Zbret me pranga ne duar ne aeroportin e Rinasit, Gramoz Yzeiri, i kerkuari nderkombetar, i njohur ne Fier si nje nga killeret e ketij qyteti, i akuzuar per nje sere veprash penale te kryera pas vitit 1997. Ekstradimi i tij nga Teksasi i SHBA-se ne Tirane, u be i mundur pas nje bashkepunimi te Interpol Tiranes dhe Uashingtonin. Per t’iu fshehur drejtesise shqiptare, ai kishte mundur te siguronte nje pasaporte me identitet te rreme, me emrin Adriatik Papa dhe ka tentuar te qendroje ne kete shtet, aty ku mesohet se kishte edhe te vellane. Pas arrestimit ne aeroportin e Teksasit, 4 muaj me vone Yzeiri u ekstradua ne Shqiperi. Ai ka zbritur ne token shqiptare ne oren 23.40, te dites se merkure, i rrethuar nga forcat e policise. Gramoz Yzeiri, 38 vjec nga lagjia Sheq i Madh i Fierit, njihet si person me precedente te shumte penale. Ai rezulton te jete i skeduar ne listat e personave te shpallur ne kerkim qe nga viti 2003, i kerkuar per vrasjen e Xheladin Qelise, ngjarje e ndodhur 11 vjet me pare, ne qender te qytetit te Fierit. Drejtesia shqiptare ka ngritur ndaj ketij personi nje mal me akuza, vrasje me paramendim e kryer ne bashkepunim, organizim dhe drejtim te organizatave kriminale, armembajtje pa leje dhe municioneve ne sasira te medha, falsifikim dokumentesh. Gramoz Yzeiri, kishte mundur t’i fshihej per disa kohe perballjes me drejtesine, duke levizur me identitet te rreme.

Ai u arrestua, ne prill te ketij viti, ne Teksas te SHBA-se teksa po hynte ilegalisht me nje pasaporte te falsifikuar.

Krimet e Yzeirit

Pas vitit ’97, Gramoz Haziz Yzeiri, ishte nje nga personat me me reputacion ne qytetin e Fierit. Ai njihej si krahu i djathte i Renato Saliut, i personifikuar me nofken Renato Cami, edhe ky nje nga eksponentet e krimit ne kete qytet. Ngjarja makabre qe shokoi banoret e Firit, ka ndodhur ne 13 qershor te vitit 1998, ne lagjen “Kastrioti” te ketij qyteti. Sipas policise, killeri fierak, Gramoz Yzeiri, se bashku me krahun e tij Renato Sali, kane ndaluar shtetasin Xheladin Qelia, i cili ka qene duke udhetuar me nje motorr se bashku me nje person tjeter, Sh.J. Autoret nen kercenimin e armeve, pasi kane ndaluar viktimen dhe personin qe e shoqeronte, kane qelluar me nje bresheri automatiku, mbi shtetasin Xheladin Qelia, duke i shkaktuar vdekjen e menjehershme. Pas kryerjes se krimit Yzeiri dhe Cami jane larguar menjehere nga vendi i ngjarjes. Mendohet se krimi ka ndodhur per hakmarrje dhe dyshohet te kete lidhje me nje tjeter vrasje, te ndodhur te ndodhur me pare ne kete qytet. Yzeiri u hakmorr ndaj Xheladin Qelise, pas vrasjes se nipit te Renato Camit, i cili ishte edhe shoku i tij me i afert. Keto vrasje te vjetra, kishin mbetur prej disa kohesh te pazbardhura. Me rihapjen e dosjeve pas vitit 2000, ne baze te provave te mbledhura, dyshimi kryesor per vrasjes e Xheladin Qelise, ra mbi Gramoz Yzeirin. Keshtu pas vitit 2003, ky person u skedua ne top listen e personave shume te kerkuar nga drejtesia shqiptare.