Është grabitur në kërcënimin e armës filiali i Raiffessen Bank në qendër të qytetit të Fierit. Ngjarja ka ndodhur rreth orës 11:00 kur një person i maskuar ka hyrë në ambientet e bankës dhe i është drejtuar arkës.

Ai ka gjuajtur momentin kur nuk kishte asnjë klient në bankë. I ka kërkuar paratë, punonjëset së bankës, por ajo fillimisht ka refuzuar. Grabitësi ka kërcënuar duke qëlluar me pistoletë në ajër.

Në këto kushte punonjësja e arkës ka mbushur një qese me para dhe ia ka dhënë grabitësit i cili është larguar me shpejtësi. Dëshmitarët thonë se ai ka ikur qetësisht rrugës së tregut industrial.

Forca të shumta policie kanë mbërritur në vendngjarje dhe po mbledhin provat. Ndërkohë ka shkuar edhe drejtori i policisë së qarkut i lajmëruar për grabitjen në mes të ditës në mes të qytetit.

Ende nuk ka asnjë të dhënë mbi personin që kreu krimin, ndërsa mësohet se patrulla policie janë vënë në çdo kryqëzim. Personat që e kanë parë, thanë se ishte një djalë i ri rreth të 20-ta me maskë ngjyrë ushtarake në fytyrë dhe me veshje normale.

Flaket e përmasave të mëdha janë shfaqur në qiellin e Patosit rreth mesditës dhe u përhapën me shpejtësi duke djegur 50-60 ha ullishta në fshatin Lalarit të Patosit. Banorë të zonës bëjnë të ditur se zjarri kërcënon një depo me municione të vjetra.

FIER-Një zjarr i fuqishëm pranë Patosit rrezikon të shpërthejë një depo municionesh të vjetra në ish-repartin e raketave që ndodhet në fshatin Lalarit.
Flaket e përmasave të mëdha janë shfaqur në qiellin e Patosit rreth mesditës dhe u përhapën me shpejtësi duke djegur 50-60 ha ullishta në fshatin Lalarit të Patosit. Banorët e zonës ishin të parët që u përpoqën të shuanin me mjete rrethanore flakët, por në pamundësi kërkuan ndihmën e zjarrfikëseve. Zjarrfikëse nga Fieri u nisëm menjëherë në drejtim të zonës që digjej dhe po punojne per shuarjen e flakeve. Zjarrfikesit konstatojne se flakët jane të paarritshme për shkak të terrenit të thyer malor. Banorë të zonës bëjnë të ditur se situata sa vjen e përkeqësohet pasi zjarri që vazhdon ende në malet e Lalaritit po kërcënon një depo municionesh të vjetra të depozituara aty prej vitesh. Zyrtarisht nuk dihet nëse depoja është prekur nga flakët, por banorët shprehen se po dëgjojnë shpërthime municionesh. Flakët që vazhdojnë me intensitet po favorizohen dukshëm edhe nga era dhe temperaturat e larta. Momentalisht zjarri ndodhet larg banesave të fshatit, por banorët shprehen të theksuar se do të ishte katastrofave prekja e depos së armëve nga flakët.

Zjarri qe ra oret e vona te mbremjes se diel ne ish-parkun e automjeteve Fier, jo vetem qe shkrumboi 8 autobuse te linjave interurbane, duke sjelle nje dem material prej 10 milione lekesh, por shkaktoi edhe probleme sociale tek te punesuarit e tre linjave. Tre pronare te linjave te udhetimit kryesisht me rrethet e Vlores dhe Tiranes, pesuan deme te pallogaritshme, pasi kane humbur xhiron ditore deri ne 6 mije leke per cdo mjet, te punesuarit dhe te ardhurat e tjera. Burime zyrtare te policise thane dje per gazeten “KJ” se zjarri ka qene i qellimshem, pasi mjetet jane djegur njekohesisht dhe dyshohet qe fillimisht te jene sperkatur me lende djegese dhe me pas u eshte vene flaka.

Dy rojet e parkut nuk gjendeshin ne krye te detyres, c’ka ka sjelle edhe marrjen e tyre nen hetim nga policia vendore. Pista e hetimit pas deshmise se tre pronareve dhe rojeve, mesohet se eshte konkurrenca mes linjave per pasagjeret dhe kryesisht studentet, pasi dje ka nisur dhe viti akademik. Mesohet se tete autobuset diten e djeshme ishin prenotuar per udhetim drejt Vlores qe ne oret e para te mengjesit.

Sipas pronareve dhe punonjesve te tre firmave, kjo zjarrvenie ka qene e qellimshme dhe u ka sjelle deme te pariparueshme. Policia tha se mjetet nuk ishin te pajisura me figuracion, c’ka do u sjelle probleme te tjera pronareve per kompensimin, pasi dispononin vetem nje pjese te ketij figuracioni. Policia ka kryer ekspertizen ne vendin e ngjarjes, nderkohe qe po punon per gjetjen e autoreve.

Mesohet se pese autobuse kane qene ne pronesi te Arjan Hykes dhe me ta behej transporti i studenteve fierake drejt universitetit te Vlores. Dy mjete te tjere kane qene ne pronesi te Lulezim Shenaj dhe nje ne pronesi te Kujtim Shperdhea, keto te fundit kryenin transport udhetaresh ne linjen Fier-Tirane. Tete autobuset kane dale jashte perdorimit, ndersa nuk kane qene te siguruar me “Kasko”, (plotesisht), duke bere qe te mos perfitojne asgje si demshperblim financiar.

Gjate kontaktit qe patem me drejtuesit e firmave mesuam se Arjan Hyka eshte pronari qe eshte demtuar me shume. Petriti, nje shofer autobusi, dje nuk ka mundur te hipe ne vendin e shoferit dhe te udhetoje. Thote se ka mesuar me hidherim lajmin, ndersa ishin te punesuar nga pronaret 14 shofere dhe 7 fatorino. Njeri prej mjeteve nuk ishte ne gjendje pune per shkak te defekteve. Pese prej tyre kryenin linjen me studente Fier-Vlore e kthim. Tashme te 21 punonjesit e punesuar, si drejtues mjetesh dhe fatorino, jane pa pune. “Shpresojme te marrin ndonje siguracion nga ky demtim”, pohuan disa prej tyre, qe kane mbetur ne mes te kater rrugeve.

“Dy rojet nuk gjendeshin ne sherbim”

Burimet policore pohuan se pasi kishin marre ne pyetje pronarin e parkut, si dhe drejtuesit e linjave te transportit, kane mesuar se cdo dite parku mbikeqyrej me roje dhe naten ishin te punesuar dy prej tyre. Gjate renies se zjarrit ne kapanonet e autobuseve, rojet nuk kane qene ne krye te detyres. Ky fakt ka lehtesuar punen e autoreve, por nen hetim jane pikerisht dy rojet qe nuk kane qene ne sherbim per te shmangur pasojat. Ata jane shoqeruar disa here, por ende nuk ka dale ne drite emri i autorit apo autoreve. Policia dyshon tek zjarrvenia e qellimshme per faktin se mjetet jane djegur njekohesisht dhe jo njeri pas tjetrit. Motivi kryesor dyshohet konkurrenca ne biznes.

Edhe paraditen e djeshme, ne ish-parkun e autobuseve kishte shume njerez. Ndodheshin punonjes te policise, drejtues te saj, si dhe grupi i eksperteve te kriminalistikes. Ne shesh ndodheshin edhe pronaret e mjeteve, shoke e punonjes te tyre, qe prej dites se djeshme humbasin te pakten 6 mije leke xhiro ditore per mjet.