 11:00 kur një person i maskuar ka hyrë në ambientet e bankës dhe i është drejtuar arkës.

Ai ka gjuajtur momentin kur nuk kishte asnjë klient në bankë. I ka kërkuar paratë, punonjëset së bankës, por ajo fillimisht ka refuzuar. Grabitësi ka kërcënuar duke qëlluar me pistoletë në ajër.

Në këto kushte punonjësja e arkës ka mbushur një qese me para dhe ia ka dhënë grabitësit i cili është larguar me shpejtësi. Dëshmitarët thonë se ai ka ikur qetësisht rrugës së tregut industrial.

Forca të shumta policie kanë mbërritur në vendngjarje dhe po mbledhin provat. Ndërkohë ka shkuar edhe drejtori i policisë së qarkut i lajmëruar për grabitjen në mes të ditës në mes të qytetit.

Ende nuk ka asnjë të dhënë mbi personin që kreu krimin, ndërsa mësohet se patrulla policie janë vënë në çdo kryqëzim. Personat që e kanë parë, thanë se ishte një djalë i ri rreth të 20-ta me maskë ngjyrë ushtarake në fytyrë dhe me veshje normale.