Një ngjarje e rëndë ka ndodhur rreth orës 12 e 30 të paradites së të hënës në fshatin Kreshpan të komunës Cakran të rrethit Fier. Një 22-vjeçar banor i këtij fshati i ka dhënë fund jetës duke u vetëvrarë me një plumb në kokë.Por ajo që të trondit më shumë është fakti se djali i dyshuar si i vetëvrarë është djali i Faik Myrtaj, i cili humbi jetën në protestën e 21 janarit organizuar nga opozita.

Gjithsesi Bardhosh Myrtaj, sipas të afërmve të ardhur në spital mendohet se kohët e fundit ai ka qënë shumë i mërzitur dhe i vetmuar nga pjestarët e tjerë të familjes gjë të cilëen e reflektonte dhe në shtimin e dozës së duhanit që pinte. Ndërkohë po nga të afërm të tij ditën që ndodhi ngjarja ai kishte telefonuar dajën e tij për të marë.motorçikletën duke i treguar edhe vëndëdodhjen.

Daja pasi vjen në vëndin ku i tha nipi e gjen atë të shtrirë në tokë të plagosur në kokë dhe me një pellg gjaku që i kishte mbuluar fytyrën. Menjëherë ai ka njoftuar policinë e cila mbërriti në vendngjarje. Megjithëse ai ështe dërguar menjëherë në spital, ku nuk ka mundur t’i shpëtojë plagës së marë nga plumbi në kokë. Më pas ai është çuar në morgun e spitalit të Fierit në pritje për t’i bëtrë autopsinë

Në reagimin e saj zyrtar gjatë hetimeve u konstatua se shtetasi Bardhosh Myrtaj, 22 vjeç, banues në fshatin Kreshpan, komuna Cakran të rrethit Fier, është vetëvrarë me armë zjarri pistoletë në vëndin e quajtur “Antenat” në fshatin Kreshpan.

Sipas policisë vazhdon puna intesivisht për zbardhjen e shkaqeve, rrethanave si dhe dokumentimin e plotë ligjor të kesaj ngjarje.(Shekulli)

Policia shoqëron mbi 20 persona për masakrimin e 29-vjeçarit. Dyshohet se kanë qenë dy autorë. Policia dhe Prokuroria e Lushnjës ende nuk kanë emra konkretë për vrasjen e Gerti Lalës, i njohur si “iriqi” në kohën kur ishte rekrutuar në bandën e Aldo Bares. Burime nga organi i akuzës së Lushnjës pohojnë se për momentin janë shoqëruar 20 persona për ngjarjen që tronditi mesnatën e së enjtes qytetin e Lushnjës. Ndonëse ende nuk ka emra autorësh për këtë ekzekutim, ajo që shpreh policia lokale lidhet me faktin e vijimit të hetimeve në mënyrë intensive. Pista kryesore ku është përqendruar grupi i hetimit ngritur për këtë vrasje është ajo e përfshirjes së viktimës në Bandën e Lushnjës dhe roli i tij, ndërkohë që banda dhe shumica e anëtarëve të saj janë në proces gjykimi.

Burime të gazetës brenda grupit të hetimit pohojnë se pas ekstradimit të Aldo Bares, “iriqi” është marrë disa herë në pyetje nga struktura e krimit të organizuar në Drejtorinë e Policisë së Qarkut Fier, nga varet edhe Komisariati i Lushnjës. Kreu i kësaj strukture, Zigur Bizha, njeh më së miri veprimtarinë e bandës, pasi ai ka dokumentuar dosjen e kësaj organizate kriminale, dokumentim që është bërë duke u bazuar te dëshmitë e të gjithë të arrestuarve, përfshi këtu të penduarit, autorët deri dhe numrin e madh të dëshmitarëve të këtij procesi gjyqësor. Nuk bëhet e ditur se për çfarë arsye është pyetur Gerti Lala, por dyshohet se vrasja e tij, në një kohë kur policia është ende duke dokumentuar episode të rënda të pazbardhura me autor të dyshuar të bandës, çon autoritetet e grupit të hetimit për të menduar se ekzekutimi ka ardhur për “larje hesapesh”.
Që prej mesnatës së të enjtes, kur ndodhi masakrimi i 29-vjeçarit Gerti Lala dhe deri mesditën e së shtunës, janë shoqëruar nga policia mbi 20 persona. Ata janë marrë në pyetje, por ende mes tyre nuk ka emra autorësh. Sipas burimeve nga prokuroria mësohet se mes të shoqëruarve ka edhe persona të njohur të botës së krimit. Disa nga të shoqëruarit janë hetuar edhe me metoda speciale dhe nuk janë lënë të lirë për shumë orë. Nga rindërtimi i skenës së vrasjes, grupi i hetimit deklaron se “iriqi” mund të jetë ekzekutuar nga dy persona. Ata e kanë pritur viktimën në rrugën pranë pallatit dhe pasi e kanë masakruar fillimisht me thika e më pas qëlluar me armë, janë larguar në këmbë nga rruga në mes të lagjes. Po ashtu burime nga prokuroria thonë se janë zbuluar dy detaje të reja të ngjarjes, por që nuk bëhen të ditura për arsye hetimi. Ata pretendojnë se ato janë një armë e fortë në dorën e grupit të hetimit, që mund të çojnë brenda pak orësh në zbardhjen e emrave të autorëve. Këmbëngulet se pista më bindëse mbetet ajo e përfshirjes në bandën e Aldo Bares, si dhe dëshmitë e dhëna së fundmi prej tij për policinë, ndërkohë që nuk është përjashtuar edhe si pistë e dytë ndonjë grindje banale.

Fier- Vetëm në dy ditë veprimtari të strukturës së re janë bllokuar 25 mjete për mungesë të theksuar dokumentacioni dhe për të tjera shkelje ligjore

Struktura e re e Policisë Rrugore në Fier ka nisur punën në pika kyçe të rrugëve të qytetit, si kryqëzimi i Vlorës dhe ai Sheqit të Madh në drejtim të Tiranës. Vetëm në dy ditë veprimtari të strukturës së re janë bllokuar 25 mjete për mungesë të theksuar dokumentacioni dhe për të tjera shkelje ligjore.

Policia e Qarkullimit Rrugor jo vetëm në Fier, por në të gjithë vendin tashmë është një strukturë më vete e pavarur, por bashkëpunimi me strukturat e tjera të Policisë së Shtetit do të jetë i ngushtë. Kështu në Qarkun e Fierit, shefi i Komisariatit të Qarkullimit Rrugor, emëruar pak ditë më parë, Artan Osmani, së bashku me efektivët e kësaj policie ka ushtruar kontrolle në pika kyçe ku qarkullimi rrugor është më i theksuar si në kryqëzimin e Vlorës apo në atë të Sheqit të Madh në drejtim të Tiranës, të cilat janë nyje kryesore të lëvizjeve të mjeteve si në jug ashtu dhe në veri të vendit.
Qysh prej dy ditësh, qindra mjete janë kontrolluar nga kjo polici për sa i përket dokumenteve apo gjendjen teknike të tyre gjatë qarkullimit në rrugë. Vetëm për dy ditë, në këtë drejtim janë bllokuar 25 automjete me targa të huaja, të cilat nuk kishin dokumentacionin e duhur. Sipas drejtuesit të Komisariatit të Qarkullimit Rrugor në Qarkun e Fierit, Artan Osmani, qëllimi i këtyre kontrolleve është zbatimi i rregullave të qarkullimit nga drejtuesit e mjeteve për të shmangur aksidentet në rrugë, pasi në Fier ato janë të shpeshta.

Sipas Osmanit, ky është një kontroll i përbashkët edhe me patrullat e përgjithshme të Policisë së Shtetit në kuadrin edhe të një plani masash për sezonin turistik, i ardhur nga Drejtoria e Përgjithshme e Policisë.

“Ky aksion, vijon shefi i ri i qarkullimit, ka filluar prej dy ditësh dhe po insiston më shumë në monitorimin e rreptë të superstradave nëpërmjet radarëve që janë vendosur aty për uljen e shpejtësisë, që është dhe shkaku kryesor i burimeve të aksidenteve. Janë bllokuar 25 mjete për mungesë të theksuar dokumentacioni siç janë ato me targa të huaja, që u ka kaluar afati i qëndrimit në Shqipëri e të tjera. Ky aksion, i cili do të vijojë edhe në ditët e ardhshme, do të garantojë sigurinë rrugore në çdo aks të tij, sidomos tani që ka edhe fluks të mjeteve të ardhura nga jashtë apo edhe ato brenda që do të qarkullojnë për turizëm në vendet e bukura që ka Shqipëria”.

Është pikërisht Fieri që do të presë këtë lëvizje, pasi ka rrugë transite për të shkuar në jug ose veri të Shqipërisë.

Fier, pritet të prishen 200 ndërtime në zonën turistike. Policia Pyjore e Fierit do të ndërmarrë një aksion për prishjen e ndërtimeve pa leje në pyjet përgjatë bregdetit. Janë mbi 200 objekte pa leje, që priten të shemben gjatë ditëve në vijim. Por policia pyjore ka deklaruar se është e pafuqishme për të ndërmarrë vetëm aksionin, ndaj ka kërkuar mbështetjen e policisë së rendit dhe autoriteteve të tjera shtetërore.

Fenomeni i pushtimit të fondit pyjor nga ndërtimet pa leje është më evident në plazhet e populluara. Një i tillë është edhe ai i Darëzezës në Rrethin e Fierit. Sipas burimeve zyrtare të policisë pyjore, në fondin me pyje të këtij plazhi janë evidentuar me dhjetëra ndërtime pa leje. Shefi i Policisë Pyjore pranë Ndërmarrjes së Pyjeve Fier, Nikollaq Zisi, deklaron se edhe pse më parë janë shembur ndërtime të tilla, nga kontrollet e dy javëve të fundit ka rezultuar se ka ende një numër të madh ndërtimesh pa leje që cenojnë zonën turistike. “Kemi dy javë që po kryejmë inspektimin e ‘pastërtisë’ së fondit pyjor nga ndërtimet pa leje dhe për momentin jemi përqendruar në Darëzezë. Janë evidentuar me dhjetëra raste ndërtimesh pa leje. Kemi prishur disa prej tyre dhe presim që aksioni të përfundojë brenda disa ditëve”, ka thënë Nikollaq Zisi, shefi i Policisë Pyjore.

FIER- Policia identifikon dhe arreston njërin prej të dyshuarve si autorë të ekzekutimit të 32 vjecarit, trupi i të cilit u gjet të shtunën paradite nga kalimtarë të rastit, në një tunel të ish-repartit të tankeve në fshatin Levan të Fierit.

GSH shkruan sot se në orët e vona të natës së të shtunës është arrestuar 18-vjeçari Miço Osmani, ndërsa janë shpallur në kërkim dy bashkëpunëtorët e tij.Tre të rinjtë akuzohen për “vrasje me dashje të kryer në bashkëpunim”, “grabitje” dhe “armëmbajtje pa leje”.

Viktima Leonard Hazizaj kishte 6 muaj që ishte kthyer nga Greqia, ku kishte jetuar si emigrant.

Të premten, 32 vjecari kishte dalë nga banesa e tij për të shkuar tek e fejuara në fshatin Frakull të Fierit. I riu ishte nisur për ti uruar festën e Krishtlindjeve të fejuarës së tij. Familjarët nuk janë shqetësuar për vonesën e Hazizajt, pasi kanë menduar se ai ishte tek banesa e të fejuarës.

Të shtunën paradite ai është gjetur I ekzekutuar nga pesë plumba në kokë. Burime zyrtare nga Drejtoria e Policisë së Qarkut të Fierit, bëjnë me dije se viktima nuk ishte person i skeduar më parë dhe dyshohet se është ekzekutuar për grabitje.Pas hetimeve paraprake, dyshohet që Hazizaj të jetë marrë peng nga ekzekutorët, të cilët më pas e kanë dërguar me makinë deri tek tuneli në Levan

Dritan Dajti ka patur lidhje te forta me inspektore te policise qe dyshohet se i jepnin atij informacione te ndryshme ne aparatet celulare te Dritan Dajtit ka te regjistruar disa numra qe i perkasin punonjesve te policise se shtetit.

Uniformat blu qe i disponojne keto numra telefoni dhe qe jane identifikuar nga organi i akuzes, jane vene nen hetim.

Ata do te jene pjese e nje hetimi te gjere qe prokuroria ne bashkepunim edhe me policine ka vendosur te kryeje jo vetem ne lidhje me ngjarjen e Durresit ku humben keten kater oficere policie por edhe ne te gjithe aktivitetin kriminal te Dritan Dajtit.

Deri tani hetimet nuk kane nxjerre se policet qe kane lidhje me Dritan Dajtin ta kene informuar ate ne daten 7 gusht te ketij viti gjate aksionit qe policia kreu per arrestimin e tij, por dyshohet se ata i kishin dhene me pare informacion atij.

Drejtoria e Pergjithshme e Policise se Shtetit ende nuk ka marre ne dore emrat e policeve te implikuar ne rrjetin kriminal te Dritan Dajtit, per shkak se emrat e tyre perbejne nje sekret hetimor per prokurorine, por ajo ka deklaruar se ata do te perjashtohen nga radhet e policise edhe nese nga hetimi nuk do te siguroje dot prova materiale ne ngarkim te tyre.

Sipas burimeve hetimore, policet te cilet numrat e telefonave i kishin te regjistruar ne aparatet celulare qe dispononte Dritan Dajti jane vene nen vezhgim.

Prokuroria nuk ka bere ende te ditur nese ka emra te funksionareve shteterore apo indidivideve te ndryshem qe mund te kene patur lidhje me Dajtin, i cili nje jave me pare ekzekutoi kater punonjes te sektorit operacional te kapjes se personave te shpallur ne klerkim nga drejtesia.

Roskovec- Kur kane kaluar 100 ore nga vrasja e deputetit socialist Fatmir Xhindi para deres se shtepise, policia dhe prokuroria nuk kane ende asnje te ndaluar si te dyshuar. Edhe diten e djeshme jane kryer shoqerime te tjera, qe e kane cuar numrin e te pyeturve ne rreth 300 persona, vetem ne pese dite. Burime policore thane se dy ditet e fundit jane shoqeruar 90 persona, perfshi edhe familjaret, qe kane dhene deshmi rreth levizjeve te te ndjerit diten e ngjarjes, pak minuta para saj dhe gjate javes se kaluar. Mesohet se nga 9 pista qe kane qene ne diten e pare te krimit, ato jane seleksionuar deri ne 3 te tilla dhe hetimi po perqendrohet ne ato pak prova te zbuluara. Grupi hetimor qe perbehet nga te pakten 100 prokurore, eksperte dhe oficere, beson se ngjarja ka lidhje me nje konflikt te mundshem, te deputetit te ndjere me persona te tjere, duke rrezuar debatet per pronesi. Nje dite me pare, kryepolici Ahmet Prenci deklaroi ne emisionin “Opinion” ne TV “KLAN”, te gjitha rrethanat e ngjarjes dhe hetimet e kryera, por u tregua i rezervuar per pistat dhe dyshimet konkrete. Gjithsesi shtimi i forcave policore ne Roskovec dhe perqendrimi i tyre ne aksin Roskovec-Kurjan, le te kuptohet se grupi hetimor beson se autori nuk eshte larguar ende nga kjo zone. Burime policore thane dje per gazeten, se jane ushtruar kontrolle te shumta ne pothuajse te gjitha akset e zones dhe jane kryer shoqerime te shume personave, tek te cilet mendohej se mund te zbuloheshin detaje te rendesishme. Edhe diten e djeshme patrullat policore dhe furgonet, kane levizur intensivisht ne Roskovec dhe shoqeruan te tjere te dyshuar qe jane marre ne pyetje. Nga ana tjeter grupi hetimor i vendosur ne Prokurorine e Fierit, ka zhvilluar nje mbledhje qe ka zgjatur per 3 ore, ku jane analizuar deshmite e marra dhe provat e momentit. Deri ne mbremje nuk ka pasur asnje te ndaluar, per ekzekutimin e te shtunes ne mbremje. Kryepolici Prenci tha se provat e gjetura, si tableta e aspirinave dhe qesja, i perkasin autorit i cili ka vepruar i vetem. Pasi e ka pritur per 30 minuta i fshehur pas shtepise, ai ka dale ne momentin qe Fatmir Xhindi parkonte makinen para oborrit te baneses. E ka qelluar me bresherine e pare nga 8 metra distance dhe me pas, i eshte afruar duke e qelluar me bresheri te dyte, duke u siguruar se e kishte vrare. Pas krimit mendohet se eshte larguar nepermjet dy rrugicave qorre, pa lene asnje gjurme. Banoret dhe familjaret kane deshmuar se degjuan te shtenat, por nuk pane asnje te dyshuar afer shtepise se deputetit. Familjaret deshmuan se Xhindi nuk kishte probleme personale apo pronesie, duke rrezuar pistat e grupit hetimor. Aktualisht punohet vetem ne seleksionim pistash, per te bere te mundur zbardhjen e ngjarjes dhe kapjen e autorit.

Dy kushërinj nga qyteza e Patosit kanë rënë në prangat e policisë nën akuzën e “prodhimit dhe shitjes së lëndëve narkotike”, si dhe “mbajtjes pa leje të armëve të gjahut e sportive”. Operacioni i policisë, i koduar “Weekend 1″, ka vënë në pranga Namik dhe Agim Beqirin, të dy lindur e banues në Patos. Sipas burimeve zyrtare të policisë së Fierit, mësohet se kanë qenë agjentët e Seksionit të Antidrogës në drejtorinë e policisë së qarkut ata që kanë siguruar informacion paraprak në rrugë operative për veprimtarinë e kushërinjve Beqiri. Pas disa ditësh survejim dhe hetim, agjentët e Antidrogës, të mbështetur edhe nga efektivët e Policisë së Patosit, kanë vendosur të ushtrojnë kontroll në banesat e tyre. Operacioni ka nisur pasditen e së shtunës dhe ka përfunduar në orët e vona të mbrëmjes. Në fillim është ushtruar kontroll në banesën e Agim Beqirit. Atij i është gjetur pranë shtëpisë sasia e afro 1.2 kilogramëve lëndë narkotike.

Pas prangosjes dhe pas futjes në furgonin e policisë, agjentët e Antidrogës kanë shkuar në banesën e Namik Beqirit. Kontrolli policor në këtë banesë ka nxjerrë se aty ndodheshin mbi 900 gramë lënde narkotike, si dhe një armë gjahu e tipit çifte, të cilën Namiku e mbante pa leje. Policia ka sekuestruar sasinë e lëndës së gjetur, si dhe armën e gjahut që ishte pa leje. Pas analizave dhe ekspertizave në polici, ka rezultuar se sasia e lëndës së gjetur në dy banesat e kushërinjve ishte drogë e llojit kanabis sativa. Ajo ishte e presuar dhe ishte vendosur në dy çanta. Policia deklaron se dy kushërinjtë dyshohet se merren me prodhim dhe shitje hashashi, ndërsa konfirmohet zyrtarisht se hetimet e këtij rasti ende nuk kanë përfunduar.

Sherri për pronën ka përfunduar me të shtëna kallashnikovi në një fshat të Fierit. Policia njoftoi dje pasdite se arrestoi shtetasin Pëllumb Pulaj, 25 vjeç, banor i fshatit Shtyllas të Komunës Levan, pasi kishte shtënë me armë zjarri në drejtim të dy personave, pas një sherri për çështje pronësie. Burimet policore sqaruan se rreth orës 16:05 të ditës së djeshme, 25-vjeçari me një automatik kallashnikov në dorë u është afruar shtetasve Sokol dhe Gazmir Prenushi, kushërinj me njëri-tjetrin dhe pasi ka shtënë një herë në ajër ka shtënë edhe në drejtim të dy personave të cilët kanë marrë vrapin dhe kanë shpëtuar fatmirësisht pa plagë. Banorë të zonës, dëshmitarë të kësaj ngjarjeje, kanë njoftuar menjëherë policinë e Fierit, e cila në më pak se një orë arriti të identifikonte dhe të arrestonte agresorin, i cili do të akuzohet për armëmbajtje pa leje dhe vrasje me paramendim të mbetur në tentativë.

Vrasja e një polici në vitin 1998 pritet të zbardhet shumë shpejt. Viti 2009 ka nisur shumë i ngjeshur për Departamentin e Zbulimit të Krimeve të Vjetra në Drejtorinë e Policisë së Qarkut Fier. Zbardhja e ngjarjeve të vjetra është një nga prioritetet kryesore të kësaj drejtorie dhe sipas burimeve zyrtare të informacionit mësohet se ka shumë dosje të pazbardhura që janë mbartur prej shumë vitesh. Në këtë fillim viti është ngritur në shkallë drejtorie një grup pune i përbërë prej oficerësh me përvojë dhe ekspertësh në fushën e krimeve. Konfirmohet se ky grup po punon për zbardhjen e pothuaj të gjitha ngjarjeve të vjetra. Bëhet fjalë për një “mal” me dosje ende të pazbardhura. Drejtues të policisë së Fierit kanë seleksionuar si fillim 54 dosje, të cilat do të rihetohen. Por puna nuk është e lehtë, pasi bëhet fjalë për krime të ndodhura përpara 12 vjetësh. “Kanë kaluar shumë kohë, njerëzit nuk kanë folur në atë kohë për shkak të rrethanave që kanë qenë edhe vite të vështira e të trazuara, por gjithsesi është këmbëngulja e grupit të punës që nga 54 dosje për të tre komisariatet e policisë Fier, Mallakastër e Lushnjë, janë planifikuar dhe kanë filluar të rijetohen 29, të cilat duhet thënë se kanë prioritetin më të madh. Këto dosje kanë të bëjnë me krime të tilla si vrasje, grabitje me armë e plagosje të rënda”, tha një zyrtar i lartë i Policisë së Fierit. Një nga ngjarjet ku është përqendruar puna hetimore është zbardhja e vrasjes së policit Edmond Ferko. Në nëntor të vitit 1998 ai ishte vrarë me një plumb në zemër dhe ishte hedhur më pas në shinat e trenit të linjës hekurudhore Fier-Ballsh. Sipas burimeve policore, hetimet për këtë ngjarje kanë ecur mirë dhe janë fare pranë përfundimit. Sipas të njëjtave burime, Ferko ka qenë roje objekti në Azotikun e Fierit, ku në ato vite janë vjedhur dy rrjeta platini, të cilat më pas u shitën në Itali për 500 mijë dollarë amerikanë. Një tjetër dosje që po hetohet është ajo e sulmit që disa persona i kanë bërë Postës së policisë në Roskovec në vitin 1997. Ndërkohë, Policia e Fierit ka filluar një punë intensive edhe për zbardhjen e dy ngjarjeve të vitit të shkuar, njëra prej të cilave është ajo e gjetjes së një kufome ende të paidentifikuar pranë fshatit Grabian të Lushnjës dhe vrasja e shtetasit Mehmet Feleqi në fshatin Ngjeqar.