Në disa komuna të Fierit, procesi i aplikimit po ecën me ritme tepër të ulëta. Vazhdojnë problemet me procesin e aplikimit për kartat e identitetit në rrethet e Qarkut të Fierit. Ky proces nuk ka nisur ende në 6 komunat e Lushnjës dhe Mallakastrës. Mësohet se në komunat Fratar, Aranitas, Greshicë të rrethit të Mallakastrës dhe Ballagat, Allkaj dhe Allprenaj në Lushnjë, procesi është bllokuar plotësisht, për shkak të mungesës së operatorë të zyrave të aplikimit. Ndërkohë që procesi po shfaq ngadalësi edhe në ato komuna e bashki, ku ka ditë që kanë nisur aplikimet dhe shpërndarja e kartave. Situata e krijuar ka krijuar “përçarje” te drejtuesit e pushtetit vendor. Kryebashkiaku i Fierit, Baftjar Zeqaj, ka pohuar se procesi aplikimit është i dështuar, ndërkohë prefekti e ka përgënjeshtruar këtë deklaratë dhe ka bërë thirrje që çështjes të mos i jepen ngjyra politike. Numri i aplikuesve dhe i atyre që janë pajisur me karta është shumë i ulët. Mësohet se numri i personave që kanë aplikuar dhe nuk kanë mundur të marrin ende letërnjoftimet shkon në mbi 25 mijë në shkallë qarku. Por në disa komuna të Fierit, procesi i aplikimit po ecën me ritme tepër të ulëta dhe numri i aplikimeve në një komunë brenda një dite nuk e kalon shifrën e 50 shtetasve. Ndërkohë, prefekti i Fierit, Shahin Bejdaj, pohon se numri i aplikuesve për letërnjoftimet e reja në shkallë qarku është mbi 35 mijë aplikues, ndërkohë që kanë marrë letërnjoftimin e ri vetëm 4000 prej tyre. Po në shkallë qarku, vetëm Komuna e Kumanit ka nisur të shpërndajë një ditë më parë kartën e re të identitetit.

http://www.fierionline.com

Shtetasit Mitat Velaj dhe Bajram Minaj janë vënë në pranga teksa shisnin hashash të kultivuar po prej tyre. Një agjent i policisë iu ka kërkuar që të blejë një sasi droge dhe ata ia kanë siguruar, pa e ditur se ishin objekt i një operacioni të uniformave blu. Mitat Velaj dhe Bajram Minaj janë vënë dje në pranga nga policia e qarkut të Fierit, ndërsa u sekuestrua një sasi prej 118,5 kg lëndësh narkotike.

Prej disa kohësh dy personat ishin nën vëzhgim ndërsa pritej vetëm një hap i gabuar i tyre. Operacioni “Shkëmbi i kuq” i realizuar në fshatin Hekal u emërtua i tillë pikërisht për shkak të vendit ku u gjet sasia e lëndës narkotike.

Hetimi

Mitat Velaj dhe Bajram Minaj shkonin shpeshherë në Greqi. Ndërkohë, në rrugë operative ishte mësuar se ata shisnin hashash.

Si rrjedhojë, përgjatë kësaj kohe janë mbajtur nën vëzhgim për të konfirmuar dyshimet e hedhura. Operacioni i quajtur “Shkëmbi i Kuq” nisi të hënën pasdite në Ballsh, më pas në Klos, në Hekal e në tokat bujqësore, pronë e shtetasve të ndaluar.

Gjatë operacionit është sekuestruar një sasi droge prej 97,700 kg lëndë narkotike, e cila ishte e futur në tre bidonë të mëdhenj plastikë. Më pas, në kontrollin e banesës së Bajram Minajt, në kasolle u gjet edhe një sasi prej 20,8 kilogramësh, e cila ishte e futur në thasë, si dhe u gjet një armë zjarri.

Arrestimi

Pas marrjes së informacionit se blerës të shumtë, kryesisht nga Fieri, Lushnja e Ballshi, të informuar për këtë “pikë shitjeje” kishin siguruar shpeshherë hashash në sasi të vogla për ta shitur, nisi edhe hetimi për Velajn dhe Minajn. Një agjent i infiltruar zbardhi skemën e shitjes së drogës.

Ai u paraqit si blerës tek personat dhe në momentin që iu sigurua sasia e kërkuar, ndërhynë edhe forcat e policisë, duke bërë të mundur arrestimin e Mitat Velajt në Klos.

Pas marrjes në pyetje të 55-vjeçarit u prangos edhe bashkëpunëtori i tij nga komuna Hekal, 52-vjeçari Bajram Minaj. Nga ana e policisë u deklarua se hashashi i kultivuar nga dy të pandehurit kishte si destinacion përfundimtar Greqinë.

