Fier- Grupi i te miturve ne kerkim, per bastisjen e 8 kioskave ne qytetin e Fierit. Agjentet fusin ne kurth kapon e ketij rrjeti gjate operacionit te koduar “Kioskat”. Burime zyrtare bene me dije se ndaluan te dyshuarin Grigor Papuciu, i cili shfrytezonte dy 15-vjecare per te kryer vjedhje ne qytet. Pas hetimit te kryer eshte bere zbulimi i tre prej ngjarjeve, ndersa per pese te tjera u deklarua se kishin mbetur ne tentative. Por per te arritur deri tek 44 vjecari, agjentet ndaluan disa dite me pare nje te mitur me inicialet V. A., banues ne Levan, i cili ka rrefyer per funksionimin e rrjetit. Ne grup dyshohet se ben pjese edhe 15 vjecari S. M., i shpallur ne kerkim. Dyshohet se ata kane vjedhur me thyerje kioskat e tre personave, duke marre nje sasi lekesh dhe malli. Mesohet se Papuciu ka nje dyqan ushqimor ne Fier dhe pasi perdorte te miturit, ua merrte mallin dhe e shiste ne dyqanin e tij. Ndaj 44-vjecarit eshte ngritur akuzat e “vjedhjes ne bashkepunim te pasurise se tjetrit” dhe “pervetesimit te mallrave te vjedhura”.

Nje 57 vjecar nga Puka qe punonte si bari ne nje familje, ne qytetin e Fierit denoncon pronarin per kercenim me jete dhe mospagese te rroges se dy muajve te fundit. Gjergj Lleshi ka depozituar mengjesin e dites se djeshme kallezimin ne Komisariat, duke kerkuar ndihmen e bluve vendore per zgjidhjen e problemit. Ai thote se punon si coban ne fshatin Sulaj te Semanit dhe se ne Puke ka lene familjen me tre femije qe shpresojne mbijetesen, fale te ardhurave qe siguron. “Kam punuar dy muaj edhe si bari edhe roje ne stan, por nuk jam paguar nga pronari im qe quhet Izet, te cilit i ruaj 500 krere dele kundrejt pages se premtuar 30 mije leke ne muaj”, thote Gjergji. Kur i ka kerkuar pagen, pronari i ka thene se e kishte mbajtur me buke dhe fjetje, madje e ka kercenuar me vdekje. Policia tha se nisi hetimet per kete rast dhe do te beje ballafaqimin e paleve.