Një fontanë gazi shpërtheu gjatë një eksperimenti në zonën e Hekalit. Një shpërthim gazi nga një pus nafte në fshatin Hekal të Mallakastrës ka vënë në rrezik jetët e disa punëtorëve dhe banorëve të zonës. Shpërthimi i gazit ka ndodhur rreth orës 17:50 të ditës së djeshme dhe për pasojë dhjetë persona, kryesisht fëmijë, janë helmuar dhe kanë marrë ndihmën në spitalin e qytetit të Ballshit. Lajmi konfirmohet për gazetën nga përfaqësues të firmës “Stream Oil” që ka nën administrim pusin ku ndodhi shpërthimi i gazit që në gjuhën teknike quhet fontanë, si dhe nga autoritetet vendore në Hekal dhe Ballsh. Petrit Sulkaj, specialist i firmës “Stream Oil” sqaroi se në pusin e fondit të ndalur në zonën e Hekalit është bërë një eksperiment nga kjo kompani, për të vënë në punë shtresat gëlqerore dhe ranore të pusit. Si pasojë e një valvule të amortizuar të vendosur që nga koha kur pusi ishte nën administrimin e kompanisë “Albpetrol”, ka ndodhur një shpërthim gazi. Sulkaj thotë se ka qenë valvola e amortizuar shkak i fontanimit dhe gazi është përhapur në atmosferë, në një zonë të gjerë. Menjëherë drejt fshatit Hekal janë nisur dy ambulanca nga Ballshi dhe dy nga Fieri për të ndihmuar banorët, dhjetë prej të cilëve janë dërguar në spitalin e Ballshit ku kanë marrë ndihmën e parë. Dëshmitarët në vendngjarje thanë se të paktën gjysma e personave të helmuar nga gazi i shpërndarë në atmosferë ishin fëmijë, të cilët u grumbulluan pranë pusit nga kurioziteti, të tërhequr nga fishkëllima e fortë që lëshonte shkarkimi i gazit. Në vendngjarje kanë shkuar menjëherë edhe disa mjete zjarrfikëse, por deri në mbrëmje vonë ndihma e tyre nuk ka qenë e nevojshme. Specialistë të “Albpetrolit” kanë shkuar dje në Hekal dhe në bashkëpunim me specialistët e firmës “Stream Oil” kanë nisur punën për riparimin e avarisë.

Gjykata e Shkalles se Pare te Rrethit Gjyqesor Fier ka denuar me 16 vjet burg te pandehurin Flamur Brakaj me mase arresti ne burg per vepren penale “Vrasje me dashje”. Gjate gjykimit te ceshtjes i pandehuri eshte mbrojtur nga avokati Ylli Asimetaj, ndersa gjyqtar kryesues ka qene gjyqtari Piro Sota. Para fillimit te shqyrtimit gjyqesor i pandehuri ka kerkuar gjykim te shkurtuar, e cila eshte pranuar edhe nga gjykata. Gjate gjykimit gjyqesor ne ngarkim te ketij te pandehuri doli e provuar se ne muajin Janar te viti 2008 rreth ores 10:00 ne Ballsh para dyqanit te tij ka ndaluar nje automjet qe drejtohej nga shetasi D.H. I pandehuri i eshte afruar pronarit te makines duke i thene ta largonte ate nga dyqani pasi i zinte fasaden kryesore. Por drejtuesi i furgonit nuk ka reaguar ndaj ketyre fjaleve.

Megjithate ai e ka larguar makinen dhe pas kesaj kasapi i eshte afruar duke i thene here tjeter mos e parko aty. Midis tyre eshte zhvilluar nje debat, te cilen e ka degjuar edhe shteasi S. Hyskaj i cili eshte afruar dhe i ka thene kasapit qe ky eshte kushuriri im dhe nuk prishte pune qe e parkoje makinen aty. Ketu ka filuar edhe nje sherr midis dy kushurinjeve dhe kasapit i cila ka vazhduar edhe me grushta ne drejtim te pandehurit Flamur Brakaj. I pandehuri pasi eshte liruar per nje moment nga kushurinjte ne kushtet e nje tronditje psiqike ka mare nga tavolina e punes nje thike dhe me te ka qelluar njehere ne pjesen e barkur shetasin S.Hyskaj i cili ka gjetur vdekjen gjate rruges per ne spital. Ne perfundim te gjykimit prokurori Genci Mane kerkoi 20 vjet burgim, ndersa mbrojtesi Asimetaj nje denim me te bute pasi ai ka treguar pendim per kryerjen e kesaj vepre duke e kryer ne trondtitje te thelle psiqike. Ndersa i pandehuri kerkoi meshire nga gjykata, kjo te kete parasysh se une kam qene ne vendin e punes dhe me kane ofenduar nga nderi i familjes dhe jam 53 vjec. Gjykata pasi shqyrtoi te gjitha provat dhe aktet dhe degjoi palet vendosi qe i pandehuri Flamur Brakaj te deklarohet fajtor duke e denuar me 16 vjet burgim me gjykim te shkurtuar.

Mallakaster. Martesa me mbleseri ne moshe te mitur dhe pamundesia per te sjelle ne jete nje femije dyshohet te jene motivet e vetevrasjes se nje 16 vjecareje ne fshatin Cfir te komunes Aranitas ne Mallakaster. Veteflijimi i Juliana Zenelajt ne dhomen e gjumit eshte kryer me armen e vjehrrit te saj qe punonte si roje i Policise Pyjore ne kete zone. Ngjarja ka ndodhur rreth ores 20:00 te se henes, 25 km larg qytetit te Ballshit, kur ne shtepi gjendej vetem vjehrra e viktimes. Policia pas hetimit te kryer deklaroi se 16 vjecarja ka kryer aktin ne kushtet e nje depresioni te thelle dhe nuk ka pasur asnje konflikt me familjaret. Fakti se ishte martuar e vogel me mbleseri dhe pamundesia per te lindur femije per shkak te semundjes se diabetit nga e cila vuante bashkeshorti i saj, mendohet te jene edhe motivet kryesore te ngjarjes.

Mbremjen e se henes, salla operative e komisariatit te Mallakastres eshte njoftuar per vetevrasjen e 16 vjecares Juliana Zenelaj, lindur ne Ruzhdie te Fierit dhe banuese ne fshatin Cfir pas marteses. Menjehere drejt fshatit te larget eshte nisur nje makine policie dhe eksperti mjeko-ligjor se bashku me prokurorin e gatshem. Ne dhomen e gjumit te ciftit te ri eshte gjetur trupi i pajete i te mitures qe ishte martuar ne kundershtim me ligjin shqiptar qe ne moshe te vogel, rreth 15 vjece. Sipas rrefimit te vjehrres se saj, nusja ishte mbyllur ne dhome, ndersa ajo kryente punet ne oborr dhe degjoi te shtenen. Trupin e gjeti te pergjakur ne dysheme dhe te pajete. Policia tha se plaga e plumbit gjendej ne krahun e djathte me dalje nga e majta. Veteflijimi eshte kryer me nje arme pistolete tip “TT”. Gjate deshmise se dhene nga Kujtim Zenelaj, vjehrri i viktimes, arma i perkiste atij dhe se mbahej me leje, pasi ishte i punesuar ne Drejtorine e Pyjeve per zonen e Mallakastres.

Burime zyrtare te policise u shprehen se vetevrasja nga hetimi paraprak rezulton e paster dhe nuk ka dyshime per nje krim te mundshem. Ne banese eshte verifikuar se gjendej vetem vjehrra e moshuar e viktimes. Ne pyetje jane marre edhe prinderit e vajzes, qe kane pohuar faktin e marteses me mbleseri qe ne moshe te mitur te Julianes. Vajza ishte martuar 18 muaj me pare, por cifti mesohet se nuk ka pasur kontradikta apo konflikte qe te sillnin fundin tragjik. Shkak dyshohet te jete semundja e bashkeshortit te viktimes, i cili trajtohej me insuline per shkak te diabetit. Cifti nuk kishte femije dhe ky dyshohet te jete nje nga motivet e ngjarjes tragjike.

“Cifti nuk kishte konflikte, u gjet vetem nje gezhoje”

Nje grup hetimor kreu veprimet paraprake ne vendngjarje dhe mori deshmite e familjes se vajzes dhe djalit. Po keshtu ne pyetje eshte marre edhe bashkeshorti i viktimes qe ka deshmuar per jeten ne cift gjate 18 muajve. Burime zyrtare thane se shkak per ngjarjen nuk jane bere marredheniet mes ciftit pasi ata shkonin shume mire se bashku. Por semundja e bashkeshortit te viktimes mendohet te kete qene nje nxitje pervec faktit se ajo eshte martuar ne moshe te vogel. Mesohet se armen e krimit Juliana Zenelaj e ka gjetur ne dollapin e rrobave, ne dhomen e gjumit te vjehrrit, ku dhe ai e mbante pas sherbimit. Ekspertet kane konstatuar ne vendngjarje vetem nje gezhoje plumbi, armen tip pistolete “TT” ne doren e viktimes dhe plagen ne koke, me vrime hyrese ne krahun e djathte dhe ate dalese ne krahun e majte. Vjehrra e 16 vjecares ka thene se degjoi vetem nje te shtene dhe se ne marredheniet e saj me nusen nuk kishte pasur asnje here probleme